A Scarta San Pablo D'a Eb' Aj Colosas 1:27 - Chuj San Sebastian Bible

²⁷ 'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

Chuj San Mateo Bible

²⁷ Ix yac'an cojtaquejel jun tic, yujto icha chi' sgana. A jun tic, yelxo val nivan yelc'och d'ayex a ex man̈ ex israeloc. A jun sval tic, aton jun ix ac'ji cojtaquejeli to a Cristo cajanoch d'ayex junjun ex qued'oc. Yuj val Cristo tic, scac'och yipoc co c'ool to ol on̈ c'och b'aj ay svach'il.

A Scarta San Pablo D'a Eb' Aj Colosas 1:27 Referans Kwoze

Jn 14:20

A 'a jun c'u yic 'oj 'ochcn Espíritu 'ayex, atta 'oj nachjoc 'el eyu'uj, chajtlto 'ayn 'och 'a qui Mam Dios, 'aych pax 'ayin. Ax snachj pax 'el eyu'uj, chajtlto 'ayx 'och 'ayin, 'ayn pax 'och 'ayex.

Ro 8:10

Palta an̈ec tic, 'ayx 'och Cristo 'ayn̈ec. Yuj cha, wach'xam yowlal 'oj cham qui niwnalec tic yuj maysch'olnil tzb'o'o, ax qui pixnec, pitznn̈ej, yujto wach'n̈ec 'a sat Dios ticnec.

1 Jn 4:4

Ex chamc'ojlb'il wu'uj, yic on̈c xo Dios ticnec. Tox 'ix can eb' 'a'm 'es chi 'a yaln̈ cujec. Yujto a jun 'aych 'ayn̈ec, 'ec'b'al xo spoder 'a yib'n̈ jun 'aych 'a eb' yic yolyib'n̈q'uinl tic.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

1 Co 3:16

¿Tom man̈ eyojcoc, to yatut Yespíritu Dios eyaji, a Yespíritu chi cajn 'ec' 'a e cal?

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.

Jn 14:17

A eb' yic xon yolyib'n̈q'uinl tic, ma'oj stac' schan eb' jun tic, yujto matz tac' yiln eb', man̈ yojcoc eb'. Ax xo tic, eyojc xo Yespíritu tic, yujto 'ayc' xon eyet'oc. A 'oj 'ochcn 'ayx 'a jun 'ejmn̈ej.

Gl 4:19

Ax xo, 'icha to caw wunnal ex. Caw niwn tzwab' syal eyu'uj, 'icha junc 'ix caw tzyab' syail, yic tz'alj yune'. An̈ja 'ixta 'oj wab' syal eyu'uj, masnto 'oj wach' lajnb'oc e nab'en yet' Cristo.

2 Co 4:6

A Dios yaljnac can 'ixtic: A 'a scal q'uic'q'uinl tic, pitzw cab' sacq'uinal, xchi. Caw a 'a'jnac cot sacq'uinlal 'a qui pixnec, sec yuj jun sacq'uinlal tic, tzcojcanec 'eli, chajtlto caw niwn swach'l Dios. A 'a Jesús, ata tzcheclj 'el swach'l Dios cha.

1 Ti 1:1

An Pablo in tic, schecb' in Jesucristo, yujto 'ixta yaj yaln can Dios qui Colmal, yet' Cajlil Jesucristo, atn tzca'c 'och yipc qui c'ojol.

A Scarta San Pablo D'a Eb' Aj Colosas 2:3

Yujn̈ej Cristo tic, tztac' snachj 'el smasnil sjelnal Dios cujec, yet' jantcn̈ej tas yojtac.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

A Scarta San Pablo D'a Eb' Aj Colosas 3:11

Yuj cha, may yel'chi, toto israel on̈, mto man̈ on̈ israeloc. Wach' cab' 'ay mach 'ac'b'il circuncidar, wach' cab' 'ay mach ma'ay. Wach'xam chuc chon̈b'al, wach'xam cab'nal 'anma', mto moso to man̈ yico'oc sb'a, toxn̈ej yicn̈ej sb'a, may yel'ch jun tzo'n̈ tic. Cojxn Cristo 'ay yel'chi, yujto a 'aych 'a qui pixn junjn on̈ec.

