Apoc 19:10 - Chuj San Sebastian Bible

¹⁰ Xlajwn̈ej cha, in 'em cumn 'a yojltac jun ángel cha, xwaln in b'a 'a 'a, palta xyaln 'ixtc 'ayin: —Man̈ a b'o 'ixtic. Yujto an tic schecb' in pax Dios et'oc, yet' pax eb' o'tac te'n tzyutj ya'n testigoal sb'a yuj Jesús. A 'a Dios tzal a b'a. A eb' tz'ajx paxtinc yuj Dios, atn eb' tzaln 'el yab'xil Jesús, xchi.

Chuj San Mateo Bible

¹⁰ Ix lajvin̈ej chi', ix in em cuman d'a yichan̈ jun ángel chi', yic svalan in b'a d'ay. Palta ix yalan d'ayin: Man̈ utoc a b'a icha tic, yujto a in tic ed'oc, quetchecab'vumal co b'a yed' pax eb' yicxo Dios tec'an syutej sb'a yac'an testigoal sb'a yuj Jesús. An̈ej val d'a Dios tzaq'uem a b'a. Yujto a yab'ixal Jesús, a tz'iptzitan eb' schecab' Dios, xchi.

Apoc 19:10 Referans Kwoze

Jn 5:39

Yelc'ojlal tze cuy ton Ch'an̈ Un̈ tz'ib'b'il cani, yujto tze na'a, to ata 'oj 'ilchjoc e q'uinl 'a jun 'ejmn̈ej. Palta wach'xam tzyal Ch'an̈ Un̈ chi wab'xil,

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.

Apoc 4:10

ax eb' 24 'ichmtac winc cha, tz'em cumn eb' 'a yojltac. Tzya'n 'ejm sb'a eb' 'a jun 'ayc' 'a jun 'ejmn̈ej. Tzpachn 'ejm eb' scorona 'a yojltac sdespacho. Tzyaln eb' 'ixtic:

Apoc 12:17

Yuj cha, xwach' cot wal yowl win dragón chi 'a 'ix, x'at ya'nc win owl yet' jun tzo'n̈ xo eb' yin̈tl 'ix. Atn eb' tzyiclni tas tzyal schecnb'il Dios, eb' te'n tzyutj ya'n 'och snab'en 'a spaxti Jesucristo.

Apoc 12:11

A eb' cha, xyac' ganar eb' ya'n techjoc, yujto chamnc jun tzcuch Calnelu yuj eb', 'elnc can schiq'uil. 'Ix yac' ganar eb', yujto te'n xyutj eb' ya'n testigoal sb'a yu'uj. Ma'ix xiw eb' schami, caw xyaln̈j sc'ojl eb' ya'n cham sb'a yu'uj.

1 Jn 5:10

An̈ec tzca'c 'och qui c'ojl 'a Yunnal Dios, cojquec si'mb'il, to yel tzyal Dios yu'uj. Palta ax eb' matz ya'ch xon sc'ojl 'a Yunnal cha, wan yaln eb', to a Dios tzyac' 'es. Yujto matz ya'ch eb' sc'ojl 'a tas tzyal yuj Yunnal.

A Ch'an̈ Carta D'a Eb' Hebreo 12:25

Yuj cha, yowlal caw tzca'c cuenta qui b'a, sec matz qui patquiljec can 'el jun tzpaxtin 'ayn̈ec. A eb' patquiljnac can 'el Dios pecti', yic yaln 'a eb' 'a yolyib'n̈q'uinl tic, man̈ scoljnacc 'el sb'a eb'. Ocxom an̈ec tic, toxn ma'oj stac' qui colnec 'el qui b'a, toto tzqui patquiljec can 'el jun tzaln cot 'ayn̈ec 'a satcha'an̈.

Mt 4:10

Xlajw cha, xyaln pax Jesús 'ixtc 'a winac: —Ach Satanás, 'ij 'el a b'a 'a in tz'ey, yujto tzyal 'ixtc 'a Ch'an̈ U'un̈: Cojn 'a Cajlil qui Diosalec tzeyal e b'a, cojn 'a tzeyac' servil, xchi 'a Ch'an̈, xchi Jesús 'a winac.

Ex 34:14

Man̈ ex leslwoc 'a jun tzo'n̈ comn dios, yujto an Jehová in, caw wal own yuj jun tzo'n̈ cha.

