Apoc 5:9 - Chuj San Sebastian Bible

⁹ Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Chuj San Mateo Bible

⁹ Ix sb'itan jun ac' b'it eb' icha tic: A ach tic, a moj tza chaec' jun ch'an̈ uum chi' yic tza d'in̈chitanel spixul. Yujto ach miljichamoc, yuj chi' ix a manel eb' anima yed' a chiq'uil yic tz'och eb' yicoc Dios. Tzijtum eb' d'a junjun in̈tilal, d'a junjun ti'al, d'a junjun chon̈ab' yed' d'a junjun nación ix a mancaneli.

Apoc 5:9 Referans Kwoze

1 Jn 1:7

A Dios sacq'uinl yaji. Toto tzqui b'eylb'ejc 'icha sacq'uinlal cha, caw junxn̈ej yaj qui nab'enec qui masnil. Ax schic'l Jesucristo Yunnal, a tz'i'n 'el smasnil qui mul 'aych 'ayn̈ec.

Mt 26:28

Yujto a jun tic in chiq'uil. Yuj in chic'l tic, 'oj 'el'choc jun strato Dios tzat yac' 'ayex. 'Oj 'elcn in chic'l tic, sec wach' til wal mach 'oj 'ajxoc can lajwc smul yu'uj.

Salmos 40:3

'Ix ya'n in b'itnoc jun 'ac' b'it, jun b'it yic alj wach' paxti 'a Dios. Til wal eb' 'oj sat sc'ojl yiln jun tic. 'Oj laj xiw chan̈ eb', ax laj ya'noc 'och eb' Jehová yipc sc'ojol.

Apoc 14:6

Xlajw cha, xwiln sjen̈n̈ 'ec' junx ángel 'a snan̈l satcha'an̈. A tas yet'i, atn jun wach' 'ab'x 'ay 'a jun 'ejmn̈ej. 'Ix yaln 'el 'a eb' 'anma 'a junjn nacion̈, 'a junjn chon̈b' 'a yolyib'n̈q'uinal. Toxn̈ej chucchc yin̈tl eb', toxn̈ej chucchc sti eb', c'uxn xlaj yab' eb'.

1 Co 6:20

yujto manb'iln̈ec xo 'eli. Yuj cha, yowlal caw wach' tzcutjec ca'n cuenta qui niwnalec tic, tzqui ch'oxnec 'el qui b'a, to caw niwn yel'ch Dios.

Apoc 5:12

Caw 'ip xyutj eb' yaln 'ixtic: A jun tzcuch Calnelu milb'il chamoc, caw smoj tzcalec to 'ay spoder, 'ay sricoal, 'ay sjelnal yet' yip. Caw niwn yel'chi, niwn swach'il. Caw smoj calnec wach' paxti 'a 'a, xchi eb'.

Apoc 4:11

Ach Cajlil, ach qui Diosal on̈, smoj tzalx o'oj, to niwn a wach'il, to caw niwn el'chi, niwn a poder. Yujto ach b'ojnac smasnil tas. 'Ayc'n̈ej smasnil, yujto 'ixta tza nib'ej, yuj cha, b'ob'il o'oj, xchi eb' 'a 'a.

A Tas Sc'ulejnac Eb' Schecab' Jesús Hechos 20:28

Yuj cha, caw tzeyac' cuenta e b'a. Tzeya'n pax cuenta eb' creyente smasnil, yujto 'ac'b'il eyopiso yuj Yespíritu Dios eyiln eb' yiglesia Cajlil, atn eb' manb'ilx yico'oc yuj schiq'uil yic scham cujec.

Mt 20:28

'Ixta pax in an 'Ochnc in 'Anmal tic, man̈ yujoc wajx servil in jawi, palta yuj wa'w servil. In jaw wul wac' milxoc cham in b'a, sec wach' til wal mach 'oj colchjoc wu'uj, xchi 'a eb'.

