Dn 11:29 - Chuj San Sebastian Bible

²⁹ A yic 'oj c'och stiempoal tas nab'il yu'uj, ax s'atx yet' eb' soldado 'at yac' owl yet' jun rey 'ay 'a sur cha. Palta a 'a jun 'ejm xo cha, man̈x 'oj yac' ganar 'icha 'a b'ab'el.

Chuj San Mateo Bible

²⁹ Ayic ol c'och stiempoal nab'il yuj Dios, ol b'atxoc vin̈ yed' eb' soldado yac' oval d'a sur. Palta a d'a junelxo chi', man̈xo ol yac'laj ganar vin̈ icha d'a sb'ab'elal.

Dn 11:29 Referans Kwoze

A Tas Sc'ulejnac Eb' Schecab' Jesús Hechos 17:26

Atn b'ojnac jun b'ab'l winac, yin̈tl junjn chon̈b'al. Yuj cha, 'ayn̈j 'anma 'a smasnil yolyib'n̈q'uinl tic. An̈j tzalni, 'aja tiempoal tzq'ue wan junjn chon̈b'al. A tz'a'n slugar junjn chon̈b'al eb' 'anma 'aj tzcan cajan.

Dn 11:25

'Oj ya'ch sjelnal chi yipc sc'ojol, ax ya'n owl yet' jun rey 'ay 'a sur, caw niwn sb'isl soldado 'oj 'och yet'oc. Palta a jun rey 'a sur cha, yet' wal yip si'mb'il, yet' pax jun tzo'n̈ soldado caw jelan, ax ya'n owl yet' jun tzo'n̈ soldado caw niwn sb'isl cha. Palta ma'oj stac' yuj jun rey 'a sur cha, yujto ton̈j 'oj 'ixtxoc paxti'.

Dn 11:23

Caw 'oj 'ixtxoc paxti eb' 'anma yu'uj, atn eb' 'oj yac' cob' strato yoch 'a wach'c'ojlal yet'oc. Wach'xam jaywn̈ej eb' 'anma 'aych yet'oc, palta caw 'oj ya'n̈j ganar.

Dn 10:1

A yic yoxl ab'il yoch win Ciro reyl 'a chon̈b' Persia, 'ix japx spaxti Dios 'a Daniel, atn tzcuch pax Beltsasar. Waychil 'ix 'aj yalx 'a 'a, yuj tas wal tzyal 'el'chi. A jun paxti cha, niwquil owl tzch'oxo.

Dn 8:19

Xyaln 'ayn 'ixtic: 'Oj wal 'ayach tas 'oj ujc 'a yic wan slajw jun tiempoal tic. A jun xel cha, tzch'ox cot yuj slajb' c'ual.

Is 14:31

C'uyyoc cab' yel eyaw ex filisteo, 'el cab' eyaw yuj yailal yet' xiwlal. Yujto a 'a stojlal norte, ata wan scot nan̈l eb' soldado, 'icha to junn̈j 'anmal eb' tzquila, lajn wal sb'ey eb' 'icha 'asun.

Gl 4:2

yujto 'ay mach tz'a'n cuenta. 'Ac'b'ilt mandar masnto tzjaw jun c'ual tzyaln smam, to mun tzyique'ej sb'a.

Dn 11:28

Ax jun sreyl norte cha, a yic 'oj meltzjoc 'a sur cha, ax yi'n cot smasnil sricoal 'oj yi'cn 'ec' 'a scal owl cha. 'Oj lajwc cha, ax yoch 'ajc'ojlal 'a 'emmquilal tzyac' eb' israel, atn jun strato Dios sb'ojnac yet' eb', ax sb'on wal smasnil tas 'oj snib'c sb'o'. 'Ixta to b'i'an, ax smeltzj pax 'a slu'um.

Dn 11:30

Yujto a eb' soldado 'ay 'a stojlal 'aj tz'em c'u, 'oj jawc eb' 'a yol barco. A eb' 'oj tennc 'och wa'an. 'Ixta 'oj 'aj xiw win sreyl norte cha, ax smeltzj pax 'a spatic. Yuj cha, ax 'a yib'n̈ strato Dios sb'ojnac yet' eb' israel, ata oj yi'l yowl sc'ojol, ax schan yab' tas 'oj yal eb' 'oj 'actnoc can jun trato cha.