Apoc 8:11 - Chuj San Sebastian Bible

¹¹ A jun c'anal cha, 'Ixaj sb'i. Ax jun tzo'n̈ a chi 'aj xlaj 'ejmi, caw lajn x'aj yet' yalil 'ixaj. Til wal 'anma xlaj cham yuj a a cha, yujto caw c'a x'aj a'.

Chuj San Mateo Bible

¹¹ A jun c'anal chi', scuch Ixaj. A juntzan̈ a a' b'aj ix laj em chi', lajan ix aj a' icha an̈ ixaj. Tzijtum anima ix cham yuj a', yujto te c'a' ix aj a'.

Apoc 8:11 Referans Kwoze

Jeremías 23:15

Yuj cha, an Jehová in, tztac' wuj smasnil, an tzwal jun tzo'n̈ paxti tic 'a eb' tzyalch sb'a in checb'oc: A wal tas c'a, a chi 'oj wac' sc'ux eb'. Ax a a 'ayb't veneno 'a scal, a 'oj wac' yuc' eb'. Yujto yujn̈ej eb' tzyalch sb'a in checb'oc 'a Jerusalén, yuj cha, 'ix pucb't maysch'olnilal 'a smasnil jun nacion̈ tic, xchi Dios.

Jeremías 9:15

Yuj cha, an ton tic Jehová in, tztac' wuj smasnil, sDiosal in Israel, an tzwal 'ixtic: 'Oj wac' sc'ux eb' tas to caw wal c'a, ax wa'n yuc' eb' a a 'ay't veneno 'a scal.

Dt 29:18

Comnoc may junc mach 'a qui calc tic, winac mto 'ix, mto eyunnal, mto eyisil, mto junc 'in̈tal eb' quit chon̈b'ec tz'actn can Jehová qui Diosalec, yic tzyaln sb'a 'a sdiosal jun tzo'n̈ xo nacion̈ cha. Comnoc may junc ex lajn ex 'icha junc yib' te tzq'uib' swol, caw c'a sat tzyac'a, tzcham 'anma yu'uj.

Am 6:12

¿Tom tztac' sb'ey q'ue no chej 'a sat tenam? ¿Tom tztac' yoch munljel 'a yib'n̈ a mar yet' q'uen arado? Palta ax xo tic, xe jelmtej 'och tojlal 'a 'ixtj 'anma'il, caw tu tzyab' eb' 'anma yuj tas tzeyutj e b'on yaj eb'.

Am 5:7

Ax wal ax tic tze jelmtej 'och tojlal 'a maysch'olnil, 'oltacx wali, caw man̈ wach'c tzeyutj e b'on yaj eb' 'anma'.

Lm 3:19

A yic tzin nan cot in cusc'ojlal, yet' yic in can in ch'ocoj; caw wal tzwab' syal si'mb'il.

Pr 5:4

palta ax 'a slajub', lajn 'ix 'icha sc'al te 'ixaj, 'icha tzon̈ 'aj qui lajw yuj q'uen espada chab' ye.

Apoc 8:7

'Ix yutz'n jun b'ab'l ángel strompeta. Yajn̈j wal cha, ax sacb'at, yet' c'ac', caln yaj yet' chic'. 'Ix julx 'ejm 'a sat lu'um. Yuj cha, jab'xoj man̈ spacloc lum xtz'a'i. An̈jtona te te smasnil, jab'xoj man̈ spacloc xtz'a'i. Ax te c'ultac, c'uxn 'ix tz'a te smasnil.

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

Lm 3:5

'Ix meltzj 'och yac' owl wet'oc, 'ix 'och oyn yailal 'ayn yu'uj, man̈x jantcoc somc'ojlal xjaw 'ayin.

Rt 1:20

Palta 'ix yaln 'ix 'a eb' 'ixtic: —Man̈x eyal Noemí 'ayin, Mara xe chi, yujto a Dios tztac' yuj smasnil, a x'i'n 'ec' in tzaljc'ojlal, ax cusc'ojlal xyac' 'ayin.

Ex 15:23

'Ix jaw eb' 'a lum lum 'aj 'ay cob' a a', palta ma'ix stac' yu'n eb', yujto caw wal c'a a'; yuj cha, Mara 'ix ya'cn eb' scuch jun lugar cha.

Zacarías 13:8

An Jehová in, an tzwala, to a eb' 'anma cajn 'a jun nacion̈ tic, 'ec'b'al spacl eb' 'oj chamoc. Jaywn̈ xoj eb' 'oj canoc.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Apoc 9:15

Yuj cha, x'at sjiync 'el chan̈wn̈ ángel cha. Xlajw cha, x'at eb' milj cham 'anma'. Jab'xoj man̈ spacloc eb' 'anma 'a yolyib'n̈q'uinl 'ix cham yuj eb'. Caw checl xo yaj yorail, sc'ual, yujal yet' yab'lilal 'aj tzmilwj eb' cha.

Apoc 9:18

Ax eb' 'anma 'a yolyib'n̈q'uinal, jab'xoj man̈ spacloc eb' xcham yuj 'oxe yailal chi x'elt 'a sti e no cha, atn c'ac', tab', yet' azufre.

Apoc 12:4

Ax yet' sn̈e, 'ix sloc cot jun tzo'n̈ c'anal 'a satcha'an̈. Jab'xoj man̈ spacloc x'aj syamchj jun tzo'n̈ c'anal chi yu'uj, sjuln 'ejm 'a yolyib'n̈q'uinal. Xlajw cha, xc'och 'a yojltac jun 'ix 'ayx tz'i'n cha, yujto tznib'j schi jun 'unn wan yalj cha.