Dn 1:9 - Chuj San Sebastian Bible

⁹ Ax Dios 'ix 'a'n 'och Daniel wach'l 'a sat win Aspenaz cha.

Chuj San Mateo Bible

⁹ Ix och Dios yed' vin̈aj Daniel chi', yuj chi' te vach' vin̈ d'a yol sat vin̈aj Aspenaz chi'. Vach'chom icha chi',

Dn 1:9 Referans Kwoze

Gn 39:21

Palta a Jehová 'aych yet' José, xch'ox schamc'ojlal 'a 'a, yuj cha, caw wach' x'el'ch 'a sat win tan̈m preso cha.

Pr 16:7

Toto tzchaj sc'ojl Jehová qui b'eyb'alec, to 'ixta', ax eb' 'ajc'ojl yajch 'ayn̈ec, tz'och eb' 'a junc'ojlal quet'ec.

Salmos 106:46

Xa'n nachjoc 'el yuj eb' 'ajc'ojl cha, to wach' tzyutj eb' snab'en 'a yib'n̈ eb'.

A Ch'an̈ B'ab'el Libro Yic Yab'ixal Eb' Rey 8:50

'Ac' lajwc qui mul 'a quib'n̈ on̈, wach'xam caw niwan. Tza jeln snab'en eb' tzon̈ 'i'n 'at 'a 'icha presoal chi 'on̈, sec tz'o'ch sc'ojl eb' 'ayn̈ on̈, tzon̈ 'ajx 'el 'a libre yuj eb' on̈.

Nehemías 2:4

—¿Tas tzwutj colwjoc in b'a 'aych ticnec jun? xchi win rey. Xlajw cha, in leslwi 'a Dios 'ay yic satcha'an̈.

A Tas Sc'ulejnac Eb' Schecab' Jesús Hechos 7:10

A coljnac can 'elt José chi 'a scal syail. Ya'jnac sjelnal 'a 'a. 'Ochnc yet'oc, sec caw wach' 'ajnc 'a sat win faraón, win sreyl Egipto. Yuj cha, ya'jnac 'och win yopiso yajlil 'a Egipto cha. An̈jtona', ya'n pax 'och win yajloc yatut.

Salmos 4:3

'Ojquejec 'eli to a Jehová a 'ix si'n 'elt eb' 'aych snab'en 'a 'a, yic tz'och eb' yico'oc; a yic tzin 'awji, tzin sta'wjn̈ej.

Nehemías 1:11

Tzin tew 'aych ticnec ach Cajlil on̈, to tza chaj ab' in lesl an a checb' in tic, yet' slesl jun tzo'n̈ xo eb' a checab', to tzqui nib'j tzach quij cha'an̈. Tzin c'an 'aych ticnec, to tzac' a wach'c'ojlal 'ayin, sec chab'iln an a checb' in tic yuj win rey, xin chi 'a in lesal. 'Ixta xwutj walni yujto an tic, 'ayn 'och sb'achmalc svaso win rey.

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

Job 5:15

A Dios, a tzcoln eb' 'oltac tz'aj yixtx yuj eb' maysch'olnil snab'en, a tzcoln 'el eb' 'a yol sc'ab' eb' 'ixtm 'anma'.

Job 5:16

A pax 'aych yipc sc'ojl eb' may wal ste'nal, tzmacn sti eb' maysch'olnil snab'en, sec man̈x 'a tas tztac' yaln eb'.

Dn 1:10

'Ix yaln win 'ixtc 'a Daniel cha: —Tzin xiw 'a win wajlil, atn win rey, yujto caw a win 'ix alni tas tze c'uxu yet' tas tzeyuq'uej. Ax yic 'oj yilnc winac, to tz'onx 'a yib'n̈ jun tzo'n̈ xo ewin eyit quelmal lajn eyet' tic, eyuj ax tic, ax in smiln cham win rey, xchi winac.

Ester 2:9

A 'ix Ester cha, caw wal wach' snab'en 'ix xyilch win Hegai, yuj cha, caw wach' xyutj win snab'en 'a 'ix. Wal 'a yajn̈ej, xya'n win 'ajxoc b'o yilx 'ix, ax tas caw wach' sc'uxxi, a xyac' win 'ajxoc 'a 'ix. 'Ix 'ajx 'och ucwn̈ eb' 'ix ya'mal servil win rey chi ya'malc servil 'ix, eb' 'ix to caw wach' ya'w servil. Xlajw cha, x'ajx 'at eb' 'ix yet' 'ix Ester chi 'a jun cuarto caw wach' 'a jun n̈a 'aj cajn 'ec' eb' 'ix yistzil win rey.