Apoc 18:18 - Chuj San Sebastian Bible

¹⁸ A yic xyiln eb' sq'ue stab'l jun chon̈b' chi stz'a'i, 'ix 'awj chan̈ eb' 'ixtic: —Toc 'ay 'aj 'ay junc chon̈b' tza'wni 'a jun niwquil chon̈b' tic, xchi eb'.

Chuj San Mateo Bible

¹⁸ Ayic ol yilan eb' sq'ue stab'il jun chon̈ab' chi' stz'ai, ol avaj chaan̈ eb': Malaj b'aj ay junoc chon̈ab' stzac'van icha jun nivan chon̈ab' tic, xcham eb'.

Apoc 18:18 Referans Kwoze

Apoc 13:4

Caw 'ix yal sb'a eb' 'a win dragón cha, yujto til wal spoder win xyac' 'a jun noc' sb'i cha. 'Ix yaln pax sb'a eb' 'a jun noc' sb'i cha, 'ix laj yalnc eb' 'ixtic: —Toc 'ay wal junc xo tza'wni 'a jun noc' sb'i tic. ¿Tom 'ay junc tztac' ya'n owl yet'oc? xchi eb'.

Jeremías 51:37

'Oj q'uecn b'uln chon̈b' Babilonia slan̈chj 'ejmi, cojxn no 'ocs 'oj 'aj cajn ta', man̈x 'a mach 'oj cajnoc. Ax smasnil eb' 'anma', caw 'oj xiw eb' yiln 'ochi, ax sb'uchwj can pax eb' 'a 'a.

Apoc 14:11

A wal jun 'aj 'oj yab' eb' syal cha, 'oj q'ue stab'l 'a smasnil tiempo. Wach'xam c'ual, wach'xam 'ac'wal, man̈x b'a'n̈ 'oj 'iljoc jac eb'. A eb' 'oj 'aj ta', atn eb' tzlaj yal sb'a 'a jun noc' sb'i, yet' 'a yechel, atn eb' xlaj schaj 'och senyail sb'i jun noc' chi 'a 'a, xchi jun ángel cha.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

Apoc 18:16

'Oj laj yal eb' 'ixtic: ¡'Ay, 'ay, 'oltac wal jun niwquil chon̈b' tic! Lajn 'icha junc 'ix caw a'ijn cob' spichl 'aychi. 'Ay q'uic'mucnac, 'ay chac. Til wal q'uen oro 'aych 'a 'a, 'aych pax jun tzo'n̈ xo q'uen chan̈ stojol, yet' jun tzo'n̈ perla sb'i.