Apoc 2:5 - Chuj San Sebastian Bible

⁵ Yuj cha, nac coti chajtl eyaj 'a yic mantzac juw 'el e nab'en. Nac e b'a, b'oc e b'eyb'al 'icha 'a yic yalan̈. Toto matz e na e b'a, 'oj in c'och 'ayx muc'uc, ax wi'n 'el e cantil 'a yet'ul.

Chuj San Mateo Bible

⁵ Yuj chi' naeccoti, chajtil eyaji ayic manto chab'ax e c'ool. Naec e b'a, b'oecxi e b'a icha d'a yalan̈taxo. Tato max e na e b'a, elan̈chamel ol in javoc d'ayex, ol vic'anel sb'achnub' e candil d'a yed'tal.

Apoc 2:5 Referans Kwoze

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Apoc 2:16

Yuj cha, nac e b'a. Toto ma'ay, 'oj in c'och 'ayx muc'uc. Ax wa'n owl eyet' ax 'ixta tzeyutj e b'a, atn yet' jun espada 'ay 'elt 'a yol in ti'.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Apoc 2:19

Wojtac, jantcn̈ej tas tze b'o'o. Wojtac, to 'ay e chamc'ojlal. Caw tzin eya'ch 'a e c'ojol. Tzin eyac' servil. Caw niwn tzeyutj e c'ojol. Wojtac, yel xo niwn e munljel ticnec, man̈ 'ichaoc ex 'a yic yalan̈.

Apoc 1:20

'Oj wal 'ayach, tas tzyal 'el'ch uque c'anal 'ix el 'a yol in wach' c'ab', yet' uque yet'l cantil nab'a oro 'ix ela. A uque c'anal, atn eb' in checb' yucwn̈il 'a uque iglesia. Ax uque yet'l cantil, tzyal 'el'chi, atn uque iglesia cha, xchi Jesús.

Ez 20:43

Axta 'oj e na coti, to caw maysch'olnil e b'eyb'al, 'oj eyojcoc 'eli to 'ix 'och e mul. 'Oj syaj sb'a e c'ojl yuj tas xe b'o cha.

Lc 1:17

A Juan cha, 'oj b'ab'l 'ec' yuj Cajlil. 'Icha snab'en win Elías, 'ixta 'oj 'aj snab'en jun xo. Lajn 'oj 'aj pax spoder yet' winac. Yuj cha, a 'oj tennc 'och wan eb' mamb'il yet' eb' 'unnab'il, sec tztup owl 'a scal eb'. Ax eb' tenmtac tzyutj sb'a 'a Dios, a 'oj 'a'nc sjel eb' snab'en, sec 'oj syiclc eb'. 'Ixta 'oj yutc ya'n b'o snab'en eb' 'anma', sec 'ay eb' lista xo yaji ax sjaw Cajlil, xchi jun ángel cha.

Malaquías 4:6

A Elías cha, a 'oj 'a'nc 'och eb' mamb'il yet' eb' 'unnab'il 'a junc'ojlal. Toto ma'oj sna sb'a eb', ax yic 'oj in jawi, ax in satn 'el eb' in chon̈b' 'a jun 'ejmn̈ej, xchi Dios.

Is 1:26

Ax wa'n pax 'och eb' juez tojl snab'en 'a e cal jun 'ejm xo, yet' eb' 'a'm nab'en yaj 'a e cal 'icha xon eyaj 'a yic pecti'. Ax yajx sb'ic jun chon̈b' tic, Tojol, Yiclum.

Lc 20:16

A win 'aj lum chi 'oj 'atoc, ax 'at ya'nc lajwc win ewinac, ax ya'n can pax win slum chi majnil 'a jun tzo'n̈ xo, xchi Jesús 'a eb'. Xlajw yab'n eb' jun tzo'n̈ cha, 'ix yaln eb' 'ixtic: —¡'Ay, comnoc man̈ 'ichcta tz'aji!, xchi eb'.

Mr 12:9

Yuj cha, ¿tas 'oj yutc win ewin munljum chi tze na'a? Tzwal 'ayex to a win 'aj lum cha, at win 'oj 'at 'a'nc lajwc ewinac, ax ya'n can pax win slum chi majnil 'a jun tzo'n̈oc xo.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.

