Dn 11:24 - Chuj San Sebastian Bible

²⁴ A wal yic man̈ nanoc yuj eb' 'anma', ax yoch 'a sat slum eb', atn lum caw wal wach', ax sb'on tas man̈ sb'ojnacoc eb' smam yicham. Ax smasnil tas 'oj yi'cn 'ec' 'a owl cha, 'oj spojcn 'ec' 'a eb' soldado ajun yet'oc. Ax snib'n cob' yac' owl yet' jun tzo'n̈ chon̈b' caw wal 'ay yip, palta jab' wal tiempo 'oj yac'a'.

Chuj San Mateo Bible

²⁴ Ayic man̈ naanoc yuj eb' anima chi', ol och vin̈ d'a sat sluum eb', aton lum te vach'. Ol sc'ulejn̈ej vin̈ tastac to maj sc'ulej eb' smam yicham. Masanil tas ol yic' vin̈ d'a oval chi', ol spojec' vin̈ d'a scal eb' ajun yed'oc. Ol snib'ej vin̈ yac' oval yed' juntzan̈ chon̈ab' to tec'an, palta man̈ nivanoc tiempo ol yal yuj vin̈.

Dn 11:24 Referans Kwoze

Mt 9:4

Ax Jesús yojc tas wan snan ewinac, yuj cha, xyaln 'a ewin 'ixtic: —¿Tas yuj wan e nan jun tzo'n̈ maysch'olnil tic?

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Ez 38:10

An Jehová in, an tzwal 'ixtic: Caw tu tas 'oj a nib'c a b'o 'a jun tiempoal cha.

Pr 23:7

yujto a eb' 'ay yic jun tas tzc'uxx cha, niwn tas tzna eb' yu'uj. Wach'xam tzcob' yal eb' to tzex wa'i, palta man̈ yet'c smasnil sc'ojl eb' tzyaln eb'.

Pr 19:6

A eb' 'ela tzyutj sb'a, til wal mach tzsayn 'ec' eb', yuj yoch eb' swach'c'ojloc eb'.

Pr 17:8

A mach tzb'eylb'an ya'n tumn 'a c'ultaquil, a 'a snab'en to wach' tz'aj 'el'chi, yujto tzann̈j 'aj tz'eq'ui, tzb'on̈j 'icha tas tznib'ej.

Nehemías 9:25

An̈jtona', xyi'n pax eb' jun tzo'n̈ chon̈b' caw wach' yaj sb'o'i; yet' lum lum caw wach' tz'aj sb'a'al, yet' te n̈a to b'ut'n yet' tastc wach', eb' a c'ob'a', uva, olivo yet' jun tzo'n̈ xo te te tzyac' sat. 'Ix wa eb', caw 'ix b'ut'j eb', xb'a'chb'i eb' swa'i. Caw 'ix tzalj eb' yuj a wach'c'ojlal.

Jueces 9:4

'Ix yi'n 'elt eb' 70 q'uen tumn plata molb'il 'a yol yatutal jun comn dios tzcuch Baal-berit, xya'n eb' 'a Abimelec cha. Ax yet' jun tzo'n̈ tumn cha, a 'ix yac' stojloc jun tzo'n̈ eb' ma'm cham 'anma', sec tz'at eb' yet'oc.

Nm 13:20

tzyac' am lum sb'a'al mto ma'ay, 'aym te 'awb'ente 'a sat lu'um, mto ma'ay. Man̈ ex xiwoc; tzeyij cot sat te 'awb'ente chi quil 'a tic, xchi 'a eb'. A wal yel-l te sb'ab'l sat uva yic 'ix xit'c' eb' cha.

Ez 34:14

'Oj wi't eb' 'a lum lum caw 'ay syaxil sat, atn lum jolmctac witz wa'jnac 'a eb'. Ata 'oj wac' 'iljoc eb', ax wa'n tas caw wach' tzc'ux eb' ta'.

Dn 11:23

Caw 'oj 'ixtxoc paxti eb' 'anma yu'uj, atn eb' 'oj yac' cob' strato yoch 'a wach'c'ojlal yet'oc. Wach'xam jaywn̈ej eb' 'anma 'aych yet'oc, palta caw 'oj ya'n̈j ganar.