Apoc 8:3 - Chuj San Sebastian Bible

³ Xlajwn̈ej cha, 'ix jaw junx ángel yet' jun tz'ab'c'ac' nab'a oro, yet'l 'aj tz'a incienso. 'Ix c'och lin̈n yet' 'a yojltac jun yet'l xajmb'al. Caw niwn incienso chi 'ix 'ajx 'a 'a, yic tzn̈usn 'a yib'n̈ jun yet'l xajmb'al nab'a oro 'ayc' 'a yojltac jun despacho cha. A yic xc'och su'q'uil sjab' jun incienso cha, 'ix c'och pax slesl eb' yic xo Dios yet'oc.

Chuj San Mateo Bible

³ Ix lajvi chi', ix ja junxo ángel yed'nac jun schaynub' yic incienso nab'a oro. Ix och lin̈an d'a yichan̈ jun altar nab'a oro, ajun slesal eb' yicxo Dios yed'oc. Nivan jun suc'uq'ui sjab' ix ac'ji d'ay yic sn̈usantz'a d'a yib'an̈ jun altar ayec' d'a yichan̈ Dios b'aj c'ojanem chi'. Ayic ix b'at numumoc stab'il jun suc'uq'ui sjab' chi', ix b'atpax slesal eb' yicxo Dios chi' yed'oc.

Apoc 8:3 Referans Kwoze

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.

Apoc 8:4

A jun incienso cha, 'ix q'ue stab'l 'a yol sc'ab' jun ángel chi yet' slesl eb' yic xo Dios cha, 'ix c'och 'a Dios.

Salmos 141:2

Wach' cab' tz'aj sq'ue'ch in lesl 'aych Mamin, 'icha tz'aj sq'ue'ch stab'l incienso tz'a 'a ojltac. Ax in c'ab' mojb'il q'ue 'ayach, lajn cab' yilx 'a yol a sat 'icha junc ofrenda tz'ajx 'aych 'a yemc'ual.

Lc 1:10

A yic wan sn̈usn win jun cha, c'uxn xleslwi eb' 'anma 'a yamq'uil yatut Dios.

Apoc 9:13

'Ix yutz'n jun swacl ángel pax strompeta. Ax jun yet'l xajmb'al nab'a oro 'ayc' 'a yojltac Dios, 'ay sch'ac 'a yisquinyoal schan̈il. Ata xwab' yoch jun 'aw.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

A Ch'an̈ Carta D'a Eb' Hebreo 9:4

Ata 'ay jun yet'l 'a 'aj tzn̈usx jun tzo'n̈ incienso, a jun cha, nab'a oro. Ata 'ay pax scaxail strato Dios, c'uxn 'aych oro 'a spatic. Ax 'a yojol, ata 'ay 'ejm jun q'uen chen oro, 'ay 'ejm maná 'a yojol. Ax 'a stz'ey jun chen cha, ata 'ay 'ejm jun sc'occh Aarón 'ix wolni. 'Ay 'ejm pax chab' q'uen 'aj tz'ib'b'il can jun strato Dios.

Ex 40:26

Xya'n 'ajxoc 'och jun yet'l xajmb'al nab'a oro 'a yet'ul, 'a yojltac 'elt te cortina. Xya'n tz'a incienso su'q'ui sjab' 'a yib'an̈, 'icha wal yaj yaln Jehová 'a 'a.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

Ro 8:34

Yuj cha, ¿mach junc 'oj stac' ya'n 'och 'a quib'n̈ec? Yujto a Cristo 'ix chami, 'ix 'ajx pitzwc paxi. Ax ticnec 'ayc' 'a swach' c'ab' Dios, wan stew 'a Dios cujec.

Am 9:1

Ax xwilni 'ayc' Jehová 'a stz'ey jun yet'l xajmb'al, 'ix yaln 'ayn 'ixtic: Mac' wecchjoc jun tzo'n̈ yoyl watut tic, masnto tz'ib'x sjolm yoyl cha, ax yem lan̈njoc 'a yib'n̈ eb' 'anma'. Toto 'ayt eb' ma'oj chamoc, ax yet' q'uen espada 'oj wac' milxoc cham eb', wach'xam 'oj 'at eb' 'elc yalni, palta may junc mach 'oj colchjoc can 'eli.

