Apoc 9:21 - Chuj San Sebastian Bible

²¹ A jun tzo'n̈ 'anma cha, 'ay eb' milm cham 'anma', 'ay eb' 'ajchum. 'Ay eb' tzb'on 'ajmulal, 'ay pax eb' 'elc'um. Palta man̈ jac 'ix sna sb'a eb' yuj jun tzo'n̈ smul cha.

Chuj San Mateo Bible

²¹ A d'a scal eb' anima chi', ay eb' mac'umcham anima, ay eb' ajb'aal, ay eb' ajmul, ay pax eb' elc'um. Palta max snalaj jab'oc sb'a eb' yuj smul chi'.

Apoc 9:21 Referans Kwoze

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.

Apoc 17:5

Ax 'a snan̈l sat, 'aych jun sb'i may mach 'ojtnac. Xchi jun sb'i chi 'ixtic: A niwquil Babilonia, snun eb' 'ix 'ajmul 'ix smasnil. Snun pax smasnil maysch'olnil 'a yolyib'n̈q'uinal, xchi.

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

Apoc 17:2

A eb' niwc yajl 'a yolyib'n̈q'uinal, c'uxn sb'o eb' 'ajmulal yet' 'ix. Ax eb' 'anma 'a yolyib'n̈q'uinal, 'ix juw 'el eb' yu'uj. 'Icha to x'och eb' 'u'm 'an̈il yuj jun 'icha yal uva jawnc sti', a xyac' 'ix 'a eb', atn yajmulal 'ix, xchi 'ayin.

Apoc 18:3

Yujto smasnil nacion̈, x'och eb' 'u'm 'an̈il yuj yal yuva jawnc sti xyac' 'a eb', atn yajmulal. Ax eb' niwc yajl 'a yolyib'n̈q'uinal, sb'o eb' 'ajmulal yet'oc. Ax smasnil eb' chon̈wjum, x'och eb' ricoal yu'uj, yujto caw tzyac' sobra tas 'ay 'a 'a, xchi jun ángel cha.

Is 47:9

Wach'xam til wal eb' 'ajchum, mto jeln snan 'el paxti 'ayc' o'oj, lemb'il ata 'oj jawc tza'njoc jun tzo'n̈ chi 'a eb'an̈, ax a can 'a to man̈x 'a echmil, 'a man̈x 'a pax one'.

Apoc 16:6

Yujto a eb' 'anma', xlaj smac' 'elt eb' schic'l eb' eco', yet' eb' a checab'. Yuj cha, cojxn chic' tzac' yuc' eb' 'anma ticnec. ¡Caw smoj 'ixta tz'aj eb'! xchi.

Apoc 14:8

'Ay pax junx ángel tza'n yu'uj, 'ix yaln 'ixtic: —Caw 'ix lan̈chj chon̈b' Babilonia. Niwn ton yel'chi, palta caw xlan̈chji. A jun chi x'a'n juwc 'el smasnil nacion̈ yuj yajmulal. 'Icha to xcaw 'och 'u'm 'an̈il junjn nacion̈ yu'uj, xchi.

Gl 5:20

Tzyaln sb'a eb' 'a jun tzo'n̈ tzlaj yalch sdiosaloc. Tzya'lj eb' laj cob' sb'alnoc junc xo mach. Tz'och eb' 'ajc'ojlal 'a jun jun, 'a'm owl eb'. Tzchichn 'och eb' 'a junc xo mach yuj tastc 'ay 'a 'a. C'un scot yowl eb'. Tznib'j eb' axn̈ej 'ay yel'chi. Tznib'j eb' tzlaj spojl sb'a, chucchc tz'aj junjn c'aj eb'.

Mt 15:19

Yujto a 'a snab'en eb' 'anma tzpitzw jun tzo'n̈ tu nab'enal tic. 'Ay eb' tzmiln cham yit 'anma'il. 'Ay eb' tzb'on 'ajmulal 'a yol sc'ab' yistzil. 'Ay eb' mant 'a yistzil tzb'on 'ajmulal paxi. 'Ay eb' tz'elc'wi, 'ay eb' tzyac' 'es, 'ay pax eb' tzcomn b'uchwji.

