Apoc 7:4 - Chuj San Sebastian Bible

⁴ Ax xwab'n sb'isl eb' xlaj 'och seyo 'a 'a, 'ay 144 mil sb'isl eb'. A eb' cha, wit israelal eb'. 'Ay eb' 'a junjn macn̈ 'in̈tal.

Chuj San Mateo Bible

⁴ Axo ix vab'ani, a eb' ix och sello chi' d'ay, ay 144 mil sb'isul eb'. A eb' chi', vetisraelal eb'. Ayn̈ej eb' d'a junjun macan̈ in̈tilal.

Apoc 7:4 Referans Kwoze

Apoc 14:1

Xlajw cha, xwilni, a jun tzcuch Calnelu, lin̈n 'ec' 'a sjolm lum tzaln Sión. 'Ay pax 144 mil eb' 'ayc' yet'oc. Ax 'a snan̈l sat junjn eb', ata tz'ib'b'il 'och sb'i jun tzcuch Calnelu cha, tz'ib'b'il pax 'och sb'i Smam.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Lc 22:30

'Oj stac' e wa wet' 'a jun in mexa 'aj 'ayn 'och yajlil cha. An̈jtona', 'oj eyem wocn 'a junjn e despacho, ax eya'n yajlil 'a lajchw macn̈ eb' quit israelal, xchi Jesús 'a eb' scuywum cha.

Mt 19:28

—Wal yel tzwal 'ayex: At 'a yic 'oj 'a'tb'oc smasnil tas, ax e chan spac eyico'. An 'Ochnc in 'Anmal tic, 'oj wem wocn 'a in despacho 'a 'aj 'oj checljoc 'el in poder. Ax xo ex 'och in cuywumoc tic, 'oj eyem wocn e lajchwan̈il 'a junjn e despacho. Ax e b'eyc'ojlan eb' quit israelal slajchw macn̈il.

A Tas Sc'ulejnac Eb' Schecab' Jesús Hechos 26:7

'Ay lajchw macn̈ eb' quit israelal on̈, smasnil eb' tztan̈wni 'el'choc tas yaljnac can Dios cha. Yuj cha, yelc'ojlal tzyac' servil eb' Dios 'a sc'ual yac'wlil. Ach rey Agripa, yujn̈ej to tzin tan̈wj 'e'l'choc jun cha, yujn̈ej cha, tzin 'ajx queja yuj eb' wit israelal chi ticnec.

Apoc 9:16

Ax xwab'n sb'isl eb' soldado 'ay q'ue 'a yib'n̈ chej tzmunlj yet' eb' ángel cha, chab' ciente miyon̈ sb'isl eb'.

Santiago 1:1

An tic, Santiago in. Ya'mal in servil Dios yet' 'a Cajlil Jesucristo. Tic tzwa't stzatzl e c'ojl ex lajchw macn̈ wit israelal, ex pucnc can 'at 'a junjn chon̈ab'.

Ro 9:27

Palta yaljnac can Isaías yab'xil eb' quit israelal chi 'ixtic: A eb' wit israelal, wach'xam caw niwn 'oj 'aj sb'isl eb' 'icha sb'isl yarenail sti a mar, palta jaywn̈n̈ej eb' 'oj colchjoc.

Zacarías 9:1

Atn jun tzo'n̈ paxti tic 'ix yalcn 'el Jehová, chajtlto 'oj ya' cot yailal 'a yol yic lum Hadrac yet' 'a yib'n̈ niwquil chon̈b' Damasco. Man̈ocn̈ej smasnil eb' yin̈tl Israel tzmaclj Dios yila', palta tzmaclj pax yil smasnil eb' chuc nacion̈al.

Ez 48:19

Tzann̈j eb' yin̈tl Israel tzmunlj 'a jun chon̈b' cha, tzta'n̈j yawn eb' lum lum cha.

Ez 47:13

'Ix yaln Jehová 'ayn 'ixtic: Atn 'a tic 'oj c'och smon̈jonal smacl lum eb' yin̈tl Israel 'oj smacloc, atn lum wa'jnac in ti wa'n 'a eb' e mam eyichm pecti'. Lajnn̈ej tzeyutj e pojn 'ec' lum 'a junjn 'in̈tal. (A eb' yin̈tl José, chac'aj lum yic eb' chi 'oj 'ajxoc.) A jun nacion̈ tic, e macl lum yaji.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Ex 28:21

Lajchwe sb'isl eb' q'uen q'uen cha, yujto lajchwan̈ sb'isl eb' yunnal Israel, 'icha stz'ib'l junc seyo, 'ixta wal tz'ajcn 'och sb'i junjn 'in̈tal eb' 'a q'ue'en.

Apoc 7:5

Lajchwe mil eb' 'a junjn 'in̈tal 'aj x'och seyo cha: Atn eb' yic Judá, eb' yic Rubén, eb' yic Gad, eb' yic Aser, eb' yic Neftalí, eb' yic Manasés, eb' yic Simeón, eb' yic Leví, eb' yic Isacar, eb' yic Zabulón, eb' yic José, yet' pax eb' yic Benjamín.

Lc 14:22

Xlajw sc'ochx jun smoso win cha, 'ix yaln win 'ixtc 'a winac: Mamin, tic xit' wi' cot eb' 'icha 'ix al cha, palta caw coln to, xchi 'a winac.