Apoc 16:21 - Chuj San Sebastian Bible

²¹ Xlajw cha, 'ix 'ejm wal jun tzo'n̈ sacb'at caw niwac. 'Aym junjnoc quintal yal-l jun jun. Ax eb' 'anma', caw xlaj b'uchwj eb' 'a Dios yuj jun tzo'n̈ sacb'at cha, yujto caw niwn xyab' eb' syal yu'uj.

Chuj San Mateo Bible

²¹ Ix emta juntzan̈ sacb'at te nivac. Ay am junjunoc quintal yalil junjun. Ix laj b'ajvajq'ue eb' anima d'a Dios yuj juntzan̈ sacb'at chi', yujto te nivan jun yaelal chi'.

Apoc 16:21 Referans Kwoze

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Apoc 16:9

Caw xlaj tz'a eb' 'anma smasnil yuj yoc c'u. Palta an̈ja man̈ jac 'ix sna sb'a eb' jab'oc. Toxn ma'ix yal eb' chajtlto niwn yel'ch Dios. Ton̈j xb'uchwj eb' 'a 'a, yujto 'ay spoder ya'n jun tzo'n̈ yailal cha.

Apoc 16:11

Palta an̈j 'ijnoc ma'ix sna sb'a eb' jab'oc. Ton̈j xwach' b'uchwj eb' 'a Dios 'a satchan̈ yuj jun tzo'n̈ yailal xlaj yab'i', yet' jun tzo'n̈ yab'il 'ay q'ue 'a sniwnal eb' cha.

Apoc 8:7

'Ix yutz'n jun b'ab'l ángel strompeta. Yajn̈j wal cha, ax sacb'at, yet' c'ac', caln yaj yet' chic'. 'Ix julx 'ejm 'a sat lu'um. Yuj cha, jab'xoj man̈ spacloc lum xtz'a'i. An̈jtona te te smasnil, jab'xoj man̈ spacloc xtz'a'i. Ax te c'ultac, c'uxn 'ix tz'a te smasnil.

Josué 10:11

'Ay pax eb' xcob' yac' ganar s'at 'elc 'a eb' israel cha, ya' sb'a wan spichlj 'ejm eb' 'a lum span̈nil Bet-horón. Ax Jehová 'ix 'a'n cot jun tzo'n̈ niwc sq'uenal sacb'at 'a yib'n̈ eb', masnto 'a Azeca. Yel xo wal caw niwn eb' xcham yuj q'uen sq'uenal sacb'at cha, 'a yib'n̈ pax eb' xtzu'x cham yuj eb' israel cha.

Is 8:21

'Oj tectnoc 'ec' jun tzo'n̈ 'anma chi yuj wejel. Yuj wejl cha, ax yowx 'och eb' 'a sreyal yet' 'a sDiosal. 'Ojt cob' q'ue q'ueln eb' 'a satcha'an̈,

Is 30:30

A Jehová 'oj yac' 'ab'xoc sjaj to caw 'ay smay, chan̈ sq'ue yaw, ax sch'oxn 'el spoder. 'Oj ya' cot yowl sc'ojol, lajn wal 'icha sn̈ilchj te c'ac' tzsatn 'el smasnil tas, 'oj ya' cot chacxuxm'ic', niwc yaxn̈ab' yet' sacb'at.

Ex 9:18

Yuj cha, q'uic'an yab'n wal 'icha hora tic, ax wa'n 'ejm q'uen sacb'at 'a yib'n̈ jun chon̈b' tic, jun niwquil sacb'at to mant 'a 'aj tzyac' xon 'a yictax yel yich sb'o chon̈b' Egipto tic.

Ex 9:22

Xlajw cha, xyaln Jehová 'ixtc 'a Moisés: —'Ij chan̈ a c'ab' 'a satcha'an̈, sec 'oj cot niwc sacb'at 'a yib'n̈ smasnil 'anma', 'a yib'n̈ smasnil no noc', yet' 'a yib'n̈ smasnil 'awb'en 'ay 'a yol yic Egipto tic, xchi Dios.

Job 38:22

¿'Ayxam 'aj ach xit'c 'a 'aj moln q'uen chew wu'uj, yet' 'aj moln q'uen sacb'at?

Job 38:23

A jun tzo'n̈ cha, molb'il wu'uj yic tzin c'ann 'a owal mto 'a yic tzwa'n cot junc yailal.