Apoc 18:2 - Chuj San Sebastian Bible

² Caw 'ip yaln 'ixtic: —¡Caw 'ix lan̈chj 'ejm chon̈b' Babilonia! Wach'xam niwn yel'chi, palta caw xlan̈chji. 'Ix 'och scajnub'oc junjn c'aj demonio. 'Ix 'och pax soc jun tzo'n̈ no ch'ic caw yajb'entac.

Chuj San Mateo Bible

² Te chaan̈ ix yala': Ix satel chon̈ab' Babilonia. Malaj junocxo icha chi', palta ix lajvieli. Ix ochcan schon̈ab'oc eb' enemigo. Toxo ix ochcan scajnub'oc eb' espíritu chuc. Ix ochcan so'oc noc' much yajb'entac.

Apoc 18:2 Referans Kwoze

Apoc 14:8

'Ay pax junx ángel tza'n yu'uj, 'ix yaln 'ixtic: —Caw 'ix lan̈chj chon̈b' Babilonia. Niwn ton yel'chi, palta caw xlan̈chji. A jun chi x'a'n juwc 'el smasnil nacion̈ yuj yajmulal. 'Icha to xcaw 'och 'u'm 'an̈il junjn nacion̈ yu'uj, xchi.

Jeremías 51:37

'Oj q'uecn b'uln chon̈b' Babilonia slan̈chj 'ejmi, cojxn no 'ocs 'oj 'aj cajn ta', man̈x 'a mach 'oj cajnoc. Ax smasnil eb' 'anma', caw 'oj xiw eb' yiln 'ochi, ax sb'uchwj can pax eb' 'a 'a.

Jeremías 51:8

Palta wal 'a yajn̈ej xlan̈chj 'ejm Babilonia tic. 'O'n̈ec yu'uj, 'ijec cot remel yic tzeyan̈tni, ax quilni, toto 'oj b'oxc sc'ojl eyu'uj, xchi Dios.

Apoc 18:21

Xlajw cha, 'ay jun ángel caw niwn spoder. 'Ix yi'n chan̈ jun niwquil q'ue'en, 'icha junc sam q'uen yic mulino. 'Ix sjuln 'ejm 'a yojl a mar, 'ix yaln 'ixtic: 'Ixc wal 'oj 'aj sjulx pax 'ejm jun niwquil chon̈b' Babilonia. Man̈x 'a b'a'n̈ 'oj 'ilxc jun 'ejm xo.

Apoc 18:10

'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.

Apoc 17:18

A jun 'ix chi xel cha, atn jun niwquil chon̈b' tz'a'n yajlil 'a yib'n̈ eb' yajl 'a yolyib'n̈q'uinal.

Apoc 17:5

Ax 'a snan̈l sat, 'aych jun sb'i may mach 'ojtnac. Xchi jun sb'i chi 'ixtic: A niwquil Babilonia, snun eb' 'ix 'ajmul 'ix smasnil. Snun pax smasnil maysch'olnil 'a yolyib'n̈q'uinal, xchi.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

Is 14:23

Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.

Apoc 16:13

Ax xwilni, 'ayc' win dragón, yet' jun noc' sb'i, yet' jun xcob' yalch sb'a schecb'oc Dios. A 'a sti junjn eb', ata x'elt junjn demonio. 'Icha yilx no pajtza', 'ixta junjn eb' demonio chi yoxwn̈il.

Apoc 14:15

Ax 'a yol yatut Dios x'elt junx ángel. Caw 'ip yaln 'at 'ixtc 'a jun wocn q'ue 'a yib'n̈ jun 'asn cha: —Polch a jos cha, tox xjaw stiempoal. Yujto 'icha 'ixm trigo caw taquin̈, 'ixta eb' 'anma 'a yolyib'n̈q'uinal, xchi.

Apoc 10:3

Xlajw cha, 'ix 'awji. Caw 'ip x'awj 'icha yel yaw no león. Ax yic xlajw yawji, 'ay pax uque tzc'an̈ c'u 'ix paxtini.

Apoc 5:2

'Ix wiln pax jun ángel caw 'ay spoder. Caw 'ip 'ix sc'anb'j 'ixtic: —¿Mach wal junc smoj sn̈i'chtan jun tzo'n̈ seyo cha, ax sjacn ch'an̈ un̈ cha? xchi.

Sofonías 2:14

'Oj lan̈chjoc can 'ejm yatut eb'. Axn̈ej no cajb'en noc' yet' no calte'al noc' 'oj laj 'ec' 'a 'a. A no cujub' yet' no tonton, a no 'oj laj way 'a sjolmctac yoyl yatut eb', ax 'a swentnual, ata 'oj laj 'oc' 'elt no'. 'Oj 'em lan̈njoc yol sti spuertail. A te c'ute 'ay q'ue ya'ntelc yojol, 'oj can jacn yet'l te'.

Jeremías 25:30

Ach Jeremías, al smasnil jun tzo'n̈ paxti tic 'ixtc 'a eb': A Jehová 'icha wal sc'an̈ c'u, 'ixta 'oj 'awjoc 'emt 'a scajnub' 'ay 'a satcha'an̈, atn jun yet'l to cojn 'ay yico'. 'Icha wal yel yaw eb' te'm 'el yalil sat uva, 'ixta wal 'oj 'el yaw 'a smasnil eb' cajn 'a sat lum lum tic.

Apoc 1:15

A yoc, caw tzictzni, 'icha q'uen bronce tzb'o 'a jorna, caw tzictzni tz'aji. Caw tzn̈il-li sjaj spaxtini, 'icha sc'an̈ sb'ey eb' a niwc a'.

Jl 3:16

'Icha wal sc'an̈ c'u, 'ixta wal 'oj 'ab'xoc in jaj an Jehová in 'a lum tzaln Sión 'a Jerusalén. Ax satcha'an̈ yet' lum lum tic, caw 'oj 'ib'xoc eb'. Palta an 'oj in colcn eb' in chon̈ab', atn eb' israel.

Apoc 11:8

Ax sniwnal eb' schawn̈il, ton̈j 'oj can t'ocn 'a yol scayeal jun niwquil chon̈ab', atn 'ajtil 'ac'b'il q'ue Cajlilc 'a spenc te culus. A jun chon̈b' cha, tzcuch Sodoma, tzcuchn pax Egipto, a sch'oxni tas yaji.