Apoc 16:4 - Chuj San Sebastian Bible

⁴ Xlajw cha, ax jun yoxl ángel, 'ix secn 'ejm sb'al svaso 'a yib'n̈ smasnil a niwc a', yet' 'a spac'b'a'. Yuj cha, c'uxn x'och pax smasnil a a chi chic'al.

Chuj San Mateo Bible

⁴ Ix lajvi chi', axo jun yoxil ángel ix secanem tas ayem d'a yol yuc'ab' d'a yib'an̈ a' nivac a' yed' b'aj ay sjaj a a'. Yuj chi', ix och a' masanil chic'al.

Apoc 16:4 Referans Kwoze

Apoc 16:5

Ax xwab'ni, a jun ángel 'aych syajlilc a a cha, xyaln 'ixtic: —Mamin, ach Dios, cojxn ach wach' ach. 'Aych 'ec' ticnec, 'aych 'ec'n̈ej yictax pecti'. Caw tojl xotj a b'eyc'ojlan eb' yet' jun xa b'o tic.

Apoc 14:7

Caw 'ip yaln 'a eb' 'ixtic: —Xiwn̈ec 'a Dios. Alc wach' paxti 'a 'a, yujto tox xjaw stiempoal ex sb'eyc'ojlani. Alc e b'a 'a 'a, yujto a b'ojnac satcha'an̈, sat lu'um, a mar, yet' jun tzo'n̈ spac'b'a', xchi.

Os 13:15

Wach'xam 'oj e niwtj chan̈ 'a scal eb' eyit israelal, palta 'oj cot wowl 'ayex. Lajn 'oj 'aj scot 'icha tacn̈ 'ic' tzcot 'a cusltac lum 'aj tzq'uel c'u, yuj cha, 'oj tup chan̈ eb' a spac'b'a' yet' eb' a c'ob'a'. Ax eb' 'ajc'ojl yajch 'ayex, a eb' 'oj 'i'nc 'at smasnil e ricoal.

Is 50:2

¿Tas yuj a yic in jawi, may mach x'ilchj wu'uj? ¿Tas yuj a yic in 'awji, may mach xta'w 'ayin? ¿Tom matz tztechj ex in coln 'el tze na'a? ¿Tom matz tac' ex wa'n 'el 'a libre tze na'a? Cojn junc paxti'al tzwala tztup chan̈ a mar, cusltac tz'ajcn sb'e a niwn a 'aj tzb'eyi, tzlaj cham no chay yuj tacn̈ti'al, tzc'a pax no', yujto man̈x 'a a a cha.

Ex 8:5

'Ix yaln pax Jehová 'ixtc 'a Moisés: —Al 'a Aarón to tzya't sc'occh 'a yib'n̈ smasnil a niwn a', a cotc b'eymal a', yet' 'a yib'n̈ smasnil a niwc pam a', sec ata 'oj q'uelc no pajtza', ax sb'ut'j 'el yol yic Egipto tic yuj no', xchi.

Ez 35:8

A eb' lum jolmctac witz, eb' lum tzalctac, eb' lum pan̈ctac, yet' eb' lum ch'olctac 'aj tzb'ey eb' a a', 'oj b'ut'joc eb' lum yuj sniwnal eb' 'anma 'oj cham yuj owal.

Salmos 78:44

Atn yic x'och a a chic'al, ax eb' 'aj Egipto cha, man̈x 'ic stac' yu'n eb' a'.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.