Dn 1:19 - Chuj San Sebastian Bible

^19-20 A yic xc'och eb' 'a yojltac win rey cha, 'ix paxtin win yet' eb'. Sc'anb'n win rey chi smasnil jun tzo'n̈ jelnal, yet' 'ajnab'enal 'a eb'. 'Ix yiln winac, to a 'a scal smasnil eb' quelm cha, may junc mach 'ix 'ilchj yuj win 'icha Daniel, Ananías, Misael yet' Azarías. Lajn̈ 'ejm tz'ec' sjelnal eb' chan̈wn̈ chi 'a yib'n̈ smasnil eb' 'ay tas tztac' yu'uj, eb' tztac' snan 'el jun tzo'n̈ paxti', atn eb' 'ay 'a yol smasnil slugar win rey 'aj tzyac' yajlil. Yuj cha, 'ix 'och eb' 'a'j servil 'a winac.

Chuj San Mateo Bible

¹⁹ Ayic ix c'och eb' vin̈ d'a yichan̈ vin̈ rey chi', ix lolon vin̈ yed' eb' vin̈, palta a d'a scal eb' vin̈ quelemtac chi' smasanil, malaj junoc eb' vin̈ syal slajb'an sb'a yed' eb' vin̈ chan̈van̈ chi', aton vin̈aj Daniel, vin̈aj Ananías, vin̈aj Misael yed' vin̈aj Azarías. Yuj chi' ix ac'jicanoch eb' vin̈ yac' servil vin̈ rey chi'.

Dn 1:19 Referans Kwoze

Dn 1:5

Yowlal a tas tzin c'uxu yet' yal uva tzwuq'uej, a tz'ajx 'a ewin quelm cha. Tzcuyx eb' 'oxe'oc ab'il, 'oj lajwc cha, ax yoch eb' 'a'j servil 'a in despacho, xchi win rey cha.

Pr 22:29

Toto wach' tzeyutj munljoc e b'a, 'oj eyoch munljoc 'a jun tzo'n̈ munljel niwc yel'chi, man̈oc 'a jun tzo'n̈ comn munljel 'aj 'oj e munlji.

Jeremías 15:19

Yuj cha, 'ix ta'w Jehová 'ayn 'ixtic: Toto tzach meltzj pax 'ayin, 'oj ach in cha pax jun 'ejm xo, 'ixta to b'i'an, 'oj stac' in a'n servil. Toto tza tench wan a b'a aln jun tzon̈ comn paxti', toto cojxn tas caw niwn yel'ch tzala, to 'ixta', ach 'oj a paxtin 'el in jeloc. A eb' 'anma 'oj chanc 'ab'nc a paxtini, man̈oc ach 'oj a cha ab' spaxtin eb'.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Dn 1:6

A 'a scal jun tzo'n̈ quelmtac winc 'ix si'x 'elt yuj win Aspenaz cha, ata 'aych Daniel, Ananías, Misael yet' Azarías. Atn eb' tic, xcot 'a eb' yin̈tl Judá.

Dn 1:7

Ax win Aspenaz cha, a win xjeln sb'i eb': a Daniel, Beltsasar x'ajx sb'ioc, win Ananías, Sadrac x'ajx sb'ioc, win Misael, Mesac x'ajx sb'ioc, ax win Azarías, Abed-nego x'ajx sb'ioc.

Dn 1:18

A yic stz'acw c'och stiempoal tas yaljnac can win rey, 'ix yi'n 'at win Aspenaz smasnil eb' quelmtac chi 'a yojltac win rey Nabucodonosor.

Dn 2:13

A yic 'ix 'elt jun ley cha, 'ix sayn 'ec' pax eb' Daniel yet' jun tzo'n̈ xo ewin yitb'eyum, yic tzmilx cham eb' jun xo.

Dn 3:29

A ticnec, an tzwala, to a smasnil mach tzaln tu paxti'al 'a sDiosal jun tzo'n̈ quelm tic, caw wal choc' 'oj 'aj smilx chamoc. Ax yatut, 'oj ma'xoc can 'ejm lan̈chjoc, wach'xam chuc chon̈b'al, chuc nacion̈al, mto chuc til tzyala. Yujto may wal junc xo dios tztac' scolwj 'icha sDiosal ewin tic, xchi winac.

Dn 1:4

'Ix yaln win rey chi 'ixtic: A eb' quelm cha, yowlal to caw wal wach' yilx eb', may tas palta 'a sniwnal eb', caw jeln cab' eb', 'ay snab'en cab' eb' si'mb'il, eb' smoj wal ya'w servil 'a in despacho an rey in tic. Yowlal tzcuyx eb' 'a qui ti an̈ 'aj Babilonia on̈ tic.