Apoc 3:17 - Chuj San Sebastian Bible

¹⁷ Yujto wan eyaln 'ixtic: An̈ec tic caw rico on̈c 'a sat Dios, caw wach'n̈ec. May jac qui paltailec, xcob' e chioc. Palta man̈ jac tznachj 'el eyu'uj, chajtlto may e ch'olnil, may jac eyel'chi. Yuj cha, 'icha junc mach caw may xon jac tas 'ay 'a 'a, matz uj yilni, jitn 'el paxi, 'ixta 'ex.

Chuj San Mateo Bible

¹⁷ Yujto tzeyala': A on̈ tic b'eyum on̈, vach' on̈, malaj jab'oc co paltail, nivanoc xe chi. Palta man̈ jab'oc snachajel eyuuj tato malaj jab'oc e vach'il, malaj jab'oc eyelc'ochi. Icha yaj junoc mach malaj tas ay d'ay, max uji yilani, b'eraneli, icha chi' eyaji.

Apoc 3:17 Referans Kwoze

Pr 13:7

'Ay eb' may xon jac tas 'ay 'a 'a, palta 'icha xo rico tzyutj sb'a eb'; 'ay pax eb' til wal tas 'ay 'a 'a, 'icha pax meb'a tzyutj sb'a eb'.

Os 12:8

Tzyaln eb' 'ixtic: On̈ 'ochc ricoal. Wach'xam rico on̈c xo, palta may mach tztac' ya'n yowlal 'ayn̈ec, yic tzyaln eb' to on̈ 'ochc ricoal yuj ca'm 'esal, xchi cob' eb'.

Apoc 2:9

[Wojtac, jantcn̈ej tas tze b'o'o.] Wojtac, caw tzeyab' syal wu'uj. Caw meb'a 'ex, palta wal yel rico ex 'a sat Dios. Wojc paxi, chajtl tzex 'aj e b'uchx yuj eb' tzyalch sb'a israelal. Palta a eb' cha, atn win Satanás wan ya'n servil eb'.

Ro 7:24

Caw 'oltac tzin 'aj yu'uj. A jun in niwnal tic, a tzin 'i'n 'at 'a chaml 'a jun 'ejmn̈ej. Palta ¿mach tztac' in scoln 'el 'a yol sc'ab' jun in niwnal tic?

Lc 1:53

Caw xyac' syaxilal 'a eb' 'ay swejel. Ax eb' rico, may tas 'ix yac' 'a eb', 'ix checn pax eb'.

Mt 9:12

Ax yic xyab'n Jesús jun cha, 'ix yaln 'a ewin 'ixtic: —Q'uinloc 'ay junc 'a'm remel ticnec. A eb' wach' sc'ojol, toc 'ay tz'och yuj eb'. Cojn eb' ya'ay, a eb' 'ay tz'och yu'uj.

Apoc 16:15

'Ix yaln Cajlilec 'ixtic: 'Ab'ec, 'icha sc'och junc 'elc'um, 'ixta 'oj in c'och tza'njoc. A wal ex lista eyaji, caw wach' eyico'. 'Icha to man̈ ex wayn̈coc, 'icha to 'aych e pichul. Ax xo ex man̈ listaoc eyaji, ax in c'ochi, 'icha to jitn ex 'eli, ax e b'eyc' 'a sat eb' 'anma smasnil. Caw 'oj eyac' e q'uixwloc, xchi.

Ro 12:3

A Dios, 'a'jnac wopiso tic yuj swach'c'ojlal. Yuj cha, tzwaln 'at jun tzo'n̈ tic 'ayx e masnil. Matz tac' qui nan junjn on̈ec, to caw jeln on̈. Yowlal 'emmquilal tzcutjec qui nan qui b'a, a tzyala tas 'opiso tzyac' Dios 'ayn̈ junjn on̈ec, yujto 'aych qui c'ojlec 'a 'a.

