Dn 10:16 - Chuj San Sebastian Bible

¹⁶ Ax x'aji, 'ay jun 'icha yilx 'anma', yajn̈ej x'och yamn 'a in ti'. Xlajw cha, xwaln 'a jun mach lin̈n 'ec' 'a wojltac chi 'ixtic: Ach wajlil, yuj wal jun in waych tic, in 'och 'a somc'ojlal, caw x'el wip xwab'i.

Chuj San Mateo Bible

¹⁶ Axo ix aji, ay jun lajan yilji icha anima, elan̈chamel ix syam in ti'. Axo ix valan d'a jun lin̈anoch d'a vichan̈ chi': Mamin, a yuj jun tas ix vil tic, ix och val pitz'an d'a in c'ool, man̈xalaj vip svab'i.

Dn 10:16 Referans Kwoze

Dn 8:15

An Daniel in tic, wanto in nan yuj tas xwil 'a in waych cha, yic tznachj 'el wu'uj tas tzyal 'el'chi. Ax xwilni 'ay jun 'icha yilx 'anma sch'ox sb'a 'a wojltac.

Is 6:7

'ix squiln 'och 'a in ti', xyaln 'ayn 'ixtic: A jun stzac'ac' xin quilch 'a a ti tic, a x'i'n can 'el a mul, 'ix 'ajx can lajwc smasnil a tu'al, xchi 'ayin.

Jeremías 1:9

Xlajw cha, xya'n cot Jehová sc'ab', xwul squilnc 'och sc'ab' 'a in ti', xyaln 'ayn 'ixtic:

Dn 8:27

An xo an Daniel in tic, caw x'el wip xwab'i, 'ix 'och in yailal jaye c'ual. Xlajw cha, xb'ox in c'ojol, in q'uex wa'an, 'ix in yamn pax 'och wiln wopiso 'ac'b'il yuj win rey. Palta caw wal an̈ja 'ayn 'och 'a somc'ojlal yuj jun tzo'n̈ tas wiljnac 'a in waych cha, yujto caw matz nachj 'el wu'uj, tas wal tzyal 'el'chi, xchi Daniel.

Dn 8:17

Xlajw cha, xjaw Gabriel chi 'a in tz'ey. Caw in xiw yu'uj, in 'em cumnjoc 'a yojltac. 'Ix yaln 'ixtc 'ayin: Ach winac, 'ojquej 'eli to a tas tzyal 'el'ch jun x'el cha, atn tas 'oj ujc 'a slajb' c'ual, xchi 'ayin.

Dn 7:28

Atn slajb' jun tzo'n̈ tic xalx can 'ayn an Daniel in tic. Caw in 'ochcn 'a somc'ojlal yu'uj. Caw sacb'el in sat yuj xiwlal, palta may xon junc mach 'aj 'ix wal-l jun tzo'n̈ paxti tic, xchi Daniel.

Dn 7:15

An Daniel in tic, caw in xiwcha'an̈, yic xwiln jun tzo'n̈ cha, in 'och 'a 'il yu'uj.

Apoc 1:13

Ax 'a snan̈l jun tzo'n̈ yet'l cantil cha, ata 'ay jun lajn yilx yet' 'anma'. 'Aych jun jucn pichl yu'uj, tz'emch 'a yoctac. Ax 'a sn̈i sc'ojol, ata 'aych jun cincha niwquil sat, caw nab'a oro.

Jn 20:28

Xlajw cha, xyaln pax Tomás chi 'a 'ixtic: —Ach ton tic Wajlil ach, in Diosal ach, xchi 'a 'a.

Lc 21:15

Yujto an 'oj ex wac' paxtinoc, ax wa'n jun jelnal 'ayex. Yuj cha, may junc eb' tzchichn 'och 'ayx 'oj eya'n ganar. May junc eb' tza'wni sjelnal 'icha jun 'oj wac' 'ayex.

Lc 1:64

Yajn̈j wal cha, 'ix jacw pax sti win Zacarías, 'ix paxtini. Syamn 'och win yaln wach' paxti 'a Dios.

Dn 12:8

'Ix wab' tas xyala, palta ma'ix nachj 'el wu'uj. Yuj cha, xin c'anb'n 'a jun chi 'ixtic: Mamin, ¿tas wal 'oj 'aj slajw 'ec' smasnil jun tzo'n̈ tic? xin chi.

