A Scarta San Pablo D'a Eb' Aj Colosas 3:8 - Chuj San Sebastian Bible

⁸ Ax ticnec, yowlal 'oj e wach' 'actc can pax jun tzo'n̈ xo tic 'oj walb't tic: Atn owal, chichnc'ojlal, tu'al, b'ajwal, yet' tzann̈j tu paxti'al.

Chuj San Mateo Bible

⁸ Palta a ticnaic, yovalil ol e vach' actejcan juntzan̈xo ol val tic: Aton oval, chichonc'olal, chucal, b'ajval yed' juntzan̈ chucal lolonel.

A Scarta San Pablo D'a Eb' Aj Colosas 3:8 Referans Kwoze

Ef 4:29

Man̈x eyal jun tzo'n̈ comn tu paxti'al. Cojn jun tzo'n̈ paxti wach' tzlaj eyala', sec 'oj laj b'o snab'en eb' tz'ab'xni 'ayex, ax swach' 'och ste'nal eb' eyu'uj.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

Ef 5:4

An̈jtona', matz tac' calnec jun tzo'n̈ q'uixweltac yalxi, yet' jun tzo'n̈ comn paxti'. Matz tac' ton̈j tzon̈ comn molamanec. Yujto a jun tzo'n̈ tic, caw man̈ smojc calnec. Yel xo wach' to tzca'c yuj diosal 'a Dios.

A Scarta San Pablo D'a Eb' Aj Colosas 3:5

Yuj cha, jantcn̈ej e b'eyb'al yic yolyib'n̈q'uinl tic, 'actjec can smasnil, satc can 'el 'a jun 'ejmn̈ej. Caw man̈x e b'o 'ajmulal, mto junc xo tzann̈j maysch'olnil yet' e niwnal. Man̈xtzac stac' eya'n 'och e nab'en 'a 'ajmulal, mto 'a junc xo tu'al. An̈jtona', matz tac' e nib'n 'och ricoal. Yujto a yic tzqui nib'nec 'och ricoal, a 'a sat Dios, wan caln 'och jun chi qui diosaloc.

Ef 4:26

Toto 'ay 'aj tzlaj cot eyowal, man̈ e b'o junc maysch'olnil yuj jun eyowl cha. Matz tac' an̈j 'ijnoc 'ay cot eyowal tz'ejm c'u.

A Ch'an̈ Carta D'a Eb' Hebreo 12:1

Til wal eb' sch'oxjnac 'el sb'a, to ya'jnac 'och eb' Dios 'a sc'ojol. A eb' cha, 'icha to oyn 'och eb' 'ayn̈ec ticnec. An̈ec xo tic, lajn on̈c 'icha eb' caw tzyac' carela 'a junc tajnel. Yuj cha, yowlal tzquijec 'el jun tzo'n̈ 'al yajch 'ayn̈ec, yujto a jun tzo'n̈ chi tzon̈ 'i'nec 'och wa'an. An̈jtona', yowlal tzcactjec can pax jun tzo'n̈ maysch'olnil, yujto a jun tzo'n̈ cha, lajn 'icha junc tas tzcan b'a'n 'a scal coc, tzon̈ telw yu'uj. Yowlal caw te'n tzcutjec qui b'a ca'n quip, 'icha eb' tzyac' carela cha.

Pr 29:22

A mach ow tzyutj sb'a, tzyij chan̈ owl 'a scal 'anma'; a mach c'un scot yowal, 'ay tas man̈ wach'c tzb'o 'a scal 'anma'.

A Scarta San Pablo D'a Eb' Aj Colosas 3:9

Man̈ eyac' 'es 'a junc xo mach. Man̈ e b'o jun tzo'n̈ xwal tic, yujto a wal qui nab'enec 'a yic yalan̈, yet' qui b'eyb'alec, tox xcactjec cani.

A Sb'ab'el Carta San Pedro 2:1

Yuj cha, yowlal tze wach' 'actj can jantcn̈ej tas maysch'olnil. Man̈x eyixtc paxti junc 'anma'. Man̈x chab'satoc tzeyutj e b'a. Man̈ ex chichnc 'och 'a junc mach yuj tas 'ay 'a 'a. Man̈ ex b'uchwjc 'a spatc junc xo mach.

2 Co 12:20

Tzin xiwi, yujto a yic 'oj 'at ex wila', toq'ue man̈ ex 'ichcta 'icha tzin nib'ej. An xo tic, toq'ue man̈ in 'ichcta 'icha tze nib'ej. Caw tzin xiw in 'at 'ayex, toq'ue 'ay owl 'a e cal, chichnc'ojlal, yet' c'a'lc'ojlal. Toq'ue 'ayx wan laj eyi'n chan̈ e b'a, toq'ue 'ayx tzex laj b'uchwj 'a e patc junjn ex, 'ayx alm ex peclal. Toq'ue 'ayx tzlaj e b'an̈ e b'a, 'ayx pax wan laj e somchj 'eli.

