A Scarta San Pablo D'a Eb' Aj Colosas 1:29 - Chuj San Sebastian Bible

²⁹ Yuj wal jun tzo'n̈ tic, caw tzin munlji. Caw tzwac' 'ip wal 'a smasnil in c'ojol, yujto a Cristo tzyac' spoder 'ayin.

Chuj San Mateo Bible

²⁹ Yuj val juntzan̈ tic, tzin munlaji. Svac'an val vip d'a smasanil in c'ool, yujto a Cristo syac' spoder d'ayin.

A Scarta San Pablo D'a Eb' Aj Colosas 1:29 Referans Kwoze

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

Ef 1:19

Tzin c'ann pax 'a 'a, sec 'oj eyojcoc 'eli, to caw niwn yel'ch spoder, tztac' yuj smasnil. Atn jun chi 'aych 'ayn̈ec, yujto tzca'c 'och qui c'ojl 'a 'a. Sch'oxjnac, to caw niwn spoder si'mb'il,

Ef 3:7

An xo tic, wach'xam caw man̈ in mojoc, palta ya'jnac Dios wopiso, yic tzwaln 'el jun wach' 'ab'x tic 'a e cal. 'Ixta yutjnacn yet' spoder.

A Scarta San Pablo D'a Eb' Aj Filipos 2:13

Yujto a Dios 'aych quet'ec. A tz'a'n qui nib'quec qui b'oc wach'il. A tz'a'n pax quip qui b'onec 'icha tas tznib'ej.

A Ch'an̈ Carta D'a Eb' Hebreo 13:21

Tzin nib'ej, yuj schic'l cha, tzwach' b'oj Dios e nab'en, sec wach'n̈j 'oj eyutc e b'a, tze b'on 'icha tznib'ej. Tzin nib'j paxi, yuj Jesucristo caw wach' tzon̈ 'ajc 'a sat, sec tzalj quet'ec. Niwn cab' yel'ch Cristo 'a smasnil tiempo. 'Ixta cab' tz'aji.

A Scarta San Pablo D'a Eb' Aj Colosas 2:1

Tzin nib'ej, tznachj 'el eyu'uj, chajtlto caw tzwac' 'ip ex wa'n servil, yet' eb' 'ay 'a chon̈b' Laodicea. Tzwa'n pax servil jantcn̈ej eb' creyente mant 'a 'aj tzin 'ilni.

2 Ts 3:8

Eyojtac, may 'aj qui c'anjnac wa qui b'a 'ayx 'a nab'an̈ej on̈. Palta sc'ual yac'wlil on̈ munlj 'a e cal on̈. Caw ca'jnac 'ip qui munlj on̈, yujto qui nib'jnac on̈, may mach tz'ab'n syal ya'n qui gasto ta 'on̈.

1 Ts 2:9

Ex wu'tac, ex wanab', tecn tze na coti, chajtl 'ec' cutjnac qui munlj 'a e cal on̈. Caw xcac' 'ip qui munlj on̈. Yic 'ec' calnc 'el wach' 'ab'x yic Dios 'ayx on̈, sc'ual yac'wlil munljnacn̈ pax yuj qui gasto on̈. 'Ixta 'e'nc on̈ ta 'on̈, yujto qui nib'jnac on̈, may mach tz'ab'n syal ya'n qui gasto ta 'on̈.

A Scarta San Pablo D'a Eb' Aj Colosas 4:12

A jun eyit chon̈b' Epafras tic, 'aych ya'malc servil Cristo wet'oc. Yelc'ojlal caw tzleslwi eyu'uj, sec tzex wach' te'nb'i, sec wach' cojxn wal jun tzo'n̈ tas tznib'j Dios 'aj tze wach' 'a'j 'och e nab'en.

A Scarta San Pablo D'a Eb' Aj Filipos 2:16

Yujto tzeyal-l spaxti Dios 'a scal eb', atn tzaln yuj qui q'uinlec 'ay 'a jun 'ejmn̈ej. Yuj cha, a yic 'oj jawc Cristo, caw 'oj jawc in tzaljc'ojlal eyu'uj, yujto wojtac, man̈ nab'an̈ejoc xwac' 'ip in munlj 'a e cal.

1 Co 12:11

Til wal jun tzo'n̈ tas tz'ajx qui b'o'ec, palta junn̈j Espíritu tz'a'n qui b'oc jun cha. Chucchc tas tzyac' qui b'o junjn on̈ec, a tzyala tas tznib'j yac' qui b'o'ec.

