Cantares 1:6 - Chuj San Sebastian Bible

⁶ Man̈ ex 'och wal q'ueln 'ayn yuj sq'ui'l wilxi, yujto mac'b'iln yuj yoc c'u. Cotnc yowl ewin in nul'j 'ayin, yuj cha, in ya'n 'och ewin tan̈j uva, ax x'aji, ma'ix in ya'ilj in b'a.

Chuj San Mateo Bible

⁶ Man̈ ex och val q'uelan d'ayin, yujto q'uic' ch'uminac vilji, yujto tz'anac in nivanil yuj yoc c'u. A eb' vin̈ in nulej ix cot yoval eb' vin̈ d'ayin, ix in yac'anoch eb' vin̈ tan̈voj uva, axo ix aji, maj in ya'ilej in b'a.

Cantares 1:6 Referans Kwoze

Salmos 69:8

'Icha xoj comn 'anma waj 'a eb' wu'tac, caw man̈ in 'ojcab'ilc yuj eb', tic pax to junn̈j in nun yet' eb'.

Job 30:30

A 'in niwnal tic, caw wal tzchiwj smasnil yuj c'ac', 'ix q'uic'b' pax 'el in tz'umal.

Gl 4:29

Palta a 'a pecti cha, a win ton̈j 'aljnac, 'icha tz'aj yalj junjn 'anma', ya'jnac 'och yailal 'a yib'n̈ jun 'aljnac yuj spoder Yespíritu Dios. 'Icha yutjnac sb'a win cha, 'ixta tzon̈ yutjec eb' tz'ajx mandar yuj ley ticnec.

A Tas Sc'ulejnac Eb' Schecab' Jesús Hechos 14:22

X'ec' eb' sjucb'tzoc eb' creyente 'a 'oxe chon̈b' cha. X'ec' yac' eb' snab'enoc eb'. 'Ix yaln eb' 'ixtc 'a eb': —Caw te'n tzeyutj e b'a eya'n 'och e c'ojl 'a Cajlil, yujto a yic mantzac on̈ c'ochc 'a yol sc'ab' Dios, yowlal niwn syal 'oj jawc 'a quib'n̈ec, xchi eb'.

Mr 4:6

Palta ax yic 'ix q'uel c'u, yajn̈ej 'ix tacj cha'an̈, yujto may wal sch'an̈l yib'.

Mt 10:25

Toto lajn tz'aj 'el'ch junc cuywum yet' scuymal, smoj ton tzalji. 'Ixta pax junc moso yet' spatron̈. An tic, 'icha 'ajn̈a in, ax xo tic, 'icha 'unnab'il ex. 'Ay eb' tzalni to Beelzebú in, yajl waj 'a eb' demonio yaln eb'. Ocxom wal 'ayx ax tic, yel xo wal tu 'oj yal eb' 'ayex.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Miqueas 7:6

An̈jtona eb' 'unnab'il, tzpatquilj can 'el eb' smam, a eb' 'ix 'uneab'il, tzpitj sb'a eb' 'ix 'a snun, an̈jtona eb' 'ix 'alb'ab'il, tz'och eb' 'ix 'ajc'ojlal 'a yalib'. A eb' jun yaj 'a yol yatut, tz'och eb' 'ajc'ojlal 'a jun jun.

Lm 4:8

Palta ax ticnec, yel xo q'uic' yilx eb' 'a yib'n̈ q'uic'q'uinal, a eb' 'anma tz'ec' 'a yol caye, man̈xtzac 'ilx 'och eb' yuj eb'. 'Ix tacj 'och stz'umal eb' 'a spatc sb'aquil, caw tacjnacx eb' 'icha te c'atzitz.

Jeremías 12:6

A eb' o'tac, yet' eb' ecan, caw wal 'ajc'ojl xo yajch eb' 'ayach, c'ultacl tz'el yaw eb' yaln tas 'a a patquil. Wach'xam caw wach' tzyutj paxtinc sb'a eb' 'ayach, palta man̈ a'ch eb' yipc a c'ojol, xchi 'ayin.

Jeremías 8:21

Caw wal tzwab' syal yuj syailal eb' wit chon̈ab', caw xniwtj cusc'ojlal yet' xiwc'ojlal 'ayin.