Dn 2:40 - Chuj San Sebastian Bible

⁴⁰ 'Oj lajwc cha, ax sq'ue wan junx schan̈l nacion̈ ya'n reyal. A jun cha, yel xo wal caw 'ay yip 'icha q'uen hierro. Yujto a q'uen cha, tztechj sma'n poj q'uen junc tas, 'ixta jun nacion̈ 'oj q'ue wan cha, 'oj satxoc 'el smasnil jun tzo'n̈ nacion̈ chi yu'uj.

Chuj San Mateo Bible

⁴⁰ Ol lajvoc chi', ol q'ue vaan junxo schan̈il te ay yip, icha q'uen hierro. A q'uen hierro chi' smac'an poj masanil tastac, pococ tz'aj yuj q'ueen. Icha chi' ol aj junxo ol q'ue vaan chi', ol satjoquel juntzan̈xo nación yuuj.

Dn 2:40 Referans Kwoze

Dn 7:7

Ax no schan̈l xwil 'a in waych cha, caw yel xo tu yilx no'. 'Ay xo smay yilx 'ochi, caw wal 'ay yip. Caw niwc ye no', nab'a hierro. Choc' tz'aj smasnil tas yu'uj, tzb'u'n can 'ejmi, ax jantc to tzcan yuj cha, c'uxn tzte'cn 'ejm yet' yoc. Caw chuc yilx no 'a yib'n̈ jun tzo'n̈ xo no xin b'ab'l 'ilj cha, 'ay lajn̈e sch'a'ac.

Jn 11:48

Toto ton̈j tzquilc win ticnec, smasnil eb' quit chon̈b'ec, 'oj ya'ch eb' sc'ojl 'a winac. Ax ewin yajl 'a Roma, 'oj wul smac' poj ewin jun yatut Dios tic, ax ya'n pax ewin owl yet' eb' quit chon̈b'ec smasnil. Caw 'oj qui canc 'a yaln̈ yuj ewinac, xchi eb'.

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Dn 8:24

'Oj yic' yip si'mb'il, palta man̈oc yet' sjelnal 'a mun yico'. Caw satjub'tac 'oj yutc satn 'el smasnil tas, wach' 'oj 'el'choc yet' tas 'oj sb'o cha. 'Ay eb' 'anma caw 'ay yip, 'oj satxoc 'el eb' yu'uj, an̈jtona', niwn pax eb' schon̈b' Dios 'oj satl yu'uj.

Dn 2:33

A spenec nab'a hierro. Ax samil yoc, hierro caln yaj yet' lum lum mucb'il 'elt 'a scal c'ac'.

Jeremías 15:12

'Ix yaln Jehová 'ixtic: Ex 'aj Judá, ma'oj techjoc eya'n owl yet' eb' 'ajc'ojol, yujto lajn eb' 'icha q'uen hierro caln yaj yet' q'uen bronce tzcot 'a stojlal norte, may mach tztac' sma'n wecchjoc, 'ixta eb' cha.

Job 9:17

Wach'xam may in mul, palta ax am tz'aji, tzin sma'lajwc yet' junc 'ic'n̈ab' caw ow, tzwach' niwtj am in yailal 'aych xoni.

Dn 2:39

A yic 'oj lajwc 'ec' jun opiso tic mamin rey, 'ay junx nacion̈ 'oj q'ue wa'an, ax ya'n reyal, palta ma'oj q'ue'choc sjelnal 'icha ec tic. 'Oj lajwc cha, ax sq'ue wan junx yoxl nacion̈ ya'n reyal, atn jun chi tzch'ox q'uen bronce cha, 'oj yac' yajlil 'a sat smasnil lum lum tic.

Dn 2:41

'Ix eln pax samil yoc yet' yune yoc, chajtlto caln yaj q'uen hierro, yet' lum lum mucb'il 'elt 'a scal c'ac'. A jun cha, tzyal 'el'chi, chamacn̈ yaj jun nacion̈ cha. 'Ay jun macn̈ 'ay tac yip 'icha q'uen hierro, 'icha 'ix otj eln ach tic, to 'ay q'uen hierro chi caln yaj yet' lum lum cha.