A Ch'an̈ B'ab'el Libro Yic Yab'ixal Eb' Rey 7:50

'Ix ya'n pax b'o jun tzo'n̈ vaso, jun tzo'n̈ q'uen 'icha texlex, jun tzo'n̈ niwc 'uc'ab', jun tzo'n̈ niwc cuchara, yet' pax jun tzo'n̈ tz'ab'c'ac', to nab'a oro smasnil. Oro pax svisagreil spuertail jun Lugar to cojn Dios 'ay yico', yet' pax yic spuertail yatut Dios.

Apoc 7:2

Xwiln paxi, 'ay junx ángel xcot 'a stojlal 'aj tzq'uel c'u. 'Ay jun seyo yet'i, atn jun yic Dios pitzan. Caw 'ip 'ix 'awj 'a chan̈wn̈ eb' ángel cha. Atn eb' chan̈wn̈ chi 'ac'b'il spoder yixtn tas 'ay 'a sat lu'um, yet' tas 'ay 'a a mar, 'ix yaln 'a eb' 'ixtic:

Apoc 6:9

A jun tzcuch Calnelu cha, a yic 'ix sn̈i'chtan jun yol seyo, 'ix wiln jun yet'l 'aj tz'a xajmb'al. A 'a yalan̈, ata 'ay spixn eb' milb'il cham yuj spaxti Dios, yujto ya'jnac testigoal sb'a eb' yu'uj.

Apoc 10:1

Xlajw cha, xwiln pax junx ángel 'a satcha'an̈, caw niwn spoder. 'Ix 'ejm 'a yolyib'n̈q'uinal. Oyn 'och 'asn 'a 'a, 'icha to a 'aych spichloc. A 'a sjolom, 'ay q'ue jun chacpan. A sat, caw tzictzni 'icha c'u. Ax yoc, 'icha snich c'ac' 'ixta yilxi.

Nm 4:11

Ax eya'n q'ue pax junc q'uic'mucnac nip 'a yib'n̈ jun yet'l xajmb'al nab'a oro. Tzlajw cha, tze lan̈n yet' junc no tz'um caw tzlab'b'i cha. Tzeya'n 'och sb'achnub'al, sec wach' yijx b'eyoc.

Is 6:6

Ax xwilni xcot jen̈n̈oc jun serafín chi 'a scal eb' yitb'eym cha, yet' jun tenaza, ax jun tenaza chi xyac' n̈a'noc chan̈ jun stzac'ac' 'a yib'n̈ yet'l xajmb'al,

Ez 41:22

'icha yilx jun yet'l xajmb'al yic incienso; jun metro yaj spac'b'il, nan̈lschab'l metro ste'il; 'ay yisquinyoal, 'ay pax sb'achnub'al yalan̈, te 'aychn̈ej 'a smasnil. Xlajw wiln jun cha, xyaln jun winc chi 'ayn 'ixtic: Atn jun mexa tic 'ayc' 'a yojltac Jehová, xchi 'ayin.

Apoc 8:5

Xlajw cha, xyi'n cot jun ángel chi jun tzo'n̈ stzac'ac' 'ay q'ue 'a yib'n̈ jun yet'l xajmb'al. 'Ix ya'n 'ejm 'a yojl jun stz'ab'c'ac' cha, caw xb'ut'j yu'uj. Xlajw cha, 'ix sjuln 'ejm 'a yolyib'n̈q'uinal. Xlajwn̈ej cha, 'ix syamn 'och sc'an̈ c'u, yet' jun tzo'n̈ xo tas xlaj c'an̈i. Xlaj 'ec' pax raya. 'Ix 'ec' pax jun quixcab'.

Apoc 14:18

'Ix 'elt pax junx ángel 'a 'aj 'ay jun yet'l xajmb'al, atn jun chi 'ay yopiso sc'anlb'an te c'ac'. Caw 'ip yaln 'at 'ixtc 'a jun ángel yamb'il sjos chi yu'uj: —Polch a jos chi caw jay ye cha. Yujto a jun tzo'n̈ uva a yolyib'n̈q'uinal, caw 'ec'm xo, xchi.