Dn 9:21

A yic wanto in leslwi cha, ax Gabriel jun sch'oxjnac sb'a 'ayn 'a jun in waych 'a yic yaln̈taxi, 'ix jaw jen̈n̈oc 'a in tz'ey 'aj 'ayn 'ec' cha, 'icha wal yorail yic tz'ajx xajmb'al 'a Jehová 'a yic yemc'ual.

Ez 33:22

A 'a sq'uic'b'alil yic mantzac jaw win xcot 'elc cha, 'ix ya'n cot Jehová spoder 'a wib'an̈. Ax yic xjaw jun winc chi 'a sq'uin̈b'il cha, 'ix jacw can pax in ti', wach'x in paxtin paxi.

Ez 3:27

Palta an to 'oj wala', ax a paxtin paxi, ax aln 'a eb' 'anma chi 'ixtic: 'Ixtc wal yaln Jehová Cajlil, xa chi 'a eb'. A eb' tznib'j 'ab'noc, yab' cab' eb', ax eb' matz nib'j 'ab'noc, man̈ yowlalc tzyab' eb', yujto caw wal pit eb', xchi 'ayin.

Ez 1:26

A 'a yib'n̈ jun jen̈n 'ec' cha, ata b'achn q'ue jun despacho caw wach' yilx 'icha q'uen zafiro, ax 'a jun despacho cha, ata wocn 'ejm jun 'icha yilx junc winac.

Ec 1:18

Wal yel, a yic tzniwtj qui jelnalec, a pax ta tzniwtj sjaw qui somc'ojlalec. A yic tzniwtj cojcanec 'el junc tas, a pax ta tzniwtj sjaw qui cusc'ojlalec.

Jueces 13:8

Yuj cha, 'ix leslwi Manoa 'ixtc 'a Jehová: Mamin, tzin tew wal 'ayach, comnoc tza chec paxt win a checb' chi 'ayn̈ jun 'ejm xo, sec tzwul yalcn wal 'ayn̈ on̈, tas wal 'oj qui b'o yet' jun 'unn chi 'on̈ yic 'oj 'aljoc, xchi winac.

Jueces 6:15

—'A'n niwnc'ojlal jun 'ejm xo mamin. ¿Tas 'oj wutc in coln 'el eb' wit chon̈b' tic? Yujto an tic, caw wal meb'a in yet' eb' win̈tl 'a scal eb' yin̈tl Manasés. Slajb' 'unn xoj pax waj 'a scal eb' wu'tac, xchi Gedeón.

Jueces 6:13

'Ix ta'w win Gedeón cha, xyaln 'ixtic: —'A'n niwnc'ojlal mamin, toto 'aych Jehová quet' on̈, ¿tas yuj tzjaw jun tzo'n̈ tic 'a quib'n̈ on̈? ¿'Ajtil 'ay jun tzo'n̈ milagro yaljnac can eb' qui mam quichm on̈, yic yaln eb' chajtlto a Jehová 'ix 'i'n 'elt eb' 'a Egipto? Palta ax ticnec, on̈ yactj can qui ch'ocj on̈, on̈ ya'n can 'och 'a yol sc'ab' eb' madianita, xchi.

Josué 5:14

Ax jun winc cha, 'ix ta'w 'a Josué 'ixtic: —Ma'ay, an tic tzin jaw in jucb'tzoc eb' soldado Jehová, xchi. A yic xyab'n Josué to 'ixta yaj jun winc cha, 'ix 'em n̈ojnjoc 'a sat lu'um, 'ix yaln 'ixtc 'a 'a: —¿Mamin, tas tza nib'j tzin b'o an a checb' in tic? xchi.

Ex 4:13

Palta 'ix ta'w pax Moisés 'ix yalni: —¡'Ay, Mamin! Tzwal wal 'ayach, to man̈ in a checb'ti, caw wach' tza say junc xo mach tz'ati, xchi.

Ex 4:10

Xlajw cha, 'ix yaln Moisés 'ixtc 'a Jehová: ¡'Ay, Mamin Jehová! comnoc wal man̈oc in tzin a checb'ti, yujto caw wal matz tac' in paxtini; man̈ octo yic tzaln 'ayn tic tzwaln 'ixta', palta toxn in c'ojlb'al to teb'il tztac' in paxtini, xchi.

Dn 4:19

Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

Dn 8:18

A yic wanto spaxtin 'ayn cha, in 'ec' telnjoc 'a sat lu'um, caw sat in c'ojol; 'ix 'och yamn 'ayin, in sto'n chan̈ lin̈an.