Apoc 2:2

Wojtac, jantcn̈ej tas tze b'o'o. Wojtac, caw yelc'ojlal tzex munlji, caw niwn tzeyutj e c'ojol. Ax eb' maysch'olnil, caw matz e chaj 'och eb' 'a e cal. Wojc paxi, xlaj eya'lj prowal eb' tzcob' yalch sb'a in checb'oc. 'Ix 'ilchj 'el eb' eyu'uj, chajtlto yes eb'.

Gl 5:4

Ax xo tze na'a, to wach'x 'a sat Dios, yujto yiclum ex 'a jun ley cha, ax 'a Cristo, toxn man̈x 'a jac eyaln eyic 'a 'a. Man̈x 'a swach'c'ojlal Dios 'oj e cha'.

Malaquías 3:4

'Oj in tzalj yet' yofrenda eb' 'aj Judá, yet' pax yic eb' 'aj Jerusalén, 'icha 'ajnc in tzalj yet' 'a yictax pecti'.

Is 14:12

Ach sacb'su'un, ¡tas ach 'aj a cotcn 'a satcha'an̈! 'In ach 'ix ac' 'ejm jun tzo'n̈ nacion̈, palta ax ticnec ach julx can 'emt 'a sat lum tic.

San Judas 1:24

Yuj Cajlil Jesucristo tzcalnec wach' paxti 'a Dios qui Colmalec. Cojn Dios tztac' on̈ stan̈wniec yic wach' matz on̈ telwec, sec may jac qui paltailec, ax ya'n qui tzaljc'ojlalec 'a yojltac 'a 'aj 'ay swach'il. A Dios smoj yalx yu'uj to caw niwn swach'il, niwn yel'chi, caw 'ay spoder, cojn Yajl yaj 'a smasnil tas. Smoj yalx 'ixta 'a 'a, yujto 'ixta xon yaji yic mantzac b'o yolyib'n̈q'uinl tic, 'ixta yaj ticnec yet' pax 'a smasnil tiempo. B'o cab' 'ixta'.

A Ch'an̈ Carta D'a Eb' Hebreo 10:32

Palta nac cot tas 'ajnc ex 'a yic yalan̈, yic e b'ab'l chan sacq'uinl 'a e pixan. Caw te'n eyutjnac e b'a, yic eyab'n syail, eya'n eyip.

Os 9:10

Tzyaln Jehová 'ixtic: A wal yic xin chan in b'a yet' eb' 'aj Israel, caw wal in tzalji, 'icha eb' tz'ilchj te uva yuj 'a lum cusltac lu'um. A eb' e mam eyicham, 'icha wal junc sat te higo tzb'ab'l 'el-li, 'ixta eb' 'a in sat. Palta ax yic xc'och eb' 'a Baal-peor, 'ix ya'n 'ejm sb'a eb' 'a Baal, yuj cha, caw yajb'entac xyutj sb'a eb' 'icha jun comn dios schamc'ojlej eb' cha.

Apoc 16:9

Caw xlaj tz'a eb' 'anma smasnil yuj yoc c'u. Palta an̈ja man̈ jac 'ix sna sb'a eb' jab'oc. Toxn ma'ix yal eb' chajtlto niwn yel'ch Dios. Ton̈j xb'uchwj eb' 'a 'a, yujto 'ay spoder ya'n jun tzo'n̈ yailal cha.

Mt 5:14

'Icha sacq'uinal, 'ixta 'ex 'a yolyib'n̈q'uinl tic. Q'uinloc 'ay junc chon̈b' 'a junc tzalan, caw matz tac' sc'ub'x 'eli.

Mt 5:15

A yic tzca'nec 'och qui cantil, toc wal a 'a yaln̈ junc cajon tzca'c 'ochi. Palta a 'a yib'n̈ junc tas cha'an̈, ata tzca'c q'ue'i, sec wach' sacq'uinl tz'aj 'ejm yoc 'a eb' 'ayc' 'a yol n̈a cha.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

A Schab'il Carta San Pedro 3:17

Ax xo ex chamc'ojlb'il wu'uj, 'aycto xeyab'ni tastc 'oj jawoc, yuj cha, caw tzeyil wal e b'a 'a eb' maysch'olnil xwal tic, sec ma'oj e somchj 'el yuj jun tzo'n̈ chuc cuynb'ilal cha. Toto ma'ay, caw 'oj juwc e nab'en, ax sat 'ejm e te'nal.