Apoc 5:6

Ax 'a snan̈l yojl jun despacho cha, 'a scal chan̈wn̈ querubín cha, yet' 'a scal eb' 'ichm winc cha, ata xwil jun tzcuch Calnelu. Lin̈n 'eq'ui, palta chequel to milb'il chamoc. Uque sch'a'ac, uque pax yol sat. A yol sat cha, atn ucwan̈ Yespíritu Dios checb'il 'at 'a smasnil yolyib'n̈q'uinal.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

A Schab'il Carta San Pedro 2:1

A eb' wit israelal 'a pecti', 'ay eb' cob' yaljnac 'och sb'a schecb'oc Dios, palta yes eb'. An̈jtona 'ay eb' 'oj pitzwc chan̈ 'a qui calec, ax ya'n eb' cuyxoc jun tzo'n̈ 'es. 'Oj yi'ch eb' jun tzo'n̈ chuc cuynb'ilal 'a qui calec, sec 'ayn̈ec 'oj qui juwc 'el yuj eb'. Caw may jac yel'ch Cajlilec 'a sat eb', wach'xam a xcham stojloc smul eb'. Yuj cha, mun tzyij cot eb' 'a yib'an̈. Yajn̈ej, ax satcn 'el eb' 'a jun 'ejmn̈ej.

A Scarta San Pablo D'a Eb' Aj Colosas 1:14

Atn Yunnal chi on̈ colnec 'eli, [yujto xcham cujec.] A 'ix 'a'n lajwc can qui mulec.

Ef 1:7

Yuj wal sniwn chamc'ojlal, on̈ scolnec 'el yet' schic'l Yunnal, yic 'ix cham cujec. Caw xlajw can qui mulc yu'uj.

1 Jn 2:2

'Icha tz'aj junc xajmb'al, 'ixta x'aj scham Cristo stojloc qui mulec. Man̈ yujocn̈ej qui mul an̈ec tic 'ix chami, palta yuj smul smasnil 'anma 'a yolyib'n̈q'uinl tic.

1 Co 7:23

An̈ec tic, manb'iln̈ec xo yuj Dios. Yuj cha, man̈xtzac stac' qui b'onec 'icha tznib'j eb' comn 'anma'. Toto tzqui b'oc 'icha tznib'j eb', 'icha to tzca'c 'och qui b'a ya'malc servil eb'.

Salmos 149:1

¡Alx cab' wach' paxti 'a Jehová! Qui b'itquec 'ac' b'it 'a Jehová; an̈ec yic xo caji, qui b'itquec sb'i 'a 'aj yamn cajec.

Salmos 33:3

B'itnejec yet' 'ac' b'it, wach' tzeyutj eya'n 'och sjajl b'it yet' e yamc'ab' yic b'it cha,

Apoc 13:8

Smasnil 'anma 'a yolyib'n̈q'uinal, 'ix yal sb'a eb' 'a jun noc' sb'i cha. Palta ax eb' tz'ib'b'ilx can sb'i 'a jun libro yic q'uinl 'a jun 'ejmn̈ej, ma'ix yal sb'a eb' 'a 'a. A eb' cha, yictax mantzac b'o yolyib'n̈q'uinal, tz'ib'b'ilx can sb'i eb' 'a ch'an̈ libro yic jun tzcuch Calnelu, atn jun milb'il chamoc.

Apoc 11:9

Nan̈l schan̈l c'u 'oj can t'ocn eb' ta'. Til wal 'anma 'oj 'ec' 'ilnoc sniwnal eb' chamnc cha. Til wal chon̈ab', til wal nacion̈ 'aj 'oj laj cot eb'. Chucchc sti junjn c'aj eb'. A eb' 'anma cha, ma'oj scha eb' mucxoc sniwnal eb' chamnc cha.

Salmos 144:9

Ach in Diosal, 'oj in b'itnoc jun 'ac' b'it 'ayach; 'oj in b'itn yet' in salterio.