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

Apoc 1:9

An Juan in tic, wu'tac in b'a eyet'oc. Quitb'eymec qui b'a cab'n syail. An̈jtona', quitb'eymec qui b'a 'a yol sc'ab' Dios. Junxn̈ej tzcutjec qui chan qui te'nal tzyac' Jesucristo 'ayn̈ec. A 'a jun 'el, preso waj 'a jun lugar Patmos sb'i 'ay 'a snan̈l a mar, yuj waln 'el yab'xil Dios, yuj wa'n testigoal in b'a yuj Jesucristo.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Mr 5:22

'Ix jaw jun winc Jairo sb'i, yajl yaj 'a jun capiya. Yic 'ix yiln win Jesús, 'ix 'em cumn win 'a yojltac,

A Ch'an̈ Schab'il Libro Yic Yab'ixal Eb' Rey 17:36

Palta a 'ayn Jehová e Diosal in, a 'ayn tzeyal e b'a, yujto an ex wij 'elt 'a Egipto yet' in niwquil poder. Cojxn̈ej 'ayn tzex 'och 'emmquilal, tzeya'n e xajmb'al.

A Tas Sc'ulejnac Eb' Schecab' Jesús Hechos 13:27

Palta a eb' 'aj Jerusalén, yet' eb' syajlil eb', ma'ix nachj 'el yuj eb', chajtlto a Jesús atn Cristo. Junjn sc'ul 'iljelal, 'ix yab'n eb' yawtx tas tz'ib'b'il can yuj eb' schecb' Dios, palta ma'ix nachj 'el yuj eb'. Yuj cha, a yic xya'n 'och eb' chaml 'a yib'n̈ Jesús, 'ix ya'n eb' 'el'choc jun tzo'n̈ tas tz'ib'b'il can cha.

Dn 7:10

'Ay jun c'ac' tz'elt 'a yojltac 'icha sb'ey a a'. Caw smil-l xo sb'isl eb' tz'a'n servil, smiyon̈al xo sb'isl eb' lin̈n 'och 'a yojltac. Xlajw cha, x'el yich yoch b'eyc'ojlal, 'ix jacw jun tzo'n̈ ch'an̈ libro.

Salmos 45:11

Yujto a win rey tznib'n 'och swach'l elxi. A win ajlil tz'aji, yuj cha, yiclum tzotj a b'a 'a winac.

1 Jn 5:21

Ex chamc'ojlb'il wu'uj, caw man̈ eya'ch e nab'en 'a jun tzo'n̈ tzalx 'och diosal. [Ya' cab'i'.]

1 Ts 5:15

A eb' maysch'olnil tzyutj sb'a 'ayex, caw man̈ e pac e b'a 'a eb'. Smasnil tiempo, caw wach' tzlaj eyutc e b'a 'ayx junjn ex, yet' 'a eb' 'anma smasnil.

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

2 Co 8:7

Til wal wach'l tze b'o'o, caw tzeya'ch 'a e c'ojol, caw cuywjum ex, jeln ex xo, yelc'ojlal tzeyutj e b'on junc tas, tzon̈ e chamc'ojlan pax on̈. Yuj cha, comnoc tze ch'ox pax e wach'l eya'n eyofrenda.

Mr 7:25

Ata 'ayc' jun 'ix 'unin, 'aych jun demonio 'a 'a. Ax yic xyab'n snun 'ix to xc'och Jesús ta', yuj cha, x'at 'ix 'a Jesús, 'ix 'em cumn 'ix 'a yojltac sc'ochi.

Ef 5:33

An̈jtona', tzyaln pax eyuj junjn ex ax 'ichmilab'il ex, chajtlto tze chamc'ojlej eyistzil, 'icha tzeyutj eya'iln e b'a junjn ex. Tzyaln pax eyuj ax 'istlab'il ex, to yowlal niwn cab' yel'ch eyichmil 'ayx junjn ex.

Dn 2:46

Xlajw cha, 'ix 'ejm cumnjoc win rey Nabucodonosor yi'n 'ejm sb'a 'a yojltac Daniel, 'ix ya'n win 'ajxoc xajmb'al yet' incienso 'a 'a.

Apoc 1:1

A jun libro tic, a tzaln cot yuj jun tzo'n̈ tas 'ac'b'il 'a Jesucristo, yic tzya'n cojcoc 'el an̈ ya'maln̈ec servil. A jun tzo'n̈ tzyal tic, yowlal tox 'oj ujoc. An ton tic Juan in, ya'mal in servil Jesucristo. Schec cot jun yángel, yic xya'n wojcoc 'el jun tzo'n̈ tic.

Apoc 19:9

'Ay jun ángel 'ix aln 'ixtc 'ayin: —Tza tz'ib'j jun tzo'n̈ 'oj wal tic: A eb' 'awtb'il 'a jun q'uin̈ nupnel yic jun tzcuch Calnelu, caw wach' yic eb', xchi. 'Ix yaln pax 'ayn 'ixtic: —A jun tzo'n̈ paxti tic caw yel, yic Dios, xchi 'ayin.