Jn 17:26

An xwac' yojcoc 'el eb' tas yaj a nab'en. 'Oj in wach' 'a'c yojcoc 'el eb', sec wach' 'icha tzin otj in a chamc'ojlani, 'ixta tzotj a chamc'ojlan pax eb', ax woch cajn 'a eb' 'a jun 'ejmn̈ej, xchi Jesús 'a qui Mam Dios.

Ef 2:22

Ax xo, man̈ ex 'ichcta 'a yic yalan̈. Al ticnec, junxn̈ej eyaj yet'oc. Ex 'och yatutoc qui Mam Dios quet' on̈, yujto a x'och cajn 'ayn̈ec qui masnil yet' Yespíritu.

Jn 6:56

Tzann̈j eb' 'oj chinc in chib'jal tic, ax yu'n pax eb' in chic'l tic, junxn̈ej tz'ajcn eb' wet'oc. An xo tic, 'ayn 'och pax 'a eb'.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

A Scarta San Pablo D'a Eb' Aj Filipos 4:19

Yuj cha, a qui Diosalec 'oj 'a'nc jantcn̈ej tas 'ay tz'och eyu'uj. Yujto man̈x jantcoc tastc wach' 'ay 'a 'a. Atn jun tzo'n̈ chi tzyac' 'ayn̈ec an̈ yic on̈c xo Cristo Jesús.

Ro 9:23

'Ixta yutjnac Dios sch'oxn 'eli, to caw niwn yel'ch swach'il, yic 'ix 'o'ch sc'ojl 'ayn̈ec. Yujto yictax pecti', si'jnacn̈ec 'och yico'oc, sec wach' 'ay calnec quic 'a swach'l cha.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

A Scarta San Pablo D'a Eb' Aj Colosas 1:5

'Ixta tzeyutj e b'a, yujto wan e tan̈wni jun eyic molb'il 'a satcha'an̈. Atxo 'a yic eyab'n jun wach' 'ab'x caw yel, eyamn 'och eya'n 'och jun chi yipc e c'ojol.

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Lc 17:21

Matz tac' calni: Yaj 'a tic, mto yaj 'a cha, man̈ xqui chioc. Yujto a 'a qui pixan, ata tz'och Dios Yajlil, xchi Jesús 'a eb'.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

2 Co 2:14

Palta calc yuj diosal 'a Dios, yujto smasnil tiempo on̈ yac' 'och tza'n yuj Cristo Jesús, yic tzcheclj 'eli to a 'ix a'n ganar. Cujec tzpucb't yab'xil 'a junjn lugar, 'icha tzpucb't sjab' junc incienso.

Ro 11:33

A Dios, man̈ jantcoc swach'il, man̈ jantcoc sjelnal. Caw yojcn̈ej smasnil tas. May junc mach tztac' snachj 'el yu'uj, tas tzyutj Dios snan 'el tas tzb'o'o. May pax junc mach tznachj 'el sb'eyb'al Dios yu'uj.

Ro 2:4

A Dios caw niwn swach'c'ojlal, caw 'ay sniwnc'ojlal. Man̈ comnoc tzcot yowal, palta tecn 'ayx may yel'ch jun tzo'n̈ tic 'a e sat. ¿Tom man̈ eyojcoc, to tzyac' niwnc'ojlal 'ayn̈ec, sec wach' tzqui nac qui b'a yu'uj?

A Ch'an̈ Carta D'a Eb' Hebreo 6:19

Caw te'n tz'aj qui nab'enec ticnec, yujto tzca'c 'och jun chi yipc qui c'ojol. Caw lajn tz'aj 'icha junc barco caw 'ay yip yaj syamx 'och wan yuj jun syamlab'il 'ay 'ejmi. A jun 'aych yipc qui c'ojl cha, 'ayx 'och 'a spatquil 'och jun nip 'ayc' 'a snan̈l yatut Dios 'a satcha'an̈.