Apoc 18:13 - Chuj San Sebastian Bible

¹³ 'Ay pax canela, yet' jun tzo'n̈ xo te su'q'ui sjab' tzc'uxxi, yet' jun tzo'n̈ incienso, mirra, perjuma, yal uva, aceite, 'ixm harina caw wach', yet' trigo. 'Ay no calnelu, 'ay pax no 'ictzum noc', 'ay no chej. 'Ay caruaje, 'ay pax eb' moso man̈ yico'oc sb'a.

Chuj San Mateo Bible

¹³ Ay pax canela yed' juntzan̈xo sumumi svaji, ma yuc'ji yed' pax juntzan̈ suc'uq'ui sjab' sn̈usji, mirra yed' yal suc'uq'ui sjab'. Ay pax vino, yaceiteal te' olivo yed' juntzan̈ harina te vach' yed' ixim trigo. Ay noc' cuchum icatz, ay pax noc' calnel yed' noc' chej. Ay carreta. Ay pax eb' checab' yaji. Vach'chom anima eb', palta schon̈jiel eb'.

Apoc 18:13 Referans Kwoze

Ez 27:13

An̈jtona eb' 'aj Grecia, eb' 'aj Tubal yet' eb' 'aj Mesec, tzwulc' eb' manwjoc 'ayach. Ax eb' meb'a 'anma', a jun tzo'n̈ yamc'ab' nab'a bronce, a chi tzya'cn eb' stojloc tas tzman cha.

Am 2:6

A Jehová tzaln 'ixtic: A wal eb' israel tic, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. A eb' meb'a wach' snab'en 'a scal eb', 'in tzchon̈x 'el eb' yuj eb', yujn̈ej to matz techj stojn eb' sb'oc 'a eb', wach'xam yujn̈ej jun mojn̈oc xan̈ab'.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.

Nehemías 5:8

Xlajw cha, xwaln 'a eb' 'ixtic: An̈ tic on̈, caw 'ix cac' 'ip qui coln 'el eb' quit chon̈b'ec chon̈b'il can 'at 'a jun tzo'n̈ xo nacion̈, ¿tom 'oj e chon̈x 'at eb' quit chon̈b'ec, an̈ xo 'oj qui manl eb' jun 'ejm xo on̈? xin chi 'a eb'. Caw sictac xoj xcan eb', man̈xtoc xnachj 'el yuj eb' tas xyutj eb' sta'wi.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Dt 24:7

Toto 'ay junc mach tzyel'j junc yit chon̈ab', yic tz'och smeb'a'oc, mto yic tzchon̈n 'eli, yowlal tzcham jun 'ixta tzb'o cha, sec 'ixta tz'aj satl jun maysch'olnil chi 'a e cal.

Ex 21:16

A mach tz'elc'n junc 'anma', toxn̈ej tox schon̈li, mto 'ayt 'ec' yet'oc, yowlal tzcham jun 'elc'm cha.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

Am 8:6

'Oj qui chon̈c 'ixm qui trigo to man̈x 'a swach'il. 'Oj quixtquec eb' meb'a tic, masnto 'oj schon̈ch sb'a eb' 'ayn̈ec, ax yochcn eb' qui mosooc. 'Ixta 'oj yutc eb' stupn 'el sb'oc 'ayn̈ec, wach'xam cojn yuj jun mojc xan̈b' eb', xe chi.

Am 6:6

A 'a yol niwc vaso tzeyu'j yal uva jawnc sti', a wal perjuma caw chan̈ stojol a tze c'ana, palta matz ex 'och 'il jab'oc, toto wan yixtx 'el yol qui nacion̈ec tic.

Pr 7:17

Tox xwa'ch perjuma 'a 'a, caw su'q'ui yec' sjab'. A te mirra, te áloe yet' te canela a xwa'ch 'a 'a.

2 Cr 9:9

Xlajw cha, xya'n can 'ix jun tzo'n̈ tic 'a rey Salomón: jun ciente quintal q'uen oro, caw niwn perjuma, yet' eb' q'uen q'uen yel xo wach' yilxi. Mant 'a jun 'ejmoc 'ix jaw perjuma 'a chon̈b' Israel, 'icha xyac' 'ix sreinail Sabá 'a rey Salomón.

A Ch'an̈ B'ab'el Libro Yic Yab'ixal Eb' Rey 10:25

Tzyij cot eb' siylab' 'a win 'a junjn ab'il: 'icha q'uen oro, q'uen plata, jun tzo'n̈ pichul, yamc'ab' yic owal, jun tzo'n̈ su'q'ui sjab', e no cawyu chej, yet' pax e no mula.

A Ch'an̈ B'ab'el Libro Yic Yab'ixal Eb' Rey 10:15

Ax stojlb'al eb' chon̈wjum, yet' stojlb'al smasnil eb' rey 'a yol yic Arabia, yet' yic eb' yajl 'a yol yic Israel, man̈ 'ayc 'och jun tzo'n̈ chi stz'acb'oc.

A Ch'an̈ B'ab'el Libro Yic Yab'ixal Eb' Rey 10:10

Xlajw cha, xya'n 'ix 90 quintal q'uen oro 'a win rey cha, caw niwn perjuma xyac' 'ix 'a winac, yet' pax jun tzo'n̈ q'uen q'uen caw wach' yilxi. Man̈x 'a xon jun 'ejmoc xc'och perjuma 'a Israel 'icha wal sb'isl chi siyj 'ix sreinail chon̈b' Sabá chi 'a win rey Salomón.

Dt 28:68

Wach'xam a Jehová 'ix yal 'ayex, to man̈x 'a b'a'n̈ tzex meltzj jun 'ejm xo 'a sb'el Egipto, palta 'oj ex ya'x meltzjoc 'a yol barco. Ata 'oj cob' e chon̈ch e b'a mosoal 'a eb' 'ajc'ojl yajch 'ayx cha, palta may xon junc eb' 'oj e manni, xchi Moisés.

Cantares 1:3

Caw wach' yec' a jab' yuj perjuma 'aych 'ayach, ax a b'inaxi, lajn wal 'icha sjab' perjuma cha. Yuj cha, caw wal nib'b'ilch yuj eb' 'ix 'ix.

1 Cr 5:21

Xlajw cha, 'ix yi'n 'at eb' jantcn̈ej no scajb'en noc' eb' 'ajc'ojl yajch 'a eb' cha, 'ay 50 mil no cameyo, 250 mil no calnelu, chab' mil no b'uru, yet' pax jun ciente mil eb' 'anma 'ix yij 'at eb' 'icha presoal.

Cantares 3:6

¿Tas jun wan scot 'a cusltac lum cha, a tzquila to scal tab' 'aychi yic tzcot cha? A jun cha, stab'l te mirra yet' stab'l incienso, stab'l pax jun tzo'n̈ xo tas su'q'ui sjab'.

Apoc 18:14

'Oj yal eb' chon̈wjum chi yuj jun chon̈b' chi 'ixtic: —A wal jun tzo'n̈ tas nib'jub'tac yochi, 'ix satli. Jantcn̈ej ricoal, yet' jun tzo'n̈ xo tas wach', c'uxn 'ix sat 'ejm 'a jun 'ejmn̈ej, 'oj schic eb'.

Apoc 18:15

A eb' tzchon̈n jun tzo'n̈ cha, atn eb' x'och ricoal 'a spatc jun chon̈b' cha, 'oj can eb' 'a najat, yujto 'oj xiw eb' yuj jun syailal cha. Caw 'oj 'oc' eb'. 'Oj cul-loc eb' yoc' yu'uj.