Apoc 7:17 - Chuj San Sebastian Bible

¹⁷ Yujto a jun tzcuch Calnelu, atn jun 'ayc' 'a spacl snan̈l jun despacho, a tz'iln eb' 'icha junc 'ilm calnelu. A tz'i'n 'at eb' 'a jun a a yic q'uinl 'ayc' 'a jun 'ejmn̈ej. Ax Dios, man̈x 'oj chanc 'oc' eb', xchi 'ayin.

Chuj San Mateo Bible

¹⁷ Yujto a jun Calnel sb'i ayec' d'a snan̈al jun despacho, a' stan̈van eb' icha junoc tan̈vum calnel. A' tz'ic'anb'at eb' d'a jun a a' yic q'uinal d'a juneln̈ej. Axo Dios ol sucanel yal sat eb' smasanil, xchi d'ayin.

Apoc 7:17 Referans Kwoze

Jn 4:14

Palta ax eb' tz'u'n jun a tzwac'a, man̈x b'a'n̈ 'oj cot stacn̈til eb' jun 'ejm xo. Yujto a jun a tzwac' tic, 'oj 'aj sjaj a 'a eb', ax ya'n a sq'uinl eb' 'a jun 'ejmn̈ej, xchi Jesús 'a 'ix.

Jn 4:11

—Ach winac, 'in may a lechlab' tzac' lechnc q'uet a'. Caw xab' yaj 'ejm a'. ¿'Ajm til 'oj ec' jun a 'oj ac' 'a'nc in q'uinl cha?

Apoc 22:1

Xlajw cha, 'ix sch'oxn jun ángel chi jun niwn a 'ayin, caw yaxt'ujnac. Atn jun a tz'a'n qui q'uinlec 'a jun 'ejmn̈ej. Caw yaxt'ujnac yilx 'icha cristal. A 'a sdespacho Dios yet' jun tzcuch Calnelu, ata tzpac' 'elta.

Apoc 21:4

Man̈x 'oj scha 'oc' eb'. A wal ta', man̈x 'a chamel, man̈x 'a 'oq'uel, man̈x 'a cusc'ojlal, man̈x 'a pax yailal. Yujto jantcn̈ej tas 'ay 'a yic yalan̈, 'e'nc xo, xchi.

Salmos 23:5

Lajn ach 'icha junc mach tz'a'n 'och sq'uin̈. A tas yel xo wach' a tzyac' sc'ux junc swach'c'ojol. Tzch'oxn 'eli to niwn yel'ch jun swach'c'ojl chi 'a 'a. Tzya'n sobra tas tzyac' yuc'. 'Icha jun swach'c'ojl cha, 'ixta tzin otj 'a yojltac eb 'ajc'ojl yajch 'ayin. Til wal a yaxilal tzac' 'a wib'an̈.

Apoc 21:6

Xlajw cha, xyaln pax 'ayn 'ixtic: —Tox 'ix b'o 'el'chi. An tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in. A eb' 'ay stacn̈ti'al, 'oj wac' yuc' eb' jun spac'b'a tz'a'n q'uinl 'a jun 'ejmn̈ej. 'Oj wac' 'a eb' 'a nab'an̈ej.

Jn 10:11

An tic, lajn in yet' junc 'ilm calnelu caw wach'. A junc 'ilm calnelu wach', 'ay sgana tzyac' cham sb'a yuj no calnelu cha.

Is 25:8

'Oj satl Jehová chaml 'a jun 'ejmn̈ej, ax sucn 'el yal sat smasnil eb' 'anma'. 'Oj satl pax sq'uixwel eb' schon̈b' 'a smasnil yolyib'n̈q'uinl tic, yujto 'ixta yaj yaln cani.

