Dn 11:7 - Chuj San Sebastian Bible

⁷ Palta 'ay jun yican 'ix 'oj 'och reyal, ax s'at yet' eb' soldado 'at yac' owl yet' eb' soldado yic norte. 'Oj 'em eb' yu'uj, masnto 'oj 'em schon̈b' win sreyl norte chi yu'uj.

Chuj San Mateo Bible

⁷ Palta ay junoc sc'ab' yoc ix ol och reyal, ol yac'an oval yed' eb' soldado yic norte. Ol ac'joc ganar eb' yuuj yed' chon̈ab' b'aj cajan jun vin̈ sreyal norte chi'.

Dn 11:7 Referans Kwoze

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Malaquías 4:1

A Jehová tztac' yuj smasnil, a tzaln 'ixtic: Wan sjaw jun c'u yic 'oj wa'nc yowl in c'ojol, yic 'oj wa'nc satxoc 'el smasnil eb' b'uchwjum, yet' eb' tzb'on maysch'olnil, man̈x 'a junc eb' 'oj canoc. 'Icha wal tz'aj stz'a 'ejm te 'ac 'a yol junc jorna, 'ixta wal 'oj 'aj eb'.

Ez 17:18

Yujto ma'ix yac' 'el'choc win rey tas xyal yet' sti', 'ix yac' win 'es 'a strato, xcob' yala' to yiclum tzyutj sb'a. Yujn̈ej cha, ma'oj stac' xon scoln sb'a.

Jeremías 12:2

Ach a b'ojnac eb', 'ix yi'n eb' yip. 'Ix q'uib' eb', xniwtj chan̈ sb'isl eb'. Caw tzach sb'inej cob' eb', palta ax snab'en eb', caw najt yajl 'a a tz'ey.

Is 11:1

'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Is 9:14

'Icha tzyac' junc no noc' tzu'x 'el sjolom, tzu'x 'el sn̈e, mto 'icha pax tz'aj junc te palma sch'acxi, junn̈j c'u tzu'x chan̈ yet' sc'ab' smasnil. 'Icha junc te cha, 'ixta 'oj yutc Jehová chon̈b' Israel.

Salmos 109:8

C'ochnb'oc cab' sq'uinal, chucx cab' mach 'oj 'ochx can sjelc 'a yopiso cha.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

Job 14:7

A yic tzu'x 'el junc te te', cojc si'mb'il to 'oj wolnc te', ax te swol chi 'oj q'uib'xi.

Dn 11:6

Ax yic 'oj 'ec' jaye'oc ab'il, a chawn̈ eb' rey cha, 'oj sb'o eb' jun strato. A jun rey 'a sur cha, 'oj ya't jun yisl 'a win rey 'a norte, yic wach' a chab' nacion̈ cha, tz'och junc'ojlal 'a scal eb'. Palta ma'oj stac' yi'n b'ey 'ix jun trato chi yet' win yichmil cha, yuj cha, 'oj milxoc cham 'ix yet' yichmil, yet' eb' yune 'ix, yet' pax eb' tz'a'n servil 'ix.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.