Cantares 7:7 - Chuj San Sebastian Bible

⁷ Caw jichmtac a tel 'icha te palma; ax chab' em, lajn 'icha sc'ojlab'il sat te palma cha.

Chuj San Mateo Bible

⁷ Te tojol ilji icha junoc te' palma. Axo im, lajan val icha junjun c'ojlab' sat te' palma chi'.

Cantares 7:7 Referans Kwoze

Cantares 4:5

A chab' em, lajn wal yilx 'icha chawn̈oc no cotc c'ultquil chej mojn 'aljnac, tzmontj wa sb'a 'a scal eb' te c'ultc 'ay snich.

Ef 4:13

'Ixta tzon̈ yutjec, sec wach' qui masnil, jun lajn 'oj cutquec ca'n 'och qui c'ojl 'a 'a. Ax qui wach' 'ojcan 'el Yunnal Dios. Toto 'ixta', 'oj te'nb'oc qui nab'enec. Caw lajn 'oj 'aj qui nab'enec 'icha Cristo, atn jun may jac spaltail.

Ef 3:17

Tzin c'ann pax 'a 'a, sec 'oj wach' 'och cajn Cristo 'a e pixan, yujto 'aych e c'ojl 'a 'a. Toto 'ixta', 'oj wach' q'uib' e chamc'ojlal. 'Icha junc te caw niwn sch'an̈lyib', 'ixta 'oj eyaji.

Is 66:10

A mach 'ay schamc'ojlal 'a chon̈b' Jerusalén, tzaljoc cab'i', a mach to 'o'nc yu'uj, jaw cab' stzaljc'ojlal ticnec, tzaljan̈c e masnil yu'uj.

Cantares 1:13

Ach quelm to chamc'ojlb'il wu'uj, lajn ach wal 'icha jun tzec'oc te mirra to su'q'ui sjab' 'ayc' 'a snan̈l wim.

Salmos 92:12

Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.

Cantares 8:8

A 'ix canb'ec tza'n 'unn to, mant 'a yim 'ix. ¿Tas tzcutjec, q'uinloc tzjaw sc'anmal 'ix 'ayn̈ec?

Cantares 7:8

An tic, tzin nib'j tzin q'ue 'a sc'ab' te palma cha, sec tzwij 'emt sat te chi wico'oc. A em, lajn 'icha sc'ojlab'il sat te uva; ax xob' a ti', lajn sumntacl 'icha sjab' te mansan.

Cantares 7:3

A chab' em, lajn 'icha chawn̈oc no cotc c'ultquil chej mojn 'aljnac.

Jeremías 10:5

A jun tzo'n̈ yechl cha, lajn eb' 'icha xib'tnub'al ch'ic 'a scal junc 'awb'en. Matz tac' spaxtini, yowlal to tzcuchx b'eyc'oc, yujto matz tac' sb'eyi. Man̈ ex xiw 'a jun tzo'n̈ cha, yujto matz tac' sb'on tas tu', matz tac' pax sb'on tas wach', xchi Dios.

Cantares 7:6

Ach cob's chamc'ojlb'il wu'uj, caw nib'jub'tac elxi, caw wal yel xo wach' elxi.

Cantares 1:15

Ach cob's 'ix chamc'ojlb'il wu'uj, caw wach' elxi, sja'l wal yilx yol a sat 'icha no 'uch, xchi winac.