Ro 15:20

Yujto caw tzwac' 'ip waln 'el wach' 'ab'x yic colnb'il 'a junjn lugar 'ajtil mantzac yab' eb' yab'xil Cristo. Matz in nib'j tz'ec' wal-l 'a jun tzo'n̈ lugar 'ajtil tox x'ec' yal-l jun tzo'n̈ xo eb'.

Apoc 2:3

Caw niwn tzeyutj e c'ojol. Til wal yailal xeyab' syal wu'uj, palta ma'ex tzactzji.

2 Ti 2:10

'Ay jun tzo'n̈ xo eb' sic'b'ilx xon 'el yuj Dios. Tzin nib'j 'oj scha eb' swach'l quet'oc. Yuj wal cha, tzwa'n techjoc jantcn̈ej syal tzjaw 'a wib'an̈, sec 'oj scha pax eb' scolnb'il caw niwn yel'chi. Atn jun tz'ajx 'ayn̈ 'a jun 'ejmn̈ej, yujto junxn̈ej caj yet' Cristo Jesús.

A Scarta San Pablo D'a Eb' Aj Filipos 1:30

Ax xo ta', junn̈j tzeyutj e te'wtzan e b'a eya'n eyip wet'oc. 'In eyiljnac, caw te'n wutjnac in b'a 'a e cal. Ax ticnec, wan eyab'n paxi, chajtlto an̈ja caw te'n tzwutj pax in b'a.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

Ef 3:20

A ticnec, calc wach' paxti 'a Dios, yujto a tz'a'n spoder 'ayn̈ec. Tzann̈j tas tzqui c'anc 'a 'a, wach'xam junc ton̈j nant tzqui na'a, tzta'n̈j yu'uj, yujto yel xo wal 'ay spoder sb'on smasnil tas.

2 Co 13:3

Wan e nib'n eyila', toto yel a Cristo tzin c'anlb'ani, yic tzyaln 'ayex. At wal 'oj in c'ochi, ax eyilni, ax snachj 'el eyu'uj. Yujto a Cristo tic, man̈toc may spoder sch'ox 'ayex. caw niwn spoder tzch'oxjnac 'a e cal.

2 Co 11:23

Toto ya'mal servil Cristo eb', an xo tic, yel xo wal tzwac' servil 'a yib'n̈ eb'. A yic tzwaln 'at jun tzo'n̈ tic 'ayex, tzwal ton 'icha junc man̈ nab'enal yaji. Yel xo wal niwn in munlj 'a yib'n̈ eb' cha. Caw niwn 'ejm in ma'x 'a yib'n̈ eb', niwn 'ejm in 'och 'a preso, an̈jtona', niwn 'ejm in cob' 'ajxc 'och 'a yol sc'ab' chamel.

2 Co 6:5

'Ay 'aj on̈ ma'x on̈, on̈ 'och 'a preso on̈. 'Ay 'aj x'och somnjoc eb' 'anma 'ayn̈ on̈. 'Ay 'aj x'el quip qui munlj on̈. Man̈xtzac on̈ way on̈. 'Ay 'aj caw tz'och qui wejl on̈.

2 Co 5:9

Yuj cha, smasnil tiempo wach'n̈j cab' tzcutjec qui b'a, sec 'oj tzaljoc Cajlilec chi quet'ec, wach'xam 'ayn̈ect 'ec' 'a qui niwnal tic, wach'xam ma'ay, ax sjawi.

1 Co 12:6

An̈jtona', chucchc qui munljel junjn on̈ec, palta junn̈j Dios wan smunlj quet' qui masnil.

Ro 15:30

Ex wu'tac, ex wanab', a Yespíritu Dios, a tz'a'n qui chamc'ojloquec qui b'a. Yu'uj, tzin tew 'at 'ayex, caw tzeyac' eyip eyoch wet' 'a lesal. Caw tzex leslwi 'a Dios wu'uj, yujto 'ixta tznib'j Cajlil Jesucristo.

Lc 13:24

—'A'c eyip eyoch 'a jun 'icha puerta lot'an. Yujto tzwal 'ayex, caw niwn eb' 'oj cob' snib'c 'och sb'a, palta ma'oj stac' yoch eb'.

A Ch'an̈ Carta D'a Eb' Hebreo 12:4

Ax xo, wach'xam te'n tzeyutj e b'a eya'n owl yet' tas maysch'olnil, palta mantzac ex milx cham yu'uj.

A Scarta San Pablo D'a Eb' Aj Colosas 2:12

A yic on̈ 'ajxec bautisar, junn̈j on̈ 'ajc qui mucx yet' Cristo 'a sat Dios. An̈jtona', pitzwnacn̈ec pax yet'oc, yujto tzca'c 'och qui c'ojl 'a spoder Dios. Yuj spoder cha, 'ix pitzw pax Cristo 'a scal eb' chamnac.