Apoc 18:22 - Chuj San Sebastian Bible

²² Man̈x 'a b'a'n̈ 'oj 'ab'xoc sjaj arpa, flauta, mto trompeta. Man̈x 'a junc mach 'oj munljoc 'a yopiso. Man̈x 'a b'a'n̈ 'oj 'ab'xc sc'an̈ junc samq'uen mulino.

Chuj San Mateo Bible

²² Man̈xa b'aq'uin̈ ol ab'chaj eb' ac'um son, man̈xo ol ab'chaj yoch junoc arpa, ma yoc' junoc te' amay, ma q'uen trompeta. Man̈xalaj junoc mach ol munlaj ta'. Man̈xa b'aj ol ab'chaj sc'an̈ junoc q'uen molino.

Apoc 18:22 Referans Kwoze

Ez 26:13

'Ixta 'oj wutc in satn 'el jun tzo'n̈ sb'it eb' 'anma', man̈x 'a 'aj 'oj 'ab'xoc yoch b'it yet' arpa.

Jeremías 25:10

A wal 'oj wutoc, man̈x 'a 'aj 'oj 'ab'xoc yoch b'it yic q'uin̈ yuj tzaljc'ojlal, yet' b'it yic nupnel. Man̈x 'a 'aj 'oj 'ab'xoc sc'an̈ q'uen cha', man̈x 'a 'aj pax 'oj 'ilxoc yoc cantil.

Jeremías 16:9

Yujto an Jehová in, tztac' wuj smasnil, e Diosal in, an tzwala: An 'oj wac' lajwc jun tzo'n̈ b'it yic tzaljc'ojlal tz'och 'a yic q'uin̈al, yet' jun tzo'n̈ b'it yic nupnel. A jun tic, 'oj ujc 'a yol e tiempoal tic, caw ax 'oj eyila'.

Jeremías 7:34

'Oj wac' sat chan̈ eb' 'anma 'a yoltc chon̈b' Judá. Ax 'a yoltc scayeal Jerusalén, man̈x 'a b'it yic q'uin̈ 'oj 'ochoc, man̈x 'a tzaljc'ojlal. Man̈x 'a pax b'it yic nupnel 'oj 'ochoc, 'icha wal lum cusltac lu'um, 'ixta 'oj 'ajcn jun chon̈b' tic, xchi Dios.

Ec 12:4

A yic 'oj jawc jun tiempoal cha', man̈x 'oj eyab' tas tzalx 'a caye; man̈x 'oj eyab' pax sc'an̈ q'uen cha'; pitzn ex xo yic 'oj 'oc' no ch'ic 'a yic sutmj 'ac'wal, man̈x 'oj eyab' yoch b'it 'a e tz'ey.

Jeremías 33:11

Palta ax 'oj 'ajoc, a 'a tic 'oj 'ab'xoc pax yoch b'it yic q'uin̈ yet' yic tzaljc'ojlal jun 'ejm xo, yet' b'it yic eb' quelem yet' eb' 'ix cob'es yic tznupn eb'. 'Oj 'ijxoc cot ofrenda yic alj yuj diosal 'a watut, ax laj yalnc eb' 'ixtic: Alc yuj diosal 'a Jehová tztac' yuj smasnil, yujto caw wach' snab'en, 'ay schamc'ojlal 'a smasnil tiempo, 'oj schic eb'. An Jehová in, an tzwala: Caw 'oj wi'xq'ue'ch jun chon̈b' tic 'icha xon yaj 'a yic yaln̈taxi.

Is 23:12

Xyaln Dios 'ixtc 'a eb' 'aj Sidón: 'Actjec eya'n 'och jun tzo'n̈ e q'uin̈, yujto tox ex juw 'el 'icha junc cob's 'ix, wach'xam tzex c'axw 'ec' 'a Chipre, palta an̈jtona ma'oj eyilj xon jac ta', xchi.

Mt 9:23

Ax yic xc'och Jesús 'a yatut win yajl cha, 'ix yilni 'ay eb' wan yutz'n yamay. Ax eb' 'anma', til wal yoc' eb'.

Job 3:7

Comnoc may tas 'ix uj 'a jun 'ac'wl cha, sec may jun tzo'n̈ 'aw yic tzaljc'ojlal xlaj 'ochi.