Dn 11:25 - Chuj San Sebastian Bible

²⁵ 'Oj ya'ch sjelnal chi yipc sc'ojol, ax ya'n owl yet' jun rey 'ay 'a sur, caw niwn sb'isl soldado 'oj 'och yet'oc. Palta a jun rey 'a sur cha, yet' wal yip si'mb'il, yet' pax jun tzo'n̈ soldado caw jelan, ax ya'n owl yet' jun tzo'n̈ soldado caw niwn sb'isl cha. Palta ma'oj stac' yuj jun rey 'a sur cha, yujto ton̈j 'oj 'ixtxoc paxti'.

Chuj San Mateo Bible

²⁵ Ol yac'och sjelanil vin̈ chi' yipoc sc'ool, ol yac'an oval vin̈ yed' vin̈ sreyal sur. Nivan sb'isul soldado ol och yed' vin̈, palta a vin̈ sreyal sur chi' yed' val yip yed' pax soldado te jelan ol yac'an oval yed' vin̈. Palta man̈ ol yal-laj stec'b'an sb'a eb' soldado chi', yujto ton̈ej ol ac'joc musansatil vin̈ sreyal sur chi'.

Dn 11:25 Referans Kwoze

Dn 11:2

A ticnec, 'oj wac' ojcoc 'el jun tzo'n̈ tas to caw yel 'oj ujoc. 'Ayt chan̈wn̈ eb' rey 'oj yac' yajlil 'a Persia cha, 'oj 'e'cn 'oxwn̈ eb', ax yoch win schan̈l cha. A jun cha, yel xo 'oj q'ue'choc ricoal 'a yib'n̈ 'oxwn̈ xo eb' cha. Yuj wal sricoal cha, ax yi'n wal yip eb' soldado, ax ya'n owl si'mb'il yet' jun sreyl Grecia cha.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Dn 11:10

Palta ax eb' yunnal jun rey 'ay 'a norte cha, 'oj q'ue wan eb', ax ya'n eb' owl cha, man̈x jantcoc sb'isl soldado eb' 'oj smolb'tzoc. Ax 'a scal junc eb' 'unnab'il cha, ata 'oj 'eltoc junc mach yet' soldado, yic tz'at ya'nc 'ejm sur 'a snab'en. Caw ji'lti 'oj 'ec' yac' owal, 'icha tzyac' junc a 'elmal a', masnto 'oj c'och 'a 'aj 'ay schon̈b' jun rey 'ay 'a sur cha.

Dn 11:5

A jun 'oj 'och reyl 'a sur cha, yel xo wal jeln 'oj 'ajoc, palta ax junc eb' sgeneral jun b'ab'l rey cha, yel xo pax jeln 'oj 'aj 'a yib'an̈. Yuj cha, caw wal niwn 'aj 'oj yac' yajlil.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.