Apoc 20:2 - Chuj San Sebastian Bible

² 'Ix c'och 'a win dragón yic tzyamn coti. A win dragón cha, atn jun ya'jnac 'och sb'a chanl 'a pecti', atn win diablo, win Satanás. Ax jun ángel chi 'ix jaln winac. Jun mil ab'il 'oj jalx can win yu'uj.

Chuj San Mateo Bible

² Ix syaman jun dragón. A jun dragón chi', aton jun yac'nacoch sb'a chanil d'a peca', aton jun scuch diablo, ma Satanás. Mil ab'il ix tzec'chajcan yuj jun ángel chi'.

Apoc 20:2 Referans Kwoze

A Schab'il Carta San Pedro 2:4

Qui nac cot tas 'ajnc eb' ángel 'ochnc smul 'a Dios. Toxn ma'ix yac' niwnc'ojlal 'a eb'. Ton̈j xya'cn 'at eb' 'a infierno. Jalb'il can eb' ta yet' q'uen cadena. Preso yajcn eb' 'a q'uic'q'uinl ticnec, masnto 'oj b'eyc'ojlaxc eb'.

Apoc 12:9

'Ixta x'aj sjulx can 'elt jun niwquil dragón cha. Atn jun ya'jnac 'och sb'a chanl pecti'. Atn win diablo, win Satanás. Atn win tz'ixtn paxti smasnil 'anma 'a yolyib'n̈q'uinal. A win cha, xjulx can 'ejm 'a yolyib'n̈q'uinl yet' eb' yángel.

San Judas 1:6

An̈jtona', tze nan cot tas yaj jun tzo'n̈ eb' ángel, atn eb' yijnac 'el sb'a 'a yopiso, yactn can eb' yet'ul. Jalxnac can 'och q'uen cadena 'a eb' 'a jun 'ejmn̈ej. A ticnec, preso yaj eb' 'a q'uic'q'uinl yuj Dios. 'Ixta yajcn eb', masnto 'oj jawc jun c'u caw niwn yel'chi, atta 'oj b'eyc'ojlaxc eb'.

Jn 12:31

A ticnec, a eb' 'ay 'a yolyib'n̈q'uinl tic 'oj b'eyc'ojlaxc eb'. Ax win tz'a'n yajlil 'a yolyib'n̈q'uinl tic, 'oj can 'a yaln̈ wu'uj.

Is 27:1

A 'a yic jun c'ul cha, 'oj sc'anlb'oc Jehová yespada to caw 'ay smay, caw jay pax ye. 'Oj sc'anlb'oc yuj ya'n 'och yailal 'a yib'n̈ no Leviatán, atn no chan to caw jeln sb'eyi, no yajn̈ej tzsetn sb'a; 'oj smil Jehová no dragón chi cajn 'a yojl a mar.

Gn 3:15

A ticnec, tzwa'cn 'och chacjb'al 'a a cal yet' 'ix 'ix, yet' smasnil en̈til, yet' yin̈tl 'ix. A yin̈tl 'ix tic, a 'oj ma'nc poj a jolom, ach xo 'oj a chi yich sq'uenl yoc yin̈tl 'ix cha, xchi Dios.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.

A Ch'an̈ Carta D'a Eb' Hebreo 2:14

A eb' tz'och yunnalc Dios yet'oc, chamlb'a yaj sniwnal eb'. Yuj cha, ax Jesús, yowlal 'ix 'och pax sniwnal chamlb'ail, 'icha sniwnal eb' cha. Yuj cha, a yic xchami, 'ix ya'n lajwc yopiso jun win 'aych syajlilc chamel, atn win diablo.

Ro 16:20

A Dios 'a'm junc'ojlal, a 'oj 'a'nc e tec' 'ejm win Satanás muc'uc, caw 'oj can win 'a yaln̈ eyu'uj. Tzin nib'j tzyac' Cajlil Jesucristo swach'c'ojlal 'ayx ta'.

Jn 16:11

'Oj yac' pax yojcoc 'el eb', to 'oj b'eyc'ojlaxc eb' yuj Dios, yujto tox 'ix b'eyc'ojlax win syajlil yolyib'n̈q'uinl tic.

Apoc 13:2

A jun noc' sb'i xwil cha, lajn yilx 'icha no tigre. A yoc, lajn 'icha yoc no oso. Ax sti', lajn 'icha sti no león. Ax win dragón cha, 'ix yac' win spoder 'a 'a. 'Ix ya'n 'och win yajlil sjeloc. Til wal yopiso win xyac' 'a 'a.

Apoc 12:17

Yuj cha, xwach' cot wal yowl win dragón chi 'a 'ix, x'at ya'nc win owl yet' jun tzo'n̈ xo eb' yin̈tl 'ix. Atn eb' tzyiclni tas tzyal schecnb'il Dios, eb' te'n tzyutj ya'n 'och snab'en 'a spaxti Jesucristo.

