A Scarta San Pablo D'a Eb' Aj Colosas 3:12 - Chuj San Sebastian Bible

¹² A Dios, caw 'ay schamc'ojlal 'ayn̈ec. On̈ si'c 'och yico'oc. Yuj cha, caw wach' cab' tzcutjec qui b'eyb'al 'a sat. Tz'o'ch qui c'ojlec 'a eb' quit 'anma'il, wach' tzcutjec qui b'a 'a eb'. 'Emmquilal tzlaj cutquec qui b'a. Tzca'nec niwnc'ojlal 'a eb' tzlaj 'och smul 'ayn̈ec.

Chuj San Mateo Bible

¹² A Dios ix on̈ xajanani. Ix on̈ yac'anoch yicoc, yuj chi' vach'ocab' scutej co b'eyb'al d'a yichan̈. Oc'ocab' co c'ool d'a eb' quetanimail, vach'ocab' scutej co pensar d'a eb'. Emnaquilocab' scutej co b'a. Nanamocab' scutej co b'a. Cac'ocab' nivanc'olal eb' tz'och smul d'ayon̈.

A Scarta San Pablo D'a Eb' Aj Colosas 3:12 Referans Kwoze

Ef 4:32

Caw wach' tzlaj eyutc e nab'en 'ayx junjn ex. Tzlaj 'o'ch e c'ojl 'ayex. An̈jtona', tzlaj eya'lac niwnc'ojlal 'ayx junjn ex, 'icha xyutj Dios ya'n niwnc'ojlal 'ayn̈ec yuj Cristo.

Ef 4:2

'Emmquilal tzlaj eyutc e b'a, wach' tzeyutj e b'a. Tzlaj eyac' techjoc 'a eb' tz'och smul 'ayex. Niwn tzlaj eyutc e c'ojl 'ayx junjn ex. An̈jtona', tzlaj e chamc'ojloc pax e b'a.

1 Jn 4:19

'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.

A Scarta San Pablo D'a Eb' Aj Colosas 3:10

A ticnec, caw xjelmj qui nab'enec. Wan swach' b'o qui nab'enec tic, sec lajn tzon̈ 'ajc yet' jun b'ojnacn̈ec, sec wach' 'oj qui wach' 'ojcoc 'el jun b'ojnacn̈ec cha.

A Schab'il Carta San Pedro 1:10

Yuj cha, ex wu'tac, ex wanab', caw tzca'c quip cojcan 'el si'mb'il, chajtlto caw yel 'awtb'iln̈ec yico'oc, sic'b'iln̈ec xo 'el yu'uj. Toto 'ixta tzcutjec qui b'a, may b'a'n̈ 'oj juwc 'el qui nab'enec.

1 Ts 5:15

A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

2 Co 6:6

Palta caw tojln̈ej tzcutj qui nab'en on̈. Cojc xo on̈ 'aj 'ay yel. Niwn tzcutj qui c'ojl on̈. Wach' tzcutj qui nab'en on̈. A Yespíritu Dios 'aych 'ayn̈ on̈. Yelc'ojlal caw 'ay qui chamc'ojlal on̈.

Jeremías 31:3

A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.

Ro 1:7

Tic tzin tz'ib'j 'at jun in carta tic 'ayx e masnil ex 'aj Roma, ex chamc'ojlb'ilx xo yuj Dios. A 'awtjnac ex, yic wach' an̈j 'ayx yico'. Tzin nib'ej a qui Mam Dios yet' Cajlil Jesucristo, tzyac' swach'c'ojlal yet' sjunc'ojlal 'ayx ta'.

Tito 1:1

An Pablo in tic, ya'mal in servil Dios. An̈jtona', schecb' in pax Jesucristo, sec wach' a eb' sic'b'ilx 'el yuj Dios, 'oj swach' 'a'c 'och eb' sc'ojl 'a 'a. 'Ay wopiso in cuyn eb' 'a jun cuynb'il caw yel, atn jun cuynb'il 'aj tzca'ch qui c'ojol.

