Apoc 2:17 - Chuj San Sebastian Bible

¹⁷ Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Chuj San Mateo Bible

¹⁷ Masanil mach tz'ab'ani, yac'ocab' och schiquin d'a tas syal Espíritu d'a junjun iglesia. A eb' ol ac'an techajoc, ol vac' jun maná sva eb', aton jun c'ub'aneli. Ol vac'anpax junjunoc q'uen q'ueen sacsac d'a eb'. A d'a jun q'ueen chi' tz'ib'ab'iloch jun ac' b'i malaj mach ojtannac. A eb' ol chaan yico', an̈ej eb' ol ojtacaneloc, xchi Jesús d'ayin.

Apoc 2:17 Referans Kwoze

Is 62:2

'Oj yil smasnil nacion̈ jun e wach'l cha, 'oj yil smasnil eb' rey tas 'oj 'aj yijx chan̈ e b'i. Yujto a junx 'ac' b'i 'oj 'ajxoc 'och 'ayex. A Jehová, caw a 'oj 'a'nc jun b'i cha.

Is 65:15

A eb' sic'b'il 'el wu'uj, 'oj sc'anlb'oc eb' e b'i yic tzcatb'an eb' junc xo 'anma', an Jehová in, an 'oj ex wac' milxoc chamoc. Palta ax eb' in checab', 'oj in jel-l sb'i eb', 'oj wac' junx 'ac' b'i 'a eb'.

Apoc 2:11

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, caw man̈x 'oj yab' eb' syal junx schab'l chamel, xchi.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.

Apoc 14:3

'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Apoc 3:22

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia, xchi Jesús 'ayin.

Apoc 3:6

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia, xchi.

A Scarta San Pablo D'a Eb' Aj Colosas 3:3

yujto chamnc on̈c xo yet' Cristo 'a sat Dios. Ax qui q'uinlec, molb'il yet' 'a 'aj junn̈j yaj yet' Dios.

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

Mt 13:11

Yuj cha, xyaln 'a eb' 'ixtic: An̈j 'ayx tzch'ox Dios jun tzo'n̈ tas mant 'a mach 'ojtnac, sec tznachj 'el eyu'uj, chajtl tzex 'aj eyoch 'a yol sc'ab'. Palta ax 'a eb' 'anma', matz ch'ox 'a eb'.

Is 65:13

Palta tzwal 'ayex, to a eb' in checab' 'ay tas 'oj sc'ux eb', ax xo tic, 'oj e cham yuj wejel. 'Ay tas 'oj yuc' eb', ax xo, 'oj e cham yuj tacn̈ti'al. 'Oj tzaljoc eb', ax xo, to 'oj e q'uixw can 'eli.

Pr 3:32

Yujto matz tzchaj sc'ojl Jehová eb' maysch'olnil snab'en, palta ax eb' wach' sb'eyb'al, caw tzalj yet' eb'.

Salmos 36:8

Ach tzac' tas tzqui c'ux on̈, tza'n cuc' a a caw wach', caw wal tzon̈ b'ut'j si'mb'il on̈.

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

Jn 4:32

—'Ay wo'och, palta man̈ eyojcoc, xchi 'a eb'.

Is 56:4

Yujto a Jehová a tzaln 'ixtic: A eb' man̈ tz'acnoc sniwnal cha, toto tzyiclj eb' sc'ul 'iljelal, tzyiclni eb' tas tzin nib'ej, tzchan eb' yab' tas tzyal in trato,

Pr 14:10

Junjn on̈ec, mun cojtquec tas qui somc'ojlalec, mto qui tzaljc'ojlalec; a eb' chuc 'anma'il may yaln eb' yic 'a 'a.

Ex 16:33

'Ix yaln Moisés chi 'ixtc 'a Aarón: —'Ij cot junc chen, tza'n 'ejm junc 'echtab' maná 'a yojol, 'icha 'ix yutj Jehová yalni. Tz'at a molcn 'och 'a yojltac Jehová, sec 'oj yil eb' quin̈tlec chi b'aq'uin̈, xchi.

Is 56:5

toto 'ixta', 'oj wac' in wach'c'ojlal 'a eb'. 'Ay jun tas niwn yel'ch 'oj wac' 'a eb', 'ec'b'al yel'ch 'a yib'n̈ to 'ay yunnal eb', mto 'ay yisl eb'; a jun cha, may b'a'n̈ 'oj 'och wan sb'inax eb' 'a yol watut yu'uj, yet' 'a scal eb' in chon̈ab'. A jun sb'i eb' cha, may b'a'n̈ 'oj sat 'ejm yalxi, 'oj alxn̈ej 'a smasnil tiempo.

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Mr 7:16

A jun tzo'n̈ tzeyab' tic, nac wal yuj si'mb'il, xchi 'a eb'.