Cantares 1:10 - Chuj San Sebastian Bible

¹⁰ Sja'l wal yilx spac'b'il a ti 'a scal a yumchiquin. Sja'l pax yilx a jaj 'a 'aj 'aych a ton̈.

Chuj San Mateo Bible

¹⁰ Te vach' yilji spac'ultac a ti' d'a scal q'uen uchiquin, te vach' pax yilji a jaj b'aj ayoch q'uen a ton̈.

Cantares 1:10 Referans Kwoze

A Sb'ab'el Carta San Pedro 3:4

Palta a wal e nab'en, a tze chamc'ojlej e b'oni, sec wach' yilx 'a sat Dios. A swach'l cha, may b'a'n̈ tzjuwi. Toto wach' yaj e nab'en, toto 'emmquil yaji, atn chi caw wach' yilx 'a sat Dios, caw niwn yel'ch 'a 'a.

Cantares 5:13

A spac'b'il sti na, lajn wal 'icha junc lum 'aj 'awb'il te c'ultc tzyac' snich, til wal sja'l yec' sjab'. A sjab' sti na, lajn wal 'icha sjab' te mirra.

Gn 24:47

Yuj cha, xin c'anb'n 'a 'unix: ¿Mach 'aych yisil? xin chi. 'Ix yaln 'unx 'ayin: Yiquin ni Betuel, ni yunnal Nacor yet' 'ix Milca, xchi 'unix. Yuj cha, 'ix wa'n 'och jun q'uen 'icha yumchicn tic 'a sn̈i 'unix, 'ix wa'n pax 'och junjn q'uen brazalete 'a junjn sc'ab' 'unix.

Cantares 4:9

Ach cob's 'ix 'oj och wistloc, 'ix montchj wal in nab'en o'oj; jun 'ejm wal xa mutz' jun yol a sat 'ayin, xwiln pax 'och jun ch'an̈l a ton̈ locn 'och 'a a jaj, cojn wal cha, in montchj oj muc'uc.

Pr 1:9

Yuj jun tzo'n̈ nab'en tic, ax sb'o a b'eyb'al, 'icha wal tz'aj sb'o yilx eb' 'ix 'ix yuj q'uen ton̈, mto yuj junc corona.

Nm 31:50

A ticnec, tic tzquij cot smasnil q'uen oro x'ilchj cuj on̈, q'uen brazalete, pulsera, colc'ab', yumchiquin yet' jun tzo'n̈ xo q'uen q'uen wach' yilxi. A jun tzo'n̈ tic tzcac' 'a Jehová, yujto xcolwj quet'oc, yuj cha, on̈ meltzj qui masnil on̈, xchi eb'.

Gn 41:42

Xlajw cha, xyi'n 'el win rey jun scolc'ab' 'aych seyoal 'a sc'ab', xya'n 'och 'a sc'ab' José. Xya'n win 'ajxoc 'och spichl to lino wach' yilxi, xya'n pax 'och win jun cadena nab'a oro 'a sjaj winac.

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Gn 24:53

Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix.

Cantares 1:11

'Oj qui b'o wal a yumchicn to nab'a oro, ax ca'n 'och yelwnub'l to nab'a plata, xchi winac.