Dn 2:18 - Chuj San Sebastian Bible

¹⁸ 'Ix yaln 'a eb' to tzc'an eb' scolwal Dios 'aj satcha'an̈, yuj jun paxti to caw c'ultac yaj cha, sec matz milx cham eb' yet' eb' tzcob' yal jelnal sb'a 'a yol yic Babilonia cha.

Chuj San Mateo Bible

¹⁸ Ix yalan vin̈ d'a eb' vin̈ to sc'an scolval sDiosal satchan̈ eb' vin̈ yic snachajel jun lolonel satub'tac chi' yuj eb' vin̈, yic max miljicham eb' vin̈ yed' juntzan̈xo eb' vin̈ jelan d'a yol yic Babilonia chi'.

Dn 2:18 Referans Kwoze

Jeremías 33:3

C'anb'j 'ayin, 'oj wal jun tzo'n̈ tas caw niwn yel'ch 'ayach, to satjub'tac yalxi, atn jun tzo'n̈ to mant ojcoc.

Mt 18:19

Tzwaln pax 'ayex, toto 'ay chawn̈oc ex lajnn̈ej e nan yuj junc tas tze c'an 'a e lesal, ax qui Mam 'ayc' 'a satcha'an̈, 'oj ya'n̈j 'ayex.

Mt 18:12

Q'uinloc 'ay junc mach 'ay junc ciente scalnelu, toto tzsat junc no', tzyactj can win no 99 chi 'a lum tzalan, tz'at saync 'ec' win jun no tzsat cha.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Salmos 50:15

Alc e b'a 'ayin yic 'ay e somc'ojlal, an 'oj ex in colo'. 'Ay cab' wel'ch 'a e sat, xchi Dios.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Is 37:4

Comnoc wal 'ix yab' Jehová qui Diosal jun tzo'n̈ paxti 'ix yal win syajlil eb' soldado yic win sreyl chon̈b' Asiria checb'il cot yuj win rey yic tzb'uchwj 'a qui Diosal pitzan. Comnoc tzya'ch Jehová yailal 'a yib'an̈. Yuj cha, leslwan̈ cuj an̈ jayn̈ on̈ tzon̈ can tic, xchi Ezequías, xchi eb'.

A Ch'an̈ B'ab'el Libro Samuel 17:37

A Jehová in coln 'el 'a yol sc'ab' no león, yet' 'a yol sc'ab' no oso, an̈jtona a pax 'oj in coln 'el 'a yol sc'ab' win filisteo tic, xchi David. —'Ixc 'an, a cab' Jehová tz'och et'oc, xchi Saúl 'a David.

Gn 18:28

Q'uinloc 'ayt own̈oc 'anma matz tz'acw 'a 50 'a eb' wach' sb'eyb'al, ¿tom yuj wal own̈ xo cha, tza satn 'el jun chon̈b' cha? xchi winac. 'Ix ta'w Dios 'ixtc 'a 'a: —Toto 'ay 45 'anma caw wach' sb'eyb'al, matz in satl jun chon̈b' cha, xchi.

A Schab'il Carta San Pedro 2:9

An̈jtona', 'ixta pax ticnec. Yojc Dios, tas tzyutj scoln eb' 'aych snab'en 'a 'a, yic tz'ajx prowal eb'. Yojc paxi, tas tzyutj ya'n can 'at eb' man̈ tojloc snab'en 'a yailal. Ata tzcan eb', masnto 'oj jawc jun c'ual, yic 'oj wach' b'eyc'ojlaxc eb'.

Ro 15:30

Ex wu'tac, ex wanab', a Yespíritu Dios, a tz'a'n qui chamc'ojloquec qui b'a. Yu'uj, tzin tew 'at 'ayex, caw tzeyac' eyip eyoch wet' 'a lesal. Caw tzex leslwi 'a Dios wu'uj, yujto 'ixta tznib'j Cajlil Jesucristo.

A Tas Sc'ulejnac Eb' Schecab' Jesús Hechos 12:4

Xlajw syamchji, 'ix 'ajx 'och 'a preso. 'Ix 'ajx 'och 'a yol sc'ab' waclajn̈wan̈ soldado tztan̈wni. Chan̈tcwan̈ eb' xtan̈wni 'a junjn 'ejem. 'Ix snan win Herodes, to a yic 'oj lajwc q'uin̈ yic snanb'il cot yel eb' israel 'a libre, ax sch'oxn 'elt win Pedro chi 'a sat eb' 'anma', ax sb'on win yaji.

Dn 3:17

Wal yel, a qui Diosal 'aj tzcac' 'emmquilal on̈, a tztac' on̈ scoln a te c'ac' caw ow sn̈ilchj 'a jun jorna cha, yet' 'a smasnil tas tza nib'j tzon̈ otj on̈, a 'oj qui coln 'el 'a yol a c'ab' on̈.

Ez 36:37

An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Dn 2:23

Ach qui Diosal on̈, sDiosal ach pax eb' qui mam quichm on̈, caw tzwac' yuj diosal 'ayach. Tzwaln pax wach' paxti 'ayach, yujto 'ix ac' in jelnal, yet' pax wip. A ticnec 'ix ac' wojcoc 'el tas 'ix qui c'an 'aych on̈; xac' wojcoc 'el tas yaj swaych win rey, xchi Daniel 'a Dios.

Dn 4:26

A jun paxti 'ix alx cha, chajtlto tzcan te yib' yet' te sch'an̈l yib' 'a sat lu'um, tzyal 'el'chi, to 'oj a meltzj pax 'a opiso jun 'ejm xo, yic tox 'ix nachj el o'oj to a jun 'aj satcha'an̈, a Yajl yaj 'a yolyib'n̈q'uinl tic.

Jonás 1:9

'Ix ta'w Jonás, 'ix yaln 'a ewin 'ixtic: —An tic hebreo in. A 'a Jehová sDiosal satcha'an̈, ata tzwal in b'a, atn jun b'ojnac a mar yet' lum lu'um, xchi.

Salmos 136:26

Alx cab' yuj diosal 'a Dios 'ay yic satcha'an̈. A schamc'ojlal Dios 'ayn̈j 'a smasnil tiempo.