Is 57:3

A Dios 'ix aln 'ixtic: Ax tze b'o maysch'onil, cotn̈ec 'ayin to 'oj ex in b'eyc'ojloc. Ax tic xlaj e b'eylb'ej sb'eyb'al eb' 'ajchum yet' eb' tzb'on 'ajmulal.

Is 47:12

B'eylb'ej 'ajchumal cha, yet' tas cuyb'il oj 'a yictax cob'sal. 'Oj ela', toto 'oj 'och to yopiso jun chi o'oj, 'oj ela', toto 'ojt xiw eb' 'anma chi 'aych yu'uj.

Apoc 19:2

Tojln̈ej tzyutj sb'eyc'ojlwi 'a yel. Yujto 'ix sb'eyc'ojlej jun 'ix yajl 'ajmul 'ix. Atn 'ix x'a'n juwc 'el eb' 'anma 'a yolyib'n̈q'uinl yuj yajmulal. A Dios 'ix 'a'n spac 'a jun 'ix cha, yujto 'ix milx cham eb' schecb' Dios yu'uj, xchi eb'.

Apoc 13:15

Ax jun schab'l noc' sb'i cha, 'ix 'ajx spoder ya'n pitzwc jun yechl jun b'ab'l noc' sb'i cha. Yuj cha, 'ix paxtini. 'Ix smiln cham jantcn̈ej eb' matz yal sb'a 'a 'a.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Dn 11:33

Til wal eb' et chon̈b' 'oj cuyxoc yuj eb' jeln 'a a chon̈b' cha, palta jayen̈ej c'u, ax smilx cham eb'. 'Oj n̈usxoctz'a eb', 'oj 'elc'xoc 'at smasnil tas 'ay 'a eb'. Mosoal 'oj 'ajcn 'och eb' 'a jun tzo'n̈ chuc chon̈b'al.

Apoc 13:13

'Ay jun tzo'n̈ milagro sch'oxo, caw niwn yel'chi. Xyij wal cot c'ac' 'a satcha'an̈, x'em 'a sat lum yil eb' 'anma'.

Apoc 13:7

An̈jtona', 'ix 'ajx pax spermiso ya'n owl yet' eb' yic xo Dios, masnto xyac' ganar scan eb' 'a yaln̈ yu'uj. 'Ix 'ajx yopiso ya'n yajlil 'a yib'n̈ smasnil 'anma 'a junjn chon̈ab', 'a junjn nacion̈. Toxn̈ej chucch 'in̈tal eb', toxn̈ej chucchc til tzyal eb', c'uxn 'ix 'ajx mandar eb' yu'uj.

Apoc 9:20

Palta ax eb' 'anma ma'ix cham yuj jun tzo'n̈ yailal cha, caw man̈ jac 'ix sna sb'a eb' yuj smul tzlaj sb'o'. Ma'ix yactj can eb' yaln sb'a 'a ewin demonio. Ma'ix yactj can pax eb' yaln sb'a 'a jun tzo'n̈ yechl tzalx 'och diosal, atn jun tzo'n̈ tzb'o yet' oro, yet' plata, yet' bronce. Tzb'o yet' q'uen q'ue'en, yet' pax te te'. A jun tzo'n̈ cha, matz yila, matz yab'i, matz b'ey paxi.

Apoc 17:4

Ax spichl jun 'ix cha, q'uic'mucnac yet' chac. Til wal jun tzo'n̈ q'uen tzictzni yilx 'aych 'a 'ix. 'Ay oro, 'ay jun tzo'n̈ perla, yet' jun tzo'n̈ xo q'uen caw chan̈ stojl 'aych 'a 'ix. Yamb'il jun vaso nab'a oro yuj 'ix. B'ut'n yet' jun tzo'n̈ tas yajb'il yuj Dios, atn jun tzo'n̈ yajmulal 'ix cha.