Dn 2:4 - Chuj San Sebastian Bible

⁴ Xlajw cha, 'ix paxtin eb' tzyal jelnal sb'a chi 'a win rey 'a sti eb' arameo, atn sti eb' cha, 'ix yaln eb' 'ixtic: —¡Mamin rey, 'ayc'n̈ej cab' opiso tic 'a jun 'ejmn̈ej! Al 'ayn̈ an̈ a checb' on̈ tic, tas 'ix el 'a a waych cha, an̈ xo 'oj cal 'aych on̈ tas tzyal 'el'chi, xchi eb'.

Chuj San Mateo Bible

⁴ Ix yalan eb' vin̈ d'a vin̈ d'a ti' arameo icha tic: —Mamin rey, ayocab'n̈ej opisio tic d'a juneln̈ej. Al d'ayon̈ a on̈ a checab' on̈ tic tas ix a vayichej chi', ol calan d'ayach tas syalelc'ochi, xchi eb' vin̈.

Dn 2:4 Referans Kwoze

Dn 5:10

A yic xyab'n 'ix reina yel yaw win rey chi yet' eb' yit yajlil 'ayc' yet'oc, 'ix 'och 'ix 'a yojl jun n̈a chi 'aj 'aych q'uin̈ cha, 'ix yaln 'ix 'a win 'ixtic: —Mamin rey, 'ayc'n̈ej cab' opiso tic 'a smasnil tiempo, man̈ ach xiwoc, man̈ sacb'oc 'el 'a sat yuj xiwlal.

Dn 3:9

'Ix yaln eb' 'a win rey chi 'ixtic: Mamin rey, 'ayc'n̈ej cab' opiso tic 'a jun 'ejmn̈ej.

Esdras 4:7

Ax 'a yol stiempoal Artajerjes, sreyl Persia, ata 'ix tz'ib'x 'at jun ch'an̈ carta yuj Bislam, Mitrídates, Tabeel, yet' jun tzo'n̈ xo eb' yitb'eym eb'. A ch'an̈ carta cha, tz'ib'b'il ch'an̈ 'a sti eb' arameo.

Is 36:11

Xlajw cha, 'ix ta'w Eliaquim, Sebna, yet' Joa 'a win syajlil eb' soldado asirio cha: Tzon̈ tew 'ayach, to tzach paxtin 'ayn̈ 'a sti arameo, yujto tznachj 'el cuj an̈ tic on̈. Man̈ al 'ayn̈ 'a sti hebreo, yujto tzyab' eb' 'anma 'ay q'ue 'a yib'n̈ smuroal chon̈b' tic, xchi eb'.

Dn 6:21

Xlajw cha, xta'w Daniel 'ixtc 'a winac. —¡Mamin rey, 'ayc'n̈ej cab' opiso 'a jun 'ejmn̈ej!

Dn 6:6

Xlajw cha, 'ix smol aln jun tzo'n̈ eb' gobernador cha, to tz'at eb' paxtinc yet' win rey Darío. A yic xc'och eb' 'a yojltac winac, 'ix yaln eb' 'a win 'ixtic: —¡Mamin rey Darío, 'ayc'n̈ej cab' opiso tic 'a smasnil tiempo!

A Ch'an̈ B'ab'el Libro Yic Yab'ixal Eb' Rey 1:31

'Ix yab'nn̈ej 'ix Betsabé to 'ixta', 'ix 'em n̈ojn 'ix 'a yojltac win rey, masnto squil 'ejm 'ix snan̈l sat 'a sat lu'um, xyaln 'ix 'ixtic: —¡Mamin wajlil rey David, comnoc 'aych 'ec' 'a smasnil tiempo! xchi 'ix.

Mt 21:9

Ax eb' b'ab'el yet' eb' tzac'an, 'ix laj yalnc eb' 'ixtic: —Yuj wal dios 'a jun yin̈tl David tic. Calc wach' paxti 'a jun checb'il cot yuj Cajlilec. Ca'c yuj diosal 'a Dios 'aj satcha'an̈, xchi eb'.

Dn 5:8

Smasnil eb' tzyal jelnal sb'a chi 'aych yopiso ya'n snab'enoc win rey, 'ix 'och eb' 'a yol jun n̈a cha, palta may junc eb' stac' yawtn jun tas tz'ib'b'il cha, ma'ix stac' yaln eb' 'a win rey tas tzyal 'el'chi.

Dn 4:19

Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

Dn 4:7

Ax yic xjaw eb' 'ay tas tztac' yuj cha, eb' tzchumn yet' c'anal, eb' tztac' snan 'el junc paxti', yet' eb' tzyal jelnal sb'a. 'Ix waln jun in waych chi 'a eb', palta ma'ix stac' yaln eb' 'ayin tas tzyal 'el'chi.

