Apoc 19:12 - Chuj San Sebastian Bible

¹² Ax yol sat, lajn 'icha snich c'ac'. Til wal scorona 'ay q'ue 'a sjolom. 'Ay jun sb'i tz'ib'b'il 'ochi, cojxn 'ojtnac.

Chuj San Mateo Bible

¹² Axo yol sat, lajan icha yoc te' c'ac'. Tzijtum corona ayq'ue d'a sjolom. Ay jun b'i tz'ib'ab'iloch d'ay to an̈ej val ojtannac.

Apoc 19:12 Referans Kwoze

Apoc 19:16

A 'a spichl 'a sat xub', ata tz'ib'b'il 'och jun sb'i 'ixtic: A sRreyl eb' rey, sYajlil eb' yajal, xchi.

Lc 10:22

Xlajw cha, xyaln pax 'ixtc 'a eb' 'anma 'ayc' ta': A 'in Mam, ya'jnac 'och smasnil tas 'a yol in c'ab'. May junc mach 'ojtnacn an Yunnaln tic, cojxn in Mam 'ojtnac in. An̈jtona', may mach tzcomn 'ojcan 'el in Mam, cojxn in an Yunnaln tic wojtac, yet' pax eb' tzin nib'j tzwac' 'ojcanc 'eli, xchi 'a eb'.

Apoc 1:14

A xil sjolom, caw sac 'icha sac lana, 'icha sacb'at. Ax yol sat, lajn yilx 'icha snich c'ac'.

Mt 11:27

Xlajw cha, xyaln 'a eb' 'ixtic: —A 'in Mam, ya'jnac smasnil tas 'a yol in c'ab'. An Yunnaln tic, may junc mach 'ojtnacn si'mb'il, cojxn in Mam 'ojtnac in. An̈jtona', may mach tzcomn 'ojcan 'el in Mam. Cojxn in an Yunnaln tic, yet' pax eb' tzin nib'j tzwac' 'ojcanc 'eli.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Apoc 3:12

A eb' 'oj 'a'nc ganar ya'n techjoc, 'icha jun tzo'n̈ yoyl yatut in Diosal 'a yojol, 'ixta 'oj 'aj eb' wu'uj, yujto man̈x 'a b'a'n̈ 'oj 'eltc eb' ta'. 'Oj in tz'ib'c 'och sb'i in Diosal 'a eb', yet' sb'i schon̈ab', atn jun 'ac' Jerusalén 'oj 'emtc 'a satcha'an̈, 'a 'aj 'ayc' in Diosal cha. An̈jtona', 'oj in tz'ib'c pax 'och jun b'i 'a't 'a eb'.

A Ch'an̈ Carta D'a Eb' Hebreo 2:9

Palta tzquilc nab'n tas 'ajnc Jesús. Yuj qui Mam Dios, 'ay jun tiempoal, ma'ix tza'wni 'a eb' ángel yic wul ya'nc 'och sb'a 'anma'il. Yuj wal swach'c'ojlal Dios, x'el 'a sc'ojol, xcham Jesús cujec qui masnil. Al ticnec, caw niwn swach'il, niwn yel'chi, yujto xyab' syal schami.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Salmos 8:5

'Ayt wal jab'x matz on̈ tzawni 'a eb' ángel on̈, 'ixta 'on̈ otj on̈ a b'oni. 'Ix aln cani to tzon̈ b'inax on̈, 'ay cab' pax quel'ch on̈.

Apoc 12:3

Yajn̈j wal cha, xcheclj junx senya 'a satcha'an̈. 'Ay jun niwquil dragón caw chac yilxi. Uque sjolom, lajn̈e sch'a'ac. Ax 'a junjn sjolm cha, 'ay q'ue scorona.

Zacarías 9:16

A wal 'a yic jun c'ul cha, a Jehová Dios, a 'oj colnc 'el schon̈ab', 'icha tzyutj junc 'ilm calnelu scoln 'el scalnelu. Caw wal tzictzni 'oj 'aj yilx eb' yic Dios 'a yol schon̈ab', 'icha wal q'uen q'uen man̈x jantcoc swach'l yilx 'aych 'a junc corona.

Jueces 13:18

'Ix ta'w jun yángel Jehová chi 'ixtc 'a 'a: —¿Tas yuj tze nib'j eyojcoc 'el in b'i cha? An tic, satjub'tac yalx in b'i, xchi.

