Apoc 3:18 - Chuj San Sebastian Bible

¹⁸ Yuj cha, tzwaln 'ayex, caw tze b'o e b'eyb'al. Toto 'ixta', 'icha to 'oj e man jun oro b'ob'il 'a scal c'ac' 'ayin, sec 'oj e cha wal jun e ricoal 'a yel. 'Icha to 'oj e man pax jun e pichl caw sac 'ayin, sec man̈xtzac ex q'uixwi yujto 'icha to jitn ex 'eli. An̈jtona', 'icha to 'oj e succh yan̈l yol e sat, sec 'oj stac' eyilni.

Chuj San Mateo Bible

¹⁸ Yuj chi' sval d'ayex, b'oec val e b'eyb'al. Tato icha chi', ichato ol e man jun oro b'ob'il d'a scal c'ac' d'ayin, yic ol e cha e b'eyumal d'a val yel. Ichato ol e man jun e pichul te sac d'ayin, yuj chi' man̈xo ol ex q'uixvoclaj, ina to b'eranexeli. An̈ejtona', ichato ol e man yan̈al yol e sat d'ayin, yic ol yal eyilani.

Apoc 3:18 Referans Kwoze

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

Is 55:1

Xyaln pax Dios 'ixtic: E masnil ax 'ay e tacn̈ti'al, cotn̈ec wul 'u'jec a', ax may e tumin cotn̈ec 'a tic, wul chajec tas tze c'ux 'a nab'an̈ej, wul chajec yal uva yet' lech tzeyuq'uej, may stojl tzc'anx 'ayex.

Apoc 19:8

yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'. A spichl caw sac cha, tzyal 'el'chi, atn swach'l eb' yic xo Dios.

Malaquías 3:3

An Jehová in, lajn 'oj wutc eb' yin̈tl Leví 'icha junc mach tz'em wocn yi'l slumal q'uen plata, mto q'uen oro 'a scal c'ac'. 'Oj in sacb'tzoc eb', atn eb' ya'mal 'och e ti 'ayin, 'ixta to b'i'an, ax sta'n ya'n eb' yofrenda 'a wojltac, 'a 'icha wal smoj yet' 'a stojlal.

Apoc 7:13

Xlajw cha, 'ay jun 'a eb' 'ichm winc chi 'ix aln 'ixtc 'ayin: ¿Mach eb' sac spichl tic tza na'a? ¿'Ajtil xcot eb' tza na'a? xchi 'ayin.

Mt 13:44

A eb' tz'och 'a yol sc'ab' Dios 'aj satcha'an̈, lajn 'icha junc tas caw wach', caw chan̈ stojol, mucb'il 'a yol lu'um. A yic tzchax yuj junc winac, yajn̈ej tzmucn can paxi, caw tzalj yet'oc. Yuj cha, tzchon̈n 'el smasnil tas 'ay 'a 'a, tzmann yico'oc jun lum cha.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Salmos 32:8

Mamin Jehová, ach 'ix al 'ayn 'ixtic: Q'ueln in 'ochn̈ej 'ayach, 'oj ach in cuyu', 'oj wac' a nab'enoc, ax in ch'oxn jun b'e 'aj 'oj a b'eyi.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Miqueas 1:11

Ax xo ex cajn 'a chon̈b' Safir, 'ixquec can 'icha presoal, jitnex cab' 'eli tzex 'ati, q'uixweltac cab' eyilxi. Man̈x cab' 'eltoc eb' cajn 'a chon̈b' Zaanán. 'Ay 'oc'l 'a chon̈b' Bet-esel, man̈x 'a mach 'oj 'och eyet'oc.

Salmos 73:24

In a cuy 'a wach' b'eyb'al, ax 'a slajub' caw wach' 'oj otc in a chani.

Apoc 3:17

Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.

2 Co 8:9

Yujto cojquec, a Cajlil Jesucristo, caw niwn swach'c'ojlal. Til wal sricoal 'a satcha'an̈, palta wul ya'jnac 'och sb'a meb'a'il, yuj schamc'ojlal 'ayn̈ec, 'ixta yutjnac sb'a, sec wach' yuj smeb'a'il cha, ax cochc ricoal 'a sat Dios.

Is 47:3

'Ilx cab' a niwnal jitn 'el cha, checlj cab' a niwnal to q'uixweltac yilxi. A jun chi 'oj wac' spacc 'ayach, may junc mach 'oj stac' ach scolni, xchi Dios.

Pr 23:23

'A'c 'ip e sayn 'ec' tas yel, jelnal, cuynb'il yet' wach' nab'enal. A jun tzo'n̈ cha, man̈ e patquilc can 'eli.

2 Co 5:3

'Oj 'ajxc 'och jun chi 'ayn̈ec 'icha junc pichul, sec man̈xtoc jitn on̈c 'eli.

Lc 12:21

'Icha jun winc cha, 'ixta 'oj 'aj eb' wan smolb'tzan sricoal 'a mun yol yico', toto may pax tas wan smolb'tzan eb' 'a yic Dios, xchi Jesús 'a eb'.

Nahúm 3:5

A Jehová tztac' yuj smasnil, a tzaln 'ixtic: Ex 'aj Nínive, caw 'ajc'ojl wajch 'ayex, 'oj in ch'oxl e q'uixwel 'a sat smasnil eb' chon̈ab', 'icha wal tz'aj yijx 'el spichl junc 'ix 'ajmul 'ix 'a sat eb' chon̈ab', yuj sch'oxx 'ilxoc sq'uixwelal,

Mt 25:9

Matz cac' on̈, lemb'il 'oj lajwc pax quic tic junx on̈. 'Ixquec, 'at manc jac eyic 'a 'aj tzchon̈xi, xchi eb'.

Jeremías 13:26

An̈jtona pax an tic, 'oj wi'l e pichul, caw 'oj wac' e q'uixwloc.

Ec 8:2

Yiclum cab' tzcutjec qui b'a 'a tas tzyal win rey, yujto 'ixta xcutjec ca'n qui ti 'a yojltac Dios.

Pr 19:20

A mach tzchaj yab' junc nab'en tz'ajx 'a 'a, tzchan pax yab' tennb'ilal, to 'ixta', 'oj jelnb'oc.

Pr 1:30

Matz e nib'j pax tze chaj eyab' tas tzwala; tze patquilj can 'el jun tennb'il tzwac' 'ayex.

Pr 1:25

Palta ax tz'aji to tze patquilj can 'el tas tzwala; matz e chaj eyab' 'ajtil tzex in tench wa'an.

Salmos 107:11

yujto x'och eb' 'ajc'ojlal 'a spaxti Dios, spatquiln can 'el eb' tas nab'il yuj Dios Niwn Yel'chi.

Salmos 16:7

Mamin Jehová, caw tzwal wach' paxti 'ayach, yujto ach tzac' in nab'en, tzin a cuyn pax 'a junjn 'ac'wal.

1 Ti 6:18

Yowlal wach' tzyutj eb' sb'eyb'al, til wal jun tzo'n̈ tas wach' tzb'o eb'. Yowlal tzcolwj eb' 'a eb' meb'a', tzsiyn eb' tastc 'ay 'a 'a.

Apoc 4:4

Ax 'a stz'ey jun despacho cha, ata oyn 'och 24 niwc xila. Ata wocn 'ejm 24 eb' 'ichmtac winac. Caw sac spichl eb'. Ax 'a sjolm junjn eb', ata 'ay q'ue junjn corona nab'a oro.