Salmos 98:1

B'itn coyc 'a Jehová yet' junc 'ac' b'it, yujto caw satjub'tac yilx tas tzb'o'o. 'Ix yac' ganar owal, yujto caw 'ay spoder.

Salmos 96:1

Qui masnil an̈ cajn on̈ 'a sat lum lum tic, b'itn coyc 'a Jehová yet' junc 'ac' b'it.

Dn 3:4

Ax jun mach 'aych 'a yib'n̈ sjucb'tzan tas tzalx 'elt yuj jun cha, caw 'ip 'ix yutj yaln 'ixtic: E masnil ex 'anma xcot 'a junjn chon̈ab', yet' 'a junjn nacion̈ yet' pax 'a junjn ti'al, macljec eyab' tas 'oj wala'.

Is 42:10

Ex 'anma cajn 'a snajtil 'el sti lum lu'um, ex tzex 'ec' 'a yib'n̈ a mar, yet' no noc' cajn ta', yet' pax ex cajn ex 'a jun tzo'n̈ chon̈b' 'ay 'a sti a mar cha, b'itnejec junc 'ac' b'it yic tzeyaln e wach' paxti 'a Jehová.

A Ch'an̈ Carta D'a Eb' Hebreo 11:14

Yujto a eb' tzlaj aln 'ixta', caw tzch'oxl eb' si'mb'il, to wan sayn eb', tas 'oj yutc eb' sc'och 'a junx schon̈ab'.

A Scarta San Pablo D'a Eb' Aj Colosas 1:23

Palta yowlal tzeya'ch 'a e c'ojl 'a smasnil tiempo. Caw te'n tzeyutj e nab'en, 'icha junc te caw 'ay sch'an̈l yib'. A jun wach' 'ab'x yic colnb'il eyab'jnac xo, man̈ eyactc can eya'n 'och yipc e c'ojol. A jun wach' 'ab'x tic, wan yalx 'el 'a smasnil yolyib'n̈q'uinl tic. An xo Pablo in tic, wan waln 'el pax jun xo.

Dn 6:25

Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal.

Dn 4:1

'Ix yaln win rey Nabucodonosor jun tzo'n̈ spaxti tic 'ixtc 'a smasnil eb' chon̈b' 'ay 'a yol smacb'en: An reyn tic, tzwac' stzatzl e c'ojl e masnil ex chon̈ab', ex nacion̈, wach'xam chucchc e ti tzeyala, ex to cajn ex 'a sat smasnil lum lum tic.

Dn 5:19

Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.

Ef 5:19

A yic tzlaj eyamnc e b'a, tze b'itnej jun tzo'n̈ salmo, yet' himno, yet' jun tzo'n̈ xo b'it yic Dios. A yic tzex laj b'itni, tzeyal wach' paxti 'a Cajlil 'a smasnil e c'ojol.

Apoc 10:11

Xlajw cha, 'ix alx pax 'ixtc 'ayin: —Yowlal 'oj al jun 'ejm xo, tastc 'oj 'aj junjn c'aj 'anma', junjn nacion̈, junjn ti'al, yet' jun tzo'n̈ eb' rey, xchi 'ayin.

Apoc 13:7

An̈jtona', 'ix 'ajx pax spermiso ya'n owl yet' eb' yic xo Dios, masnto xyac' ganar scan eb' 'a yaln̈ yu'uj. 'Ix 'ajx yopiso ya'n yajlil 'a yib'n̈ smasnil 'anma 'a junjn chon̈ab', 'a junjn nacion̈. Toxn̈ej chucch 'in̈tal eb', toxn̈ej chucchc til tzyal eb', c'uxn 'ix 'ajx mandar eb' yu'uj.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 17:15

Xlajw cha, xyaln pax 'ayn 'ixtic: —A jun tzo'n̈ a mar 'ix ela, 'aj wocn q'ue 'ix 'ajmul 'ix, tzyal 'el'chi, atn jun tzo'n̈ chon̈ab', jun tzo'n̈ nacion̈, yet' eb' 'anma 'a junjn chucchc ti'al.