Ex 23:21

Man̈ eyi'l e b'a 'a stz'ey jun ángel cha, man̈ e pitc e b'a 'a 'a, caw tzeyiclj tas 'oj yala', yujto a tzmunlj in jeloc. A jun cha, ma'oj yac' lajwc e mul 'a eyib'an̈.

Gn 32:29

—A ticnec al a b'i 'ayin, xchi Jacob 'a winac, yuj cha, xyaln win 'a 'ixtic: —¿Tas yuj tza c'anb'j in b'i? xchi. Xlajw cha, xyaln can win wach' paxti 'a yib'n̈ Jacob cha.

Apoc 6:2

Ax xwilni, 'ay jun chej caw sac, 'ay jun 'ay q'ue 'a yib'an̈, yamb'il jun sjul-lab' yu'uj. 'Ix 'ajx pax jun scorona. Xlajw cha, x'ati, x'at ya'nc owal, yuj ya'n ganar si'mb'il.

Is 62:3

Ax tic lajn ex 'icha junc corona caw wach' yilxi, 'ixta eyaj 'a yol sc'ab' Jehová qui Diosal.

Apoc 13:1

Ax xwilni, xq'uet jun noc' sb'i 'a yojl a mar. Uque sjolom, lajn̈e sch'a'ac. Ax a junjn sch'ac cha, 'ay q'ue scorona. Ax 'a junjn sjolm cha, ata tz'ib'b'il 'och jun sb'i. Caw maysch'olnil jun sb'i chi 'a sat Dios.

Mt 21:5

Tzeyal 'ixtc 'a eb' 'aj chon̈b' Sión: 'Iltec wal sjaw e Reyl 'ayex. Caw 'emmquil sjawi. 'Ay q'ue 'a yib'n̈ jun no quelm b'uru, yune jun no 'axna, xe chi, xchi 'a Ch'an̈ U'un̈.

Cantares 3:11

Ex 'ix 'aj Jerusalén, 'eln̈ect eyil sjaw rey Salomón. 'Ay q'ue scorona 'a sjolom, atn jun 'ac'b'il q'ue 'a sjolm yuj snun, jun 'oj sc'ana', yic 'oj 'och 'a nupnel. A 'a jun c'u cha, til wal tzaljc'ojlal 'oj 'och ta', xchi eb' 'anma'.

Pr 30:4

¿Mach wal junc xit'q'ue 'a satcha'an̈, 'ix 'empaxta? ¿Mach junc tztac' syamn 'och wan 'ic' 'a yol sc'ab'? ¿Mach junc tztac' spichn 'och a mar 'a yol spotil? ¿Mach jun x'a'n can 'ejm smon̈jonal lum lum tic? Alc 'ayin toto eyojtac tas sb'i, tas pax sb'i yunnal.

Dn 10:6

A sniwnal, caw tzictzni yilx 'icha q'uen topacio, ax sat caw tz'etzw 'icha letz'lo'om. A yol sat, caw tzxexni 'icha junc cantil tzn̈ilchj sc'aq'uil. A sc'ab' yet' yoc, caw tzictzni 'icha q'uen bronce caw n̈el-li yaj sb'o'i, ax sjaj caw tzn̈il-li 'icha sjaj nan̈loc 'anma'.

Jn 17:11

Jab'xoj wal 'ayn 'ec' 'a yolyib'n̈q'uinl tic, ax in pax q'ue et'oc. Ax eb' tic, 'oj laj can eb' jacx 'a yolyib'n̈q'uinl tic. Mamin, caw tojln̈ej a nab'en. A eb' xac' 'ayn tic, tza tan̈wj eb' yet' a poder, sec junxn̈ej tz'aj snab'en eb' 'icha waj et'oc.

Jn 17:12

Yic 'ayn 'ec' yet' eb' 'a yolyib'n̈q'uinl tic, xin tan̈wj eb' yet' a poder. An 'ix wac' cuenta eb' xac' 'ayn tic, sec may tz'i'n eb'. Yuj cha, may junc eb' sati, palta cojn jun satnc xoni, sec tz'el'ch tas tz'ib'b'il can 'a Ch'an̈ U'un̈.

Ef 1:21

Yuj cha, yel xo wal niwn yel'ch Cristo 'a yib'n̈ smasnil eb' yajal, yet' jun tzo'n̈ xo eb' 'aych yajlil, yet' eb' 'ay spoder man̈ checloc, yet' eb' 'ay yopiso ya'n mandar. Wach'xam 'a jun tiempoal tic, wach'xam 'a jun tiempoal tot 'oj jawoc, yel xo wal niwn yel'ch 'a yib'n̈ smasnil eb' tzlaj b'inaxi.