Dn 10:12 - Chuj San Sebastian Bible

¹² Xlajw cha, xyaln pax 'ayn 'ixtic: Daniel, man̈ ach xiwoc. A Dios 'ix 'ab'n a lesl 'a yic b'ab'l c'u yic a'n 'och a b'a 'emmquilal 'a 'a. Yujn̈ej jun tzo'n̈ a paxti cha, yuj cha, in checx coti.

Chuj San Mateo Bible

¹² Ichato chi' ix yalan d'ayin: Daniel, man̈ ach xivoc. Yictax ix a chaanel yich och ejmelal, yic tza c'anan a jelanil, yic snachajel tas ajaltac uuj, a Dios ix ab'an a lesal. Yuj chi' in checjicot d'ayach.

Dn 10:12 Referans Kwoze

Dn 10:19

Xyaln 'ayn 'ixtic: Man̈ ach xiwoc. Caw tzach schamc'ojlej Dios. Cojn to tza te'wtzej a b'a, xchi. A yic wanto spaxtin 'ayn cha, 'ix 'ochx wip si'mb'il xwab'i, xwaln 'a 'ixtic: Ach wajlil, paxtinan̈ 'ayin, yujto caw wal x'ochx wip oj tzwab'i, xin chi 'a 'a.

Is 58:9

Yuj cha, toto 'oj eyawj 'ayin, yajn̈ej ax in ta'w 'ayex; toto 'oj 'el eyaw e c'ann in colwal, 'oj wal 'ixtc 'ayex: Waj 'a tic, 'oj in chioc. Tzeyij 'el jun tzo'n̈ maysch'olnil chi 'a e cal, man̈x comnoc tze tzuntzj junc eyit 'anma'il, man̈x comnoc tzeya'ch junc 'es paxti 'a yib'an̈.

Mt 28:5

Ax jun ángel cha, 'ix yaln 'ixtc 'a eb' 'ix 'ix cha: —Man̈ ex xiwoc, wojtac wan e sayn 'ec' Jesús, atn jun x'ajx 'och 'a spenc culus.

Is 65:24

A yic mantzac in yawtj eb', toxn b'ab'l in ta'w 'a eb'; a yic mantzac lajw spaxtin eb' 'ayin, wojc xo tas chi tzyal eb'.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 41:14

A Jehová a tzaln 'ixtic: Ex israel yin̈tl can Jacob, wach'xam man̈ niwnoc e b'isul, wach'xam mant 'a eyip, palta man̈ex xiwoc, an 'oj ex in colo'. Cojxn In Ton Dios In, e colmal waji.

Is 35:4

Alc 'ixtc 'a eb' chab'c'ojlal yaji: Te'wtzejc e b'a, man̈ ex xiwoc, yaj qui Diosalec 'a tic, a 'oj qui colnec 'eli, ax eb' 'ajc'ojl yajch 'ayn̈ec, 'oj 'ajxoc 'och syailal eb' 'a 'icha wal smoj schani, xe chi.

Lc 24:38

Palta xyaln pax 'ixtc 'a eb': —¿Tas yuj ton̈j tzcaw somchj e nab'en in eyilni? ¿Tas yuj chab'c'ojlal tzeyutj e nab'en 'ayin?

Lv 16:31

A jun c'u cha, sc'ul 'iljelal, yet' pax c'ajb'c'ojlal, ley tz'ajcn 'a e cal 'a smasnil tiempo.

Lv 16:29

A jun tic ley tz'ajcn 'a e cal 'a smasnil tiempo. A 'a yic lajn̈e yoch yucl 'uj, ata tzex 'och 'a c'ajb'c'ojlal ax israel ex tic, yet' eb' chuc chon̈b'al cajn 'a e cal. May junc mach tzmunlj 'a jun c'u cha,

Apoc 1:17

A yic xwilni, in telw 'ejm 'a yojltac 'icha junc chamnac. Palta squil 'ejm swach' c'ab' 'a wib'an̈, 'ix yaln 'ayn 'ixtic: —Man̈ ach xiwoc. An ton tic b'ab'l waj 'a smasnil, slajb' in paxi.

A Tas Sc'ulejnac Eb' Schecab' Jesús Hechos 27:24

'Ix yaln jun ángel chi 'ayn 'ixtic: Pablo, man̈ ach xiwoc, yujto yowlal 'oj a c'och 'a yojltac win yajl 'a Roma. Ojn̈ej, ax scoln 'el Dios eb' 'ayc' et' 'a yol te barco tic smasnil, xchi jun ángel chi 'ayin.

Salmos 69:10

A yic tzin 'oq'ui, yic tzin 'och pax 'a c'ajb'c'ojlal, caw tzlaj b'uchwj eb' 'anma 'ayin.

Lc 2:10

Palta xyaln jun ángel chi 'a eb' 'ixtic: —Man̈ ex xiwoc, yujto 'ay jun wach' 'ab'x tzwul wal 'ayex. Yu'uj caw 'oj jawc stzaljc'ojlal smasnil 'anma'.

Lc 1:30

Xlajw cha, xyaln pax 'a 'ix 'ixtic: —María, man̈ ach xiwoc, yujto til wal swach'c'ojlal Dios tzyac' 'ayach.

Lc 1:13

Palta xyaln jun ángel chi 'ixtc 'a winac: —Zacarías, man̈ ach xiwoc yujto xyab' Dios a lesal. Yuj cha, a 'ix estzil Elisabet, 'oj 'aljoc jun swinc 'une', ach xo 'oj ac' sb'ic Juan.

Mr 16:6

Palta xyaln 'ixtc 'a eb': —Man̈ ex xiwoc, ax tic wan e sayn 'ec' Jesús 'aj Nazaret, atn jun x'ajx 'och 'a spenc culus. Palta tox 'ix pitzw paxi, man̈x 'ayc 'och 'a yojl q'uen q'uen tic. 'Iltec nab'n 'aj xwul yac' 'oxt eb' 'a tic.

Mt 28:10

'Ix yaln 'a eb' 'ixtic: —Man̈ ex xiwoc, 'ixquec 'at alc 'a eb' wu'tac yet' 'a eb' wanab', to tz'at eb' 'a Galilea, yujto atta 'oj in yil eb', xchi 'a eb' 'ix.

Dn 10:11

Xyaln 'ayn 'ixtic: Daniel, ach chamc'ojlb'il yuj Dios, maclj wal ab' tas 'oj wal 'ayach. Q'uen̈ wa'an, yujto an tic in checx cot 'ayach, xchi 'ayin. A yic xyaln jun tzo'n̈ paxti chi 'ayin, in q'ue lin̈an, palta caw in 'ib'x yuj xiwlal.

Nm 29:7

A 'a slajn̈il c'u yoch yucl 'uj cha, ata tzeyamx e b'a yic tzex 'ochx 'emmquilal. A 'a jun c'u cha, tzex 'och 'a c'ajb'c'ojlal, may pax mach tztac' smunlji.