Jn 10:14

An tic, lajn in yet' junc 'ilm calnelu caw wach'. Ax eb' 'anma to yajnacx 'och sc'ojl 'ayin, 'icha in calnelu yaj eb'. A 'in Mam, yojc in. An̈jtona 'in, wojc pax in Mam cha. 'Icha wojc in b'a yet' in Mam cha, 'ixta wojc in b'a yet' eb' wic jun xo. 'Oj wac' cham in b'a yuj eb' wic cha.

Jeremías 2:13

Ax in chon̈b' ex tic, x'och chamacn̈ e mul. An tic, lajn in 'icha a a tzpaq'ui, palta in eyactj cani. Mun xoj xe b'o e diosal. A jun e diosal cha, lajn 'icha junc c'ob'a oln yich, matz can a 'a yojol, xchi Dios.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

Apoc 5:6

Ax 'a snan̈l yojl jun despacho cha, 'a scal chan̈wn̈ querubín cha, yet' 'a scal eb' 'ichm winc cha, ata xwil jun tzcuch Calnelu. Lin̈n 'eq'ui, palta chequel to milb'il chamoc. Uque sch'a'ac, uque pax yol sat. A yol sat cha, atn ucwan̈ Yespíritu Dios checb'il 'at 'a smasnil yolyib'n̈q'uinal.

Mt 2:6

A chon̈b' Belén tzcuch pax Efrata, wach'xam yunen̈ej chon̈b'al 'a scal jun tzo'n̈ xo chon̈b' 'ay 'a yol yic Judá, palta niwquil yel'ch 'a yib'n̈ jun tzo'n̈ cha, yujto ata 'oj pitzwc chan̈ jun yajal, a 'oj 'och yilmalc in chon̈b' Israel, xchi 'a Ch'an̈ U'un̈, xchi eb'.

Is 12:3

A mach 'ay stacn̈ti'al, 'oj 'ajxoc yuc' a 'a tzaljc'ojlal, atn scolnb'il tz'ajx yuj Dios.

Salmos 28:9

Mamin Jehová colwjan̈ 'ayn̈ an̈ a chon̈b' on̈ tic, 'ac' a yaxilal 'a quib'n̈ an̈ to ec xo caji. 'Ilt on̈ 'icha tzyac' junc 'ilm calnelu, tan̈wj on̈ 'a smasnil tiempo.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Is 60:20

A jun sacq'uinl tzwac' 'ayx cha, a 'oj 'och sjelc yoc c'u yet' yoc 'uj. A jun cha, may b'a'n̈ 'oj tupoc, yujto an Jehová in, an sacq'uinl waj 'ayx 'a jun 'ejmn̈ej. Ax e cusc'ojlal 'aj 'ayx 'eq'ui, 'oj lajwc 'ec' 'a jun c'u cha.

Is 49:9

Tzaln 'ixtc 'a eb' 'icha to 'aych 'a preso 'a scal q'uic'q'uinal: 'Eln̈ec can 'a libre, xa chi 'a eb'. A eb' in chon̈ab', caw 'ay tas 'oj sc'ux eb', lajn 'oj 'aj eb' 'icha no calnelu tztan̈wx wa 'a stitc b'e, mto 'a lum jolmctac witz may ste'al.

Is 35:10

A eb' colb'ilx 'el yu'uj, caw 'oj b'itn eb' 'a stzaljc'ojlal yic 'oj c'och eb' 'a Sión. 'Oj 'aj cajn eb' ta 'a tzaljc'ojlal yet' 'a jun 'ejmn̈ej. 'Oj 'ilchjoc wach'il yet' tzaljc'ojlal yuj eb', ax yailal yet' 'oq'uel, 'oj satcn 'eli.

Is 30:19

Ex 'aj Sión, ex to cajn ex 'ec' 'a Jerusalén, man̈ ex 'oc'oc, a Jehová 'oj 'o'ch sc'ojl 'ayex yic tzyab'n yel eyaw, 'oj ta'wc 'ayx muc'uc.

