Apoc 16:18 - Chuj San Sebastian Bible

¹⁸ Yajn̈j wal cha, x'ec' jun tzo'n̈ raya. 'Ix laj c'an̈ c'u. 'Ay pax jun tzo'n̈ xo tas xlaj c'an̈i. 'Ix 'ec' wal jun niwquil quixcab'. Yictax mant 'a 'anma 'a yolyib'n̈q'uinal, mant xon junc quixcab' 'e'nc 'icha jun cha.

Chuj San Mateo Bible

¹⁸ Junanto rato chi', ix ec' copoljoc leb'lon. Ay pax juntzan̈ tas ix laj c'an̈i. Ix laj c'an̈ c'u. Ix ec' val jun nivan quixcab'. A jun quixcab' ix ec' chi', yictax ix pitzvi anima d'a yolyib'an̈q'uinal mantalaj b'aj ix ec' junoc icha chi'.

Apoc 16:18 Referans