Apoc 18:10 - Chuj San Sebastian Bible

¹⁰ 'Oj can eb' 'a najat, yujto 'oj xiw eb' yuj jun syailal cha. Ax yaln eb' 'ixtic: ¡'Ay, 'ay, 'oltac wal niwquil chon̈b' Babilonia tic! Caw niwn yel'chi, palta junn̈j wal rato xlajw 'eli, 'oj schic eb'.

Chuj San Mateo Bible

¹⁰ Najatto ol cotcan lin̈jab' eb' yuj xivelal yuj jun yaelal chi'. Ol yalan eb' icha tic: Ay..., ob'iltac jun nivan chon̈ab' Babilonia tic. Te ay yip, te nivan yelc'ochi, palta d'a val jun rato ix ja syaelal, xchamxon̈ej eb'.

Apoc 18:10 Referans Kwoze

Apoc 18:19

'Ix laj sjop q'ue eb' pococ 'a sjolm yuj scusc'ojlal. Caw x'oc' eb'. 'Ix cul-li eb' yoq'ui, 'ix 'awj chan̈ eb' 'ixtic: ¡'Ay, 'ay, 'oltac wal jun niwquil chon̈b' tic! A eb' 'ay sbarco 'a a mar, c'uxn 'ix 'och eb' ricoal yuj sricoal jun chon̈b' tic. Palta junn̈j wal rato, xlajw can 'ejm jun chon̈b' tic, xchi eb'.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.

Apoc 14:8

'Ay pax junx ángel tza'n yu'uj, 'ix yaln 'ixtic: —Caw 'ix lan̈chj chon̈b' Babilonia. Niwn ton yel'chi, palta caw xlan̈chji. A jun chi x'a'n juwc 'el smasnil nacion̈ yuj yajmulal. 'Icha to xcaw 'och 'u'm 'an̈il junjn nacion̈ yu'uj, xchi.

Am 5:16

A Jehová Dios tztac' yuj smasnil, a tzaln 'ixtic: A 'a smasnil yoltc chon̈ab', caw 'oj 'och cuslal, ax yoch 'aw 'a yol caye yuj yailal. 'Oj 'awtxoc cot eb' munljum, sec tzjaw eb' 'oc'oc yet' eb' yopiso xon yaj 'a jun 'o'l cha.

Jl 1:15

¡'Oltacn̈ec, caw la'nxoj sjaw jun c'u yic yowl sc'ojl Jehová! Atn jun c'u caw 'ay smay yic 'oj satl smasnil nacion̈ yuj Dios tztac' yuj smasnil.

Apoc 17:12

Ax lajn̈e sch'ac jun noc' sb'i cha, tzyal 'el'chi, lajn̈wan̈ niwc yajl mantzac yac' yajlil. Palta 'oj 'ajxc yopiso eb' yet' jun noc' sb'i cha, jab' wal tiempo 'oj yac' eb' yajlil yet'oc.

Jeremías 30:7

'Ay wal jun c'ual, man̈x jantcoc yailal 'oj ujoc, man̈x 'a junc c'u lajn yet' jun 'oj jawc cha. Atn wal 'a yic jun tiempoal cha, 'oj jawc yailal 'a yib'n̈ eb' yin̈tl Jacob, palta 'oj in colcn 'el eb'.

Is 21:9

Ax ticnec, tzwil scot jun winc yet' jun caruaje toc'b'il yuj chawn̈ no chej, xchi. Xlajw cha, xyaln jun winc ajun 'a jun caruaje chi 'ixtic: 'Ix 'ejm Babilonia, 'ix lajw 'ejmi. Smasnil jun tzo'n̈ yechl comn dios 'a jun chon̈b' cha, choc' x'ajcn spoj 'a sat lu'um, xchi.

Nm 16:34

A yic xyab'n eb' chon̈b' chi yel yaw eb' 'anma cha, 'ix 'at eb' 'eloc, xyaln eb' 'ixtic: Comnoc matz on̈ sb'u'c 'ejm lum jun xo, xchi eb'.

Is 47:9

Wach'xam til wal eb' 'ajchum, mto jeln snan 'el paxti 'ayc' o'oj, lemb'il ata 'oj jawc tza'njoc jun tzo'n̈ chi 'a eb'an̈, ax a can 'a to man̈x 'a echmil, 'a man̈x 'a pax one'.

Ez 32:9

A yic 'oj c'och ab'xil 'a jun tzo'n̈ xo nacion̈ man̈ ojcoc, 'oj wac' cus chan̈ eb' yuj tas tzach 'aj 'a satli.

Apoc 11:8

Ax sniwnal eb' schawn̈il, ton̈j 'oj can t'ocn 'a yol scayeal jun niwquil chon̈ab', atn 'ajtil 'ac'b'il q'ue Cajlilc 'a spenc te culus. A jun chon̈b' cha, tzcuch Sodoma, tzcuchn pax Egipto, a sch'oxni tas yaji.

Apoc 16:19

A jun niwquil chon̈ab', 'oxe x'eli. Ax smasnil chon̈b' 'a yolyib'n̈q'uinal, c'uxn xlaj lan̈chj 'ejmi. Ax Dios, 'ix snan cot stul jun niwquil chon̈b' tzcuch Babilonia. 'Ix ya'n 'at junx niwn yailal 'a yib'n̈ eb' yuj yowl sc'ojol. 'Icha to xyac' yuc' junjn eb' jun yal uva jawnc sti'.

Apoc 18:18

A yic xyiln eb' sq'ue stab'l jun chon̈b' chi stz'a'i, 'ix 'awj chan̈ eb' 'ixtic: —Toc 'ay 'aj 'ay junc chon̈b' tza'wni 'a jun niwquil chon̈b' tic, xchi eb'.

Apoc 18:21

Xlajw cha, 'ay jun ángel caw niwn spoder. 'Ix yi'n chan̈ jun niwquil q'ue'en, 'icha junc sam q'uen yic mulino. 'Ix sjuln 'ejm 'a yojl a mar, 'ix yaln 'ixtic: 'Ixc wal 'oj 'aj sjulx pax 'ejm jun niwquil chon̈b' Babilonia. Man̈x 'a b'a'n̈ 'oj 'ilxc jun 'ejm xo.