Is 44:25

An tzwixtj 'el spaxti eb' 'ajchum, tzwixtn 'el pax snab'en eb' tztac' snan 'el junc paxti yalni. Tzwa'n pax somchjoc 'el snab'en eb' tzyal jelnal sb'a, caw tzsucb'i can 'el snab'en eb'.

Nehemías 2:3

xwaln 'a win 'ixtic: —'Aychn̈ej cab' 'ec' 'a smasnil tiempo mamin rey. Cusltac yilx in sat, yujto tzin cus yuj in chon̈b' 'aj mucn eb' in mam wicham, caw juwnac, tz'anc pax spuertail? xin chi.

A Ch'an̈ B'ab'el Libro Yic Yab'ixal Eb' Rey 1:25

Yujto a ticnec, til wal no mam wacax, no quelmtac wacax, yet' no calnelu 'ix smil winac. 'Ix yawtn win eb' onnal mamin rey yet' eb' scapitan̈il eb' a soldado, yet' pax Abiatar ya'mal 'och qui ti 'a Dios. A ticnec wan swa eb', wan yu'n eb' tas tzyu'j yet' winac, caw wal tz'el yaw eb', tzyaln eb' 'ixtic: ¡Viva win rey Adonías! xchi eb'.

A Ch'an̈ B'ab'el Libro Samuel 10:24

'Ix yaln Samuel 'a smasnil eb' chon̈b' chi 'ixtic: —¡'Iltec wal jun si'ch Jehová tic qui reyloc! ¡May wal junc 'a qui cal tztac' slajb'tzan sb'a yet' winac! xchi. Yuj cha, 'ix yaln eb' chon̈b' yet' stzaljc'ojlal 'ixtic: ¡Viva win rey! xchi eb'.

Gn 41:8

Ax yic sacb'eli, caw wal tacn̈c sc'ojl win rey yuj swaych cha, xya'n win 'ijxoc cot smasnil eb' tztac' snan 'el paxti 'a Egipto, yet' eb' jeln snab'en yalni, syamn 'och win rey yal swaych chi 'a eb'; palta may junc ewin stac' yalni tas tzyal 'el'ch swaych win rey cha.

Gn 31:47

A win Labán, Jegar Sahaduta xyac' sb'ic jun lugar chi 'a sti', ax pax Jacob, Galaad xyac' sb'ic 'a sti'.

A Ch'an̈ Schab'il Libro Yic Yab'ixal Eb' Rey 18:26

Xlajw cha, 'ix ta'w Eliaquim, Sebna, yet' Joa 'ixtc 'a win syajlil eb' soldado asirio cha: Tzon̈ tew 'ayach, to tzach paxtin 'ayn̈ 'a sti arameo, yujto tznachj 'el cuj an̈ tic on̈. Man̈ al 'ayon̈ 'a sti hebreo, yujto tzyab' eb' 'anma 'ay q'ue 'a yib'n̈ smuroal chon̈b' tic, xchi eb'.

Dn 1:4

'Ix yaln win rey chi 'ixtic: A eb' quelm cha, yowlal to caw wal wach' yilx eb', may tas palta 'a sniwnal eb', caw jeln cab' eb', 'ay snab'en cab' eb' si'mb'il, eb' smoj wal ya'w servil 'a in despacho an rey in tic. Yowlal tzcuyx eb' 'a qui ti an̈ 'aj Babilonia on̈ tic.

Dn 2:7

'Ix ta'w eb' 'a win rey jun 'ejm xo 'ixtic: —Mamin rey, al wal 'ayn̈ on̈, tas 'ix el 'a a waych cha, an̈ xo 'oj cal 'aych on̈, tas tzyal 'el'chi, xchi eb'.

Dn 4:9

Ach Beltsasar, syajlil ach eb' tztac' snan 'el junc paxti', wojtac to a sjelnal jun tzo'n̈ dios 'aych 'ayach. A smasnil tas c'ultac yaji, caw tznachjn̈ej 'el o'oj. Maclj wal ab' jun tzo'n̈ in waych chi 'ix wil cha, ax aln 'ayin tas tzyal 'el'chi.

Dn 6:7

Qui masnil an̈ tic 'aych copiso oj tic 'a yol jun nacion̈ tic, 'ix qui yam qui b'a qui masnil 'a jun qui c'umjb'a. 'Ix calni, to wach' tza b'o junc ley, tzlajw cha, tzalx 'el 'a scal smasnil eb' 'anma 'ayc' 'a yol a macb'en tic, may cab' junc 'anma tzyac' 'ejm sb'a 'a junc xo dios yic tzyaln sb'a 'a 'a, mto 'a junc xo chuc 'anma'il, palta cojn cab' 'aych tzyal sb'a eb' 'a junc 'ujal. A mach matz yiclni jun ley cha, tojln̈ej cab' sjulx 'ejm 'a yol yet'l e no león.