Apoc 19:1 - Chuj San Sebastian Bible

¹ Xlajw cha, xwab'ni, til wal xq'ue yaw eb' 'ayx 'ec' 'a satcha'an̈. Caw 'ip yaln eb' 'ixtic: ¡Calc wach' paxti 'a qui Diosalec! yujto a x'a'n qui colnb'ilec. Caw niwn yel'chi, caw niwn spoder.

Chuj San Mateo Bible

¹ Ix lajvi chi', ix vab'ani ichato ix och sjaj jun nivan n̈ilan̈ anima d'a satchaan̈. Te chaan̈ ix yal eb': Aleluya. A co Diosal ix ac'an ganar. Te nivan yelc'ochi, te ay spoder.

Apoc 19:1 Referans Kwoze

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.

Apoc 12:10

Xlajw cha, xwab'n yoch jun paxti 'a satcha'an̈, caw 'ip yaln 'ixtic: —A ticnec, 'ix checlj 'el jun colnb'il tzyac' qui Diosal. A ticnec, 'ix sch'oxo, to caw 'ay spoder, Yajl yaji. Ax Cristo 'ix sch'oxni, to a Yajl yaj 'a smasnil. Yujto a win Satanás, atn win 'a'm queja 'a spatc eb' quit creyenteal, 'ix julx can 'el winac. A win cha, sc'ual yac'wlil ya'n queja win eb' 'a qui Diosal.

Salmos 148:1

¡Alx cab' wach' paxti 'a Jehová! ¡Alx cab' wach' paxti 'a Jehová 'a schan̈il satcha'an̈!

Jonás 2:9

Palta an xo tic, tzwal yuj diosal 'ayach. 'Oj wac' in xajmb'al, ax in yiclni 'aj 'ix wac' in ti 'ayach. Cojn ach tztac' a colwj Mamin Jehová, xchi Jonás.

Salmos 150:1

¡Alx cab' wach' paxti 'a Jehová! B'itn coyc 'a Dios yic 'ayn̈ec 'ec' 'a scajnub'. B'itn coyc 'a 'a, yujto niwn yel'ch 'a satcha'an̈.

Salmos 146:1

¡Alx cab' wach' paxti 'a Jehová! Caw wal 'oj wal in wach' paxti 'a 'a.

Salmos 115:18

Palta an̈ pitzn on̈c tic, 'oj calc wach' paxti 'a Jehová ticnec yet' 'a smasnil tiempo. ¡Alx cab' wach' paxti 'a Jehová!

Salmos 106:1

¡Alx cab' wach' paxti 'a Jehová! Calc yuj diosal 'a 'a, yujto wach' snab'en, may b'a'n̈ tzlajw schamc'ojlal.

Salmos 3:8

Caw wal colwjum ach, 'ac' a yaxilal 'a quib'n̈ an̈ a chon̈b' on̈ tic on̈.

Salmos 149:1

¡Alx cab' wach' paxti 'a Jehová! Qui b'itquec 'ac' b'it 'a Jehová; an̈ec yic xo caji, qui b'itquec sb'i 'a 'aj yamn cajec.

Salmos 111:1

¡Alx cab' wach' paxti 'a Jehová! Wal 'a smasnil in c'ojol, ax waln wach' paxti 'a 'a. 'Oj wal-l 'a scal syamnil eb' 'anma wach' snab'en.

Salmos 62:11

Til wal 'ejm 'ix wab' yaln Dios jun tzo'n̈ tic, chajtlto caw 'ay sjelnal, 'ay pax schamc'ojlal. A tz'a'n spac yic junjn 'anma', a tzyala tas tz'el sb'oni.

Salmos 104:35

Sat cab' 'el eb' maysch'olnil snab'en 'a sat lum lum tic, yactc cab' eb' maysch'olnil tic scajn lu'um. 'A smasnil in c'ojol, caw 'oj wal wach' paxti 'aych Mamin Jehová. ¡Alx cab' wach' paxti 'a Jehová!

Jeremías 51:48

An Jehová in, an tzwala: A satcha'an̈ yet' yolyib'n̈q'uinl tic yet' smasnil tas 'ay 'a 'a, caw 'oj tzaljoc cha'an̈, yic 'oj 'ejmc Babilonia cha, yic 'oj cot eb' soldado 'a stojlal norte 'oj wul satnc 'eli.