Is 25:6

A Jehová tztac' yuj smasnil, a 'a tzaln Sión ata 'oj sb'o jun niwn wa'el. 'Oj yac' wa smasnil eb' nacion̈ ta', a jun schib'l wal cha, caw wal wach', ax ya'n yuc' eb' yal uva jawnac sti', atn jun yal uva to caw wach' yaj sb'o'i.

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.

A Sb'ab'el Carta San Pedro 5:2

'Icha junc 'ilm calnelu, 'ixta tzeyutj e tan̈wni eb' creyente 'ay 'a yol e cuenta, yujto 'icha scalnelu Dios yaj eb' 'ayex. Man̈ yujoc cab' tzex 'ajx pural, man̈ yujoc e nib'n 'och tumin, tzex munlj 'a eyopiso cha. Palta yujn̈ej cab' to tz'el 'a e c'ojl e munlji, yujto 'ixta tznib'j Dios. Caw tzex munljn̈ej wal 'a tzaljc'ojlal.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Jeremías 31:9

Wan xoj sleslwi eb', wan xoj yoc' eb' ax sjaw eb'. An xo 'oj wi't eb' 'aj 'ay a a tz'el yoctac, 'a jun b'e caw wal pan̈an, man̈x 'a 'aj 'oj stench eb' yoc. Yujto an tic, Mamb'il waj 'a chon̈b' Israel, ax chon̈b' Efraín, 'icha to in b'ab'l 'unnal yaji.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Salmos 22:26

A eb' meb'a', 'oj wa eb' si'mb'il, caw wal 'oj b'ut'joc eb'. Ax eb' tznib'n a colwal, 'oj yal eb' wach' paxti 'ayach. Pitznn̈ej cab' eb' 'a jun 'ejmn̈ej.

Is 30:25

A yic 'oj c'och sc'ul yem junn̈joc storre eb' 'ajc'ojl yajch 'ayex, caw niwn chaml 'oj 'och 'a scal eb', til wal eb' a niwc a 'oj 'elt secnjoc 'a eb' lum jolmctac witz, yet' 'a eb' lum jolm tzalan.

Is 51:11

'Ixta pax 'oj 'aj smeltzj eb' colb'ilx 'el 'oj Mamin Jehová, caw 'ip sb'itn eb' yuj tzaljc'ojlal ax sjapx eb' 'a Sión. Caw wal tzetzetzn sat eb' yuj tzaljc'ojlal, yujto 'oj 'ilchjoc pax wach'l yuj eb', ax yailal yet' 'oq'uel, 'oj sat 'ejm 'a scal eb'.

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Mt 5:4

A eb' tzcus yuj smul, caw wach' yic eb', yujto 'oj 'ajxc sniwnc'ojlal eb' yuj Dios.

Jn 4:10

Xlajw cha, xyaln pax Jesús 'ixtc 'a 'ix: —Tzin c'an wuc' jac a 'ayach, palta man̈ ojcoc mach in. Man̈ ojcoc pax tas tznib'j Dios tzyac'a. Comnoc ojtac. Toto 'ixta', ach xo tic, xa c'an 'ayin, an xo xwac' jun a tz'a'n a q'uinal, xchi Jesús 'a 'ix.

Apoc 14:4

A eb' cha, may xon jun 'ejmoc sayjnac eb' yix. May xon 'aj 'ochnc smul eb'. Tza'nn̈ej 'och eb' yuj jun tzcuch Calnelu 'a 'ajtc tz'eq'ui. 'Ix colchj 'el eb' 'a scal eb' 'anma'. Yuj cha, lajn eb' 'icha junc sb'ab'l sat 'awb'en tz'ajx 'a Dios, yet' 'a jun tzcuch Calnelu cha.

Apoc 21:22

May junc yatut Dios 'a jun chon̈b' cha, yujto a Dios Cajlil, atn jun tztac' yuj smasnil, yet' jun tzcuch Calnelu, a eb' 'ayc'n̈ej 'a smasnil jun chon̈b' cha.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.