Apoc 12:15

Ax jun chan cha, 'ay wal jun niwquil a xpitzw chan̈ yu'uj. A 'a yol sti tz'el-li. Yujto tznib'j a jun a chi tz'ec' 'i'nc 'at 'ix.

Apoc 12:13

Ax yic xyiln win dragón cha, chajtlto xjulx can 'ejm 'a sat lu'um, 'ix 'at ya'nc 'och yailal 'a yib'n̈ jun 'ix 'ajnc yune cha.

Mr 5:7

Yuj cha, xyaln Jesús 'ixtic: —Ach demonio 'eln̈ 'a winac, xchi. Xlajw cha, caw xq'ue yaw win yaln 'ixtic: —¿Tas aln ec 'ayn ach Jesús? Ach tic, Yunnal ach Dios niwn yel'chi. Tzin tew 'aych 'a sat Dios, man̈ in extoc, xchi winac.

Mt 8:29

'Ix q'ue yaw eb' yaln 'ixtc 'a Jesús: —Jesús, ach Yunnal Dios, ¿tas aln ec 'ayn̈ on̈? ¿Tom tzach jaw on̈ wul extc mu'c on̈, yic mantzac jaw stiempoal? xchi eb' 'a 'a.

Job 1:7

Ax Jehová, sc'anb'n 'a win 'ixtic: —¿'Ajtil ach coti? xchi 'a winac. Xyaln win 'ixtc 'a 'a: —In cot 'a yolyib'n̈q'uinal, yujto tz'ec' woymtej lum lu'um, xchi.

Apoc 13:4

Caw 'ix yal sb'a eb' 'a win dragón cha, yujto til wal spoder win xyac' 'a jun noc' sb'i cha. 'Ix yaln pax sb'a eb' 'a jun noc' sb'i cha, 'ix laj yalnc eb' 'ixtic: —Toc 'ay wal junc xo tza'wni 'a jun noc' sb'i tic. ¿Tom 'ay junc tztac' ya'n owl yet'oc? xchi eb'.

Apoc 9:11

Ax 'a jun xab' oln cha, ata xq'uet jun ángel syajlil e no'. A jun cha, Abadón sb'i 'a hebreo, ax 'a griego, Apolión sb'i. Tzyal 'el'chi, a tz'a'n 'ixtxoc.

Mt 19:29

Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.

Gn 3:1

Palta a no chan yel xo wal jeln no 'a yib'n̈ smasnil no calte'al noc' sb'o Jehová Dios. Xyaln no 'a 'ix 'ix 'ixtic: —¿Tom yel 'ix yal Dios, to matz e lo sat smasnil te 'awb'ente tic? xchi no'.

Is 24:22

'Oj molb'tzaxc eb', ax yajx can 'ejm eb' 'a yol junc xab' olan, 'icha to tz'atcn eb' preso. Niwn tiempo 'oj macxoc 'ejm eb' ta', 'oj lajwc cha, ax yajx 'och syailal eb' b'i'an.

Mr 4:15

A jun tzo'n̈ 'in̈t 'ix tz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, palta ax yic tzlajw yab'n eb', tzc'och win diablo, tzyi'n 'el win spaxti Dios 'a snab'en eb'.

Apoc 12:3

Yajn̈j wal cha, xcheclj junx senya 'a satcha'an̈. 'Ay jun niwquil dragón caw chac yilxi. Uque sjolom, lajn̈e sch'a'ac. Ax 'a junjn sjolm cha, 'ay q'ue scorona.

Apoc 12:4

Ax yet' sn̈e, 'ix sloc cot jun tzo'n̈ c'anal 'a satcha'an̈. Jab'xoj man̈ spacloc x'aj syamchj jun tzo'n̈ c'anal chi yu'uj, sjuln 'ejm 'a yolyib'n̈q'uinal. Xlajw cha, xc'och 'a yojltac jun 'ix 'ayx tz'i'n cha, yujto tznib'j schi jun 'unn wan yalj cha.

Apoc 20:7

Ax yic 'oj tz'acwc jun mil ab'il cha, ax sjacx pax q'uet win Satanás 'a 'aj 'aycn 'ejm 'a preso cha.

Apoc 20:10

Ax win diablo, win 'ix 'ixtn paxti eb' cha, 'oj julx can 'at 'a scal jun niwquil c'ac' tzn̈ilchji, caln yaj yet' azufre, 'icha pama', atn 'aj julb'il can 'at jun noc' sb'i, yet' jun cob' yaljnac 'och sb'a schecb'oc Dios. Sc'ual yac'wlil 'oj yab' eb' syal ta 'a smasnil tiempo.

Ez 47:5

'Ix yechtan win junx o'e ciente metro, ata b'i'an, man̈xtzac stac' quec' 'a yojl a'; caw wal xab' yich jun niwn a cha. Cojn toto tzon̈ noxwi, tztac' queq'ui, toto ma'ay matz tac'a.