Gn 3:7

Xlajw slon eb' te', 'ix nachj 'el yuj eb' to jitn 'el eb', yuj cha, syamn 'och eb' stz'isn syam sb'a xil te higo, xya'n 'och eb' yen̈loc yojltac.

A Schab'il Carta San Pedro 1:9

Palta a eb' matz b'on jun tzo'n̈ tic, 'icha to macn sat eb', mto matz tac' yiln eb' junc tas 'a najat, yujto man̈xtzac sna cot eb', chajtlto 'ic'b'il can 'el smul eb' 'a yic yaln̈taxi.

Mt 5:3

A eb' tznachj 'el yu'uj, to man̈ wach'c eb' 'a sat Dios, caw wach' yic eb', yujto 'ayx 'och eb' 'a yol sc'ab' jun 'aj satcha'an̈.

Lc 6:24

Palta ax xo rico ex ticnec, caw 'oltac ex, yujto tox xeyil swach'l 'a tic.

Zacarías 11:5

A eb' tzmann e no cha, matz 'och 'il eb' jab'oc yic tzmiln eb' e no', ax eb' tzchon̈n e no cha, tzyaln eb' 'ixtic: Yuj wal dios 'a Jehová, a ticnec tox on̈ 'ochc ricoal, xchi eb'. 'Ixta pax eb' caw yilmal e no', toxn matz cus eb' jac yuj e no'.

Ex 32:35

Yuj cha, 'ix ya'n cot Jehová jun niwquil yab'il 'a yib'n̈ eb' israel, yujn̈ej wal to 'ix yac' 'ejm sb'a eb' 'a jun yechl quelm wacx sb'o Aarón.

Ro 11:25

Ex wu'tac, ex wanab', a jun tzo'n̈ tzwalb't 'ayx tic, may wal mach 'ojtnac 'a yic pecti'. Palta ticnec tzin nib'j tzeyojquej 'eli, sec ma'oj e b'an̈ e b'a yuj e jelnal. A eb' wit israelal cha, niwn eb' pitb'nac 'eli. 'Oj cann̈j eb' 'ixta', masnto 'oj tz'acwc 'och nan̈l eb' man̈ israeloc.

Ro 11:20

Yel toni, 'icha to tzuc'b'il 'el eb' israel cha, yujto ma'ix ya'ch eb' sc'ojl 'a Dios. Ax xo, yujn̈ej to tzeya'ch e c'ojl 'a 'a, ex 'ochcn sjelc eb'. Yuj cha, xe b'an̈t e b'a, tzeyil wal e b'a.

Jeremías 2:31

(Ex yin̈tl can Israel, macljec eyab' tas tzwal 'ayx an Jehová in tic.) ¿Tom 'icha wal junc lum cusltac lum waj 'ayex? ¿mto 'icha junc lum lum 'ay smay? Ex in chon̈ab', ¿tas wal yuj tzeyal 'ayn 'ixtic: Mun quic qui b'a on̈, man̈x 'a b'a'n̈ 'oj qui meltzj 'aych on̈? xe chi.

Is 42:19

Toc 'ay mach jun 'eln̈ej caw matz uj yiln 'icha jun in checb' sic'b'il 'el wu'uj, toc 'ay junc mach to chacn̈ 'icha jun in checb' checb'il 'at wuj an Jehová in.

Pr 30:9

Toto 'oj yac' sobra tas 'ayin, ax 'oj 'ajoc, 'oj a 'at am satc'ojlal wu'uj, ax walni to man̈ ach wojcoc. Toto may pax tas 'ay 'ayin, ax 'oj 'ajoc, 'elc'ln̈ej am 'oj weq'ui, ax yoch in mul 'aych ach in Diosal, xin chi 'a Dios.

Apoc 3:16

Palta lajn ex 'icha junc tas ton̈j naman, may yopiso. Yuj cha, 'icha to 'oj ex in xejc can 'eli.