Mt 24:31

Ax q'uen trompeta, caw 'ip 'oj 'oc' q'ue'en, an xo 'Ochnc in 'Anmal tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinl tic. 'Oj 'ec' 'ijx cot eb' 'aj tzlajw c'och yolyib'n̈q'uinal, masnto 'a yib' cha'an̈.

Lc 18:7

An̈jtona Dios, caw 'oj sb'oyaj pax eb' sic'b'il 'el yu'uj, eb' to tz'awj 'a sc'ual yac'wlil 'a 'a. ¿Tom 'oj 'ec' tiempo sb'onyaj eb'?

Is 63:15

Mamin Jehová, 'ilt on̈ cot 'a jun et'l to ecn̈ej yaji, atn satchan̈ 'aj cajn ach 'eq'ui, jun 'ajtil 'aych 'ec' yet' a niwn chamc'ojlal yet' pax 'a poder. ¿'Ajtil 'ay a wach'c'ojlal chi jun? ¿Tom xlajw c'och a chamc'ojlal chi 'ayn̈ on̈?

Lc 1:78

A qui Diosalec caw tz'o'ch sc'ojl 'ayn̈ec. 'Icha tz'aj sq'uel c'u tzya'n sacq'uinl 'ayn̈ec, 'ixta 'oj 'aj sjaw jun checb'il cot yu'uj.

Mr 13:27

An tic, 'oj in chec cot eb' wángel 'ec' smolb'tzoc cot eb' sic'b'il 'el wuj 'a smasnil yolyib'n̈q'uinal. 'Oj 'ec' 'ijx cot eb' 'a 'aj tzlajw c'och yolyib'n̈q'uinal, masnto 'a yib' cha'an̈.

Ef 4:24

Yowlal tze chaj jelmjoc e nab'en, tze chan junx 'a't tzb'o Dios 'icha tznib'ej. Toto 'ixta', tojl 'oj eyutc e b'eyb'al, caw wach'n̈j 'oj eyutc e b'a, 'icha tzyal jun 'ab'x caw yel.

Is 42:1

Tzyaln pax Dios 'ixtic: A jun tic in checab', an 'ayn 'och yet'oc, an in si'jnac 'eli, caw tzin tzalj yet'oc, 'oj wa'cn 'och Wespíritu 'a 'a, sec 'oj sb'oyaj eb' nacion̈ 'a stojlal.

2 Ti 1:9

A Dios ya'jnac qui colnb'il. A 'awtjnac on̈ sec on̈ 'och yico'oc. Man̈ yujoc jun tzo'n̈ tas wach' tzqui b'o'o, on̈ colchji, palta yujto 'ixta tznib'j Dios tzon̈ 'aji, yujto junxn̈ej caj yet' Cristo. Yictax mantzac sb'o yolyib'n̈q'uinl tic, toxn 'ayx swach'c'ojlal 'ayon̈.

A Scarta San Pablo D'a Eb' Aj Filipos 1:8

Tzyil Dios, to caw tzex in chamc'ojlej e masnil yet' schamc'ojlal Jesucristo.

Ef 1:4

Yictax mantzac b'o yolyib'n̈q'uinl tic, a Dios si'jnacn̈ec xon yuj Cristo, sec an̈j 'ayn̈ec yico', man̈x 'a jac qui paltailec 'a sat.

Ro 9:11

A chawn̈ 'unn cha, yic mantzac 'alj eb', mant 'a xon tas tzb'o eb'. Palta yaljnac can Dios 'ixtc 'a 'ix Rebeca: A jun 'oj b'ab'l 'aljoc, a 'oj 'a'nc servil jun tza'n to 'oj 'aljoc, xchi. Tz'ib'b'il can pax junx tic 'a Ch'an̈ U'un̈, 'a 'aj tzyal 'ixtic: A Jacob chamc'ojlb'il wu'uj. Ax Esaú chacb'il 'el wu'uj, xchi Dios. A jun tzo'n̈ tic tzch'oxni, to 'ay yaln Dios yic si'n 'el junjn mach 'icha tznib'ej. Man̈ yujoc tas tzqui b'o'ec, tzon̈ yawtnec yico'oc.