1 Co 3:3

yujto an̈ja a e nab'en tzex 'a'n mandar. 'In an̈ja 'ay e chichnc'ojlal, an̈ja tze nib'j tze pojl e b'a. Yuj cha, tzyal 'el'chi, an̈ja e nab'en tzex 'a'n mandar. Lajnn̈ej tzeyutj e b'a yet' eb' mant 'ojtnacoc Dios.

Mt 5:22

Palta an tzwal 'ayex, tzann̈j mach tzchichn 'och 'a junc yit 'anma'il, yowlal 'oj b'eyc'ojlaxoc. Tzann̈j mach tzb'uchwj 'a junc yit 'anma'il, 'oj b'eyc'ojlaxc yuj eb' sat yajal. Tzann̈j mach tzb'aj junc yit 'anma'il, 'ay smay tz'at 'a infierno 'a scal c'ac'.

Salmos 37:8

Cactquec can owal, tzcactnec can chichnc'ojlal. Man̈ on̈ comn owxoc, yujto a jun tzo'n̈ cha, niwn tas tzjuw 'el yu'uj.

Gl 5:15

Palta toto an̈ja 'aych e nab'en laj eya'nc owl 'a e cal, caw 'ay smay, 'oj laj e satl e b'a.

Ro 13:13

'Icha eb' wach' tzyutj sb'a 'a c'ual, 'ixta tzcutjec qui b'a. Tojl tzcutjec qui b'eyb'al yil eb' 'anma'. Caw matz tac' cu'nec 'an̈, mto tzon̈ b'uyljiec. Matz tac' qui b'onec 'ajmulal, yet' junc xo tzann̈j maysch'olnil yet' qui niwnalec. Man̈ ca'c owl yet' junc xo mach. Matz tac' qui chichnec pax 'och 'a junc mach yuj tastc 'ay 'a 'a.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

San Judas 1:8

Palta ax eb' 'aych 'a qui calc ticnec, ton̈j tzcob' sna eb', to niwn yel'ch eb'. Yuj cha, caw tzya't eb' sniwnal 'a scal maysch'olnil, may jac yel'ch spoder Cajlilec 'a sat eb'. Ton̈j tzb'uchwj pax eb' 'a jun tzo'n̈ xo caw niwn yel'ch 'a satcha'an̈.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

Santiago 2:7

A eb' cha, ton̈j tzb'uchwj eb' 'a Cristo, jun niwn yel'chi, atn jun 'ayn̈ec yico'.

1 Ti 1:20

'Ixta xyutj sb'a Himeneo yet' Alejandro. Yuj cha, xwa'n 'och eb' 'a yol sc'ab' win Satanás, sec tzyojquej 'el eb', to matz tac' qui comn b'uchwj 'a Dios.

1 Ti 1:13

Al 'a yic yalan̈, caw b'uchwjnacn 'a Cristo. Caw wa'jnac in tul 'a 'a, 'ay 'aj b'ajb'il wu'uj. Palta caw x'o'ch sc'ojl Dios 'ayin, yujto ma'ix nachj 'el wu'uj, tas xin b'o'o, yujto mant in creyenteoc ta'.

Gl 5:26

Caw man̈ qui b'an̈c qui b'a, sec matz laj qui tzuntzquec qui b'a. Man̈ qui nib'quec 'och tastc 'ay 'a junc xo quit creyenteal.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

Mr 7:22

'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en.

Apoc 16:9

Caw xlaj tz'a eb' 'anma smasnil yuj yoc c'u. Palta an̈ja man̈ jac 'ix sna sb'a eb' jab'oc. Toxn ma'ix yal eb' chajtlto niwn yel'ch Dios. Ton̈j xb'uchwj eb' 'a 'a, yujto 'ay spoder ya'n jun tzo'n̈ yailal cha.

Pr 19:19

A mach c'un scot yowal, scha cab' spac 'icha wal tas smoj schani; toto tzqui col 'a yol sc'ab' syailal cha, 'oj sb'eylb'ocn̈ej yowl cha.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

A Schab'il Carta San Pedro 2:7

Cojxn wal win Lot colchjnac 'el 'a scal eb', yujto tojl yutjnac snab'en. Yic 'ayt 'ec' eb', caw 'ochnc pitz'n cusc'ojlal 'a spixn yuj eb'.

Ef 4:25

Yuj cha, man̈x laj eya'lac 'es. Junjn ex, an̈j wal junc caw yel tzlaj eyal-la'oc, yujto qui masnil, 'icha to junn̈j 'anmal xoj cajec.