Apoc 21:10 - Chuj San Sebastian Bible

¹⁰ Xlajw cha, 'ix ch'oxn Yespíritu Dios jun chi 'ayn 'a 'icha waychil. Ax jun ángel cha, in yi'n 'at 'a sjolm jun niwquil tzalan, caw chan̈ yajq'ue'i. Ata xch'ox wil jun niwquil chon̈b' Jerusalén, atn jun yic Dios, 'ix 'emt 'a satcha'an̈, jun 'ix 'elt 'a yojltac Dios.

Chuj San Mateo Bible

¹⁰ Ix lajvi chi' ix sch'oxan junxo tas Yespíritu Dios d'ayin, ichato ix in yic'b'at jun ángel chi' d'a jun jolom vitz te chaan̈. Ata' ix sch'ox jun nivan chon̈ab' Jerusalén d'ayin, aton jun yic Dios, van yemta d'a satchaan̈ d'a yichan̈ Dios.

Apoc 21:10 Referans Kwoze

Apoc 21:2

An Juan in tic, xwil jun schon̈b' Dios yicn̈ej yaji, atn jun 'ac' Jerusalén. 'Ix 'elt 'a yojltac Dios 'a satcha'an̈, 'ix 'emli. Caw wach'x yaj 'icha junc 'ix caw a'ijn yaj yet' spichul, tznupn yet' yichmil tzyi'aj.

Ez 11:24

Xlajw cha, in yi'n pax chan̈ Yespíritu Dios, in yi'n pax cot 'a scal eb' wit israelal 'icha preso yaj 'a Babilonia. A jun tic, 'icha wal waychil xwutj wiln yuj Yespíritu Dios, cojxn tic, man̈x 'a tas xwila.

Apoc 17:3

Xlajw cha, 'ix sch'oxn Yespíritu Dios junx 'ayn 'a 'icha waychil. Ax jun ángel cha, in yi'n 'at 'a jun cusltac lu'um. Ata xwil jun 'ix 'ay q'ue 'a yib'n̈ jun noc' sb'i, chacchac yilx jun noc' cha. Ax 'a sniwnal, til wal sb'i 'aych 'a 'a. Caw maysch'olnil junjn sb'i chi 'a sat Dios. Uque sjolom, lajn̈e sch'a'ac.

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.

A Tas Sc'ulejnac Eb' Schecab' Jesús Hechos 8:39

Yic xlajw sq'ue paxt eb' 'a yol a cha, 'ix 'ijx 'at Felipe chi yuj Yespíritu Cajlil. Ax win 'aj Etiopía cha, man̈xtoc xyil win 'aj 'ix c'ochi. Palta 'ix 'atx win 'a yol b'e cha. Tzaljc'ojlal x'atx can winac.

Ez 11:1

Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha.

Ez 8:3

A jun 'icha 'anma cha, 'ix ya' cot sc'ab' 'a in jolom, 'ix stzucn chan̈ xil in jolm cha. Ax Yespíritu Dios in t'un̈n cha'an̈, in yi'n 'at 'a Jerusalén yic tzch'oxn wil tas 'ay ta'. A 'a yojl 'och sti spuertail yatut Dios, jun 'ay 'a sti 'amc' 'a stojlal norte, ata 'ay yet'l jun comn dios tzuntzn cot yowl sc'ojl Jehová.

Apoc 4:2

Yajn̈j cha, xwach' 'och wal spoder Yespíritu Dios 'ayin. 'Ix wiln jun despacho 'a satcha'an̈. Ata 'ay jun mach wocn 'ejmi.

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

A Ch'an̈ B'ab'el Libro Yic Yab'ixal Eb' Rey 18:12

Ax 'oj 'ajoc, a yic 'oj in 'atcni, ax ach yi'n can 'at Yespíritu Jehová 'a 'aj man̈ wojcoc. A yic 'oj in c'och 'a win Acab, ax scot win ach wul yila', ax 'oj 'ajoc, ma'oj elchj yuj winac, ax in smiln can winac. An a checb' in tic, yictax quelm in to in 'och 'emmquilal 'a Jehová.

A Ch'an̈ Schab'il Libro Yic Yab'ixal Eb' Rey 2:16

'Ix yaln eb' 'ixtic: —'Ilto, 'ay 50 eb' winc caw wal 'ay yip 'a qui cal an̈ a checb' on̈ tic. 'At cab' eb' 'at say win qui cuymal cha, toq'ue 'aj 'ix julx can 'at yuj Yespíritu Jehová 'a junc jolm witz mto 'a junc pan̈n 'a'lic, xchi eb'. Palta 'ix yaln 'a eb' 'ixtic: —May mach tz'ati, xchi.

Gl 4:26

Palta ax junx Jerusalén 'ay 'a satcha'an̈, a 'ayn̈ec yico'. Yuj cha, mun quiquec qui b'a, matz on̈ 'ajxec mandar yuj jun ley cha.

Apoc 3:12

A eb' 'oj 'a'nc ganar ya'n techjoc, 'icha jun tzo'n̈ yoyl yatut in Diosal 'a yojol, 'ixta 'oj 'aj eb' wu'uj, yujto man̈x 'a b'a'n̈ 'oj 'eltc eb' ta'. 'Oj in tz'ib'c 'och sb'i in Diosal 'a eb', yet' sb'i schon̈ab', atn jun 'ac' Jerusalén 'oj 'emtc 'a satcha'an̈, 'a 'aj 'ayc' in Diosal cha. An̈jtona', 'oj in tz'ib'c pax 'och jun b'i 'a't 'a eb'.

Apoc 11:2

Ax yamq'uil sti', man̈ echtoc. Yujto a jun cha, 'ac'b'ilx 'a eb' man̈ israeloc. A eb' cha, 42 'ujl 'oj stec' 'ejm eb' jun chon̈b' yic Dios cha.