Mr 13:22

Yujto 'ay eb' 'oj pitzwc cha'an̈, ax cob' yaln 'och sb'a eb' Cristoal. 'Ay pax eb' 'oj cob' yalch sb'a schecb'oc Dios, 'oj cob' sch'ox eb' jun tzo'n̈ senya, yet' jun tzo'n̈ milagro, sec tzsomchj 'el eb' 'anma yuj eb'. 'Oj ya'lc eb' ya'n somchjoc pax 'el eb' sic'b'il 'el yuj Dios, toto 'oj stac' yuj eb'.

Mr 13:20

Toto a Dios ma'oj 'a'n c'ochnb'oc jun yailal 'a jun tiempoal cha, may junc mach 'oj colchjoc can 'el 'a yol sc'ab' chamel, palta yuj eb' sic'b'ilx 'el yu'uj, ax ya'n c'ochnb'oc.

Mt 24:22

Toto a Dios ma'oj yac' c'ochmb'oc jun tiempoal yic yailal cha, may junc mach 'oj colchjoc can 'el 'a yol sc'ab' chamel. Palta yuj eb' sic'b'ilx 'el yu'uj, ax ya'n c'ochmb'oc.

Jeremías 31:20

An Jehová in, an tzwala to a eb' 'aj Efraín tic, 'icha to wunnal yaj eb', caw xajn eb' wu'uj, yel xo chamc'ojlb'il eb' wu'uj. Wach'xam tzwac' cuenta eb', palta matz wactj in nani, caw ya tzwab' yuj eb', yujto caw niwn tz'o'ch in c'ojl 'a eb'.

Is 65:22

Man̈x 'a te n̈a ton̈j 'oj sb'o eb', ax chucx mach tzcajni. Man̈x 'a tas ton̈j 'oj yawc eb', ax chucx mach tzlon sat yawb'ente eb' cha. A eb' in chon̈b' cha, caw wal 'oj najtxb'oc sq'uinl eb', lajn 'oj 'aj sq'uinl eb' 'icha eb' te niwc te'. A eb' 'anma sic'b'il 'el wu'uj, najtl 'oj tzaljoc eb' sc'uxn yel-l spac smunljel tzb'o'o.

Is 65:9

'Oj wactc can jaywn̈ocx eb' yin̈tl Jacob, sec wach' 'ay eb' 'anma cajn 'a eb' lum jolmctac witz 'a yol yic Judá. A eb' sic'b'il 'el wu'uj, 'oj can cajn eb' 'a lum lum tzwac' yico'oc cha, 'oj can cajn eb' in checb' chi ta'.

Is 45:4

Yuj in chamc'ojlal 'a eb' yin̈tl win in checb' Jacob, yuj cha, in si'n can 'el chon̈b' Israel. An ach wawtej yic tzach b'inaxi, wach'xam man̈ in ojcoc.

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

2 Jn 1:13

A eb' yune jun a nul'j 'a tic, atn eb' sic'b'ilx 'el yuj Dios, tic tzya't eb' stzatzl e c'ojol, [Ya' cab'i'.]

Mt 24:24

Yujto 'oj pitzwc chan̈ jun tzo'n̈ eb' 'oj cob' yalch sb'a Cristoal, yet' eb' 'oj cob' yalch sb'a schecb'oc Dios. 'Oj sch'ox eb' jun tzo'n̈ milagro senyaoc, sec 'oj 'ixtxoc paxti eb' 'anma yuj eb'. 'Oj ya'lc pax eb' yixtn paxti eb' sic'b'il 'el yuj Dios, palta ma'oj stac' yuj eb'.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

1 Co 13:4

'Oj wala', tas tzcutjec qui b'a, toto yel 'ay qui chamc'ojlalec. Caw niwn tzcutjec qui c'ojl 'a eb' quit 'anma'il, tzqui ch'oxnec pax qui wach'c'ojlal 'a eb'. Man̈ comnoc tzon̈ chichnec 'och 'a junc xo mach yuj tas 'ay 'a 'a. Man̈ qui b'an̈c qui b'a, mto tzquijec chan̈ qui b'a.