Apoc 6:13 - Chuj San Sebastian Bible

¹³ Ax jun tzo'n̈ c'anal, 'ix laj 'em eb' 'a yolyib'n̈q'uinal. 'Icha tz'aj yem te higo yuj junc 'ic' caw ow, 'ixta x'ejm eb'.

Chuj San Mateo Bible

¹³ Axo q'uen c'anal, ix laj emta ran̈aljoc q'ueen d'a yolyib'an̈q'uinal tic. Icha tz'aj yemta sat te' higo vanxo slajvieq'ui a tz'ib'xi te' yuj ic', icha chi' ix aj yemta q'ueen.

Apoc 6:13 Referans Kwoze

Is 34:4

Smasnil c'anal 'ay 'a satcha'an̈, 'oj tzicb'tan̈x 'a yet'ul, ax satcha'an̈, 'oj chulxocb'e'n 'icha junc ch'an̈ u'un̈. 'Oj cot smasnil c'anal, lajn 'oj 'aj eb' yem 'icha tz'aj stacj 'el xil te uva, tzpuc 'ejm 'a yich, mto 'icha tz'aj yem sat te 'awb'ente 'a yich.

Mt 24:29

A 'a yic 'oj lajwc 'ec' jun niwn yailal cha, 'oj 'och q'uic'q'uinl 'a c'u, 'oj tup yoc 'uj, ax yemt jun tzo'n̈ c'anal, yujto 'oj stzicb'tan̈c Dios tas 'ay 'a satcha'an̈.

Apoc 9:1

Xlajw cha, xyutz'n jun yol ángel strompeta. Ax xwilni, a jun c'anal 'a satcha'an̈, 'ix 'ejm 'a yolyib'n̈q'uinal. A 'a jun c'anal cha, ata 'ix 'ajx syaweal jun xab' olan.

Dn 8:10

Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'.

Ez 32:7

A yic 'oj ach in satnc 'el cha, 'oj 'och q'uic'q'uinl 'a satcha'an̈, ax stup yoc c'anal; 'oj 'och 'asn 'a sat c'u, ax stup pax yoc 'uj.

Lc 21:25

'Ay wal jun tzo'n̈ senya 'oj sch'ox sb'a 'a c'u, 'a 'uj, yet' pax 'a jun tzo'n̈ c'anal. Ax 'a sat lum tic, caw 'oj somchj chan̈ eb' 'anma yuj xiwlal 'a junjn chon̈ab'. Yujto til wal 'oj c'an̈ sq'ue wan a mar, ax yemx pawnjoc a'.

Is 7:2

A 'a jun tiempoal cha, yajnej xit' alxc 'ixtc 'a win rey Acaz yet' 'a eb' 'aych yopiso yet'oc: A eb' 'aj Siria yet' eb' Israel, junn̈j tzyutj sb'a eb' yic tzya'n eb' owl yet' Judá tic, xchi. Yuj cha, 'ix syamn 'och win rey yet' eb' yajl chi yib'x cha'an̈, 'ixta pax eb' 'anma chi smasnil, toxn̈ej tzchinchni eb' 'a yet'l chi 'icha tzyac' te te tz'ib'x yuj 'ic'.

Nahúm 3:12

A smasnil e cuartel, lajn xoj 'icha sat te higo caw 'ec'm xo, c'un xoj scot c'otljoc. Toto 'ay mach tzicb'tan̈n te snun cha, tojl xoj scot te sat cha.

Dn 4:14

Caw 'ip x'awj cha'an̈, xyaln 'ixtic: Ch'acc 'el jun te cha, tzu'c 'el sc'ab', tzeyi'n 'el xi'il, sactzicnac tzeyutj can 'at sat te'. 'At cab' e no calte'al noc' 'eloc, atn e no 'ayc' 'a yen̈l yich te', yet' e no ch'ic 'ayc' 'a sc'ab' te'.

Is 33:9

Caw wal xcus chan̈ lum lu'um, xjuw yilx lum Líbano, xq'uixw can 'el lu'um, yujto c'uxn xicx chan̈ ste'al. Ax lum pan̈n Sarón, 'ix 'ochcn lum cusltac lumal, 'ixta pax lum Basán yet' lum switzl Carmelo, caw wal x'elcn jitn eb' lu'um.

Is 13:10

Ax smasnil c'anal 'a satcha'an̈, man̈x 'oj yac' sacq'uinlal 'a yib'n̈ lum lum tic, cojn yic tzq'uel c'u, ax yochx can musan, 'ixta pax 'uj, man̈x 'oj yac' sacq'uinlal 'a 'ac'wal.

Jl 2:31

'Oj 'och q'uic'q'uinl 'a c'u, ax 'uj caw chac 'oj 'aj 'icha chic'. A jun tzo'n̈ tic, 'oj ujoc 'a yic mantzac jaw sc'ul in jaw an Jehová in tic. A jun c'u cha, caw niwn yel'chi, caw 'ay smay.

Mr 13:25

Ax jun tzo'n̈ c'anal, 'oj 'emtoc 'a satcha'an̈. Yet' jun tzo'n̈ 'ay spoder 'a satcha'an̈, 'oj tzicb'tan̈xoc eb'.

Job 15:33

Lajn 'oj 'aj 'icha te sat uva ton̈j tzpucl 'a te snun cha, matz 'e'maxi, mto 'icha tzyac' te snich te olivo ton̈j tzpucli.