Apoc 8:5 - Chuj San Sebastian Bible

⁵ Xlajw cha, xyi'n cot jun ángel chi jun tzo'n̈ stzac'ac' 'ay q'ue 'a yib'n̈ jun yet'l xajmb'al. 'Ix ya'n 'ejm 'a yojl jun stz'ab'c'ac' cha, caw xb'ut'j yu'uj. Xlajw cha, 'ix sjuln 'ejm 'a yolyib'n̈q'uinal. Xlajwn̈ej cha, 'ix syamn 'och sc'an̈ c'u, yet' jun tzo'n̈ xo tas xlaj c'an̈i. Xlaj 'ec' pax raya. 'Ix 'ec' pax jun quixcab'.

Chuj San Mateo Bible

⁵ Ix lajvi chi' b'ian, ix yac'an b'ud'joc schaynub' chi' d'a te' tzac'ac' ayq'ue d'a yib'an̈ jun altar chi'. Ix spoc'anem d'a sat luum. Ix lajvi chi', ix och ijan sn̈ilili sc'an̈ c'u yed' juntzan̈xo tas ix laj n̈ilili. Ix laj ec'pax copoljoc leb'lon. Ix ec' pax jun quixcab'.

Apoc 8:5 Referans Kwoze

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Apoc 4:5

A 'a jun despacho cha, caw tz'elt raya 'a 'a. Caw tzc'an̈ 'icha sc'an̈ c'u. Ax 'a yojltac, ata 'ay uque niwc cantil 'aych sc'aq'uil, atn Yespíritu Dios yucwn̈il.

A Tas Sc'ulejnac Eb' Schecab' Jesús Hechos 16:26

Ax 'a chim'ac'wl cha, 'ix 'ec' wal jun niwquil quixcab', caw ow x'eq'ui. C'uxn x'ib'x yipnub'al yich te preso cha. Yajn̈j wal cha, mun xjacw spuertail te preso chi smasnil. Ax q'uen cadena 'aych 'a eb' preso cha, c'uxn x'el lan̈njoc q'uen smasnil.

Salmos 18:13

Ach Jehová caw niwn el'chi, 'ix 'el aw 'icha wal sc'an̈ c'u 'a satcha'an̈, yajn̈ej 'ix cot sacb'at yet' stzac'ac'.

Lv 16:12

Tzyi'n cot stz'ab'c'ac', b'ut'n cab' yet' stzac'ac' yic yet'l xajmb'al, atn jun 'ayc' 'a wojltac an Jehová in, tzyi'n cot pax chajopc incienso su'q'ui sjab', tzyi'n 'oxt 'a yojltac te cortina 'aych smacloc snan̈l in cajnub'.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Apoc 6:12

A jun tzcuch Calnelu cha, 'ix wiln sn̈i'chtan pax jun swacl seyo. 'Ix 'ec' jun quixcab' caw ow. A c'u, caw q'uic' x'aj 'icha lopil. Ax 'uj, caw chac x'aj 'icha chic'.

A Tas Sc'ulejnac Eb' Schecab' Jesús Hechos 4:31

Yic 'ix lajw sleslwi eb', ax jun n̈a 'aj 'ayc' eb' cha, caw 'ix tzicb'tan̈x yuj Dios. 'Ix wach' 'och Yespíritu 'a junjn eb'. Yuj cha, caw te'n xyutj sb'a eb' yaln 'el spaxti Dios.

Lc 12:49

An tic in jaw wul wa'ch jun 'icha c'ac' 'a yolyib'n̈q'uinl tic; comnoc wal tox xn̈ilchj jun chi ticnec.

Mt 24:7

'Ay jun tzo'n̈ niwc chon̈b' 'oj yac' owl sb'a yet' yit niwc chon̈b'al; ax ya'n owl sb'a eb' yajl yet' eb' yit yajlil. Til wal 'aj 'oj yamchjc eb' 'anma yuj yab'il, 'oj jawc pax wejl 'a yib'n̈ eb'. Til wal 'aj 'oj 'ec' pax quixcab'.

Is 66:6

'Ay jun 'aw checl yoch 'a yol chon̈ab', a jun 'aw cha, ata 'ay 'a yol yatut Dios. A Jehová a wan ya'n 'och syailal eb' 'ajc'ojl yajch 'a 'a, wan ya'n spac yic junjn mach, 'icha tas smoj schani.

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

A Ch'an̈ B'ab'el Libro Yic Yab'ixal Eb' Rey 19:11

'Ix yaln Jehová 'a 'ixtic: 'Eln̈ta, tzach jaw lin̈n 'a wojltac an Jehová in 'a lum jolm witz tic, yujto 'oj wec' 'a tic, xchi. —'Ix ya'n cot jun niwquil 'ic', 'ix laj jat eb' q'uen niwc tenam, palta man̈ 'ayc 'och Jehová 'a scal 'ic' cha. Xya'n cot pax Jehová jun quixcab', palta man̈ 'ayc 'och Jehová 'a scal jun quixcab' cha.

Zacarías 14:5

Ax xo tic, 'oj e 'at 'eloc. 'Oj eyel 'a jun pan̈n 'ay 'a snan̈l chab' lum tzaln cha, yujto a jun pan̈n cha, 'oj c'och to 'a Azal. Caw 'oj e 'at 'elc 'icha 'ajnc s'at 'elc eb' e mam eyicham yic yec' jun quixcab' 'a pecti', yic 'aych win Uzías reyl 'a Judá. 'Ixta to b'i'an, ax sjaw Jehová qui Diosalec yet' smasnil eb' yico'.

Jeremías 51:11

A Jehová 'ix 'a'n sb'o eb' sreyl chon̈b' Media jun cha, yujto nab'ilx xon yu'uj to 'oj satl Babilonia. 'Ixta wal 'oj yutc ya'n spac yuj tas 'ix 'aj yixtx 'el yatut yuj eb'. Tzalx 'a eb' soldado: 'A'c lista e jul-lab', 'a'c 'och tas tzmacn sat jul-lab' 'ayex.

Ex 19:16

Ax yic sacb' 'el 'a schab'jil cha, caw tz'ec' letz'lo'om, tzc'an̈ pax c'u, 'ay jun niwquil q'uic' 'asn x'och 'a sjolm lum witz cha. Ax xyab'n eb' caw 'ip 'ix 'oc' jun q'uen trompeta 'a sjolm lum witz cha, smasnil eb' 'anma 'ayc' 'a yol smantiado, caw 'ix xiw eb'.

Apoc 8:3

Xlajwn̈ej cha, 'ix jaw junx ángel yet' jun tz'ab'c'ac' nab'a oro, yet'l 'aj tz'a incienso. 'Ix c'och lin̈n yet' 'a yojltac jun yet'l xajmb'al. Caw niwn incienso chi 'ix 'ajx 'a 'a, yic tzn̈usn 'a yib'n̈ jun yet'l xajmb'al nab'a oro 'ayc' 'a yojltac jun despacho cha. A yic xc'och su'q'uil sjab' jun incienso cha, 'ix c'och pax slesl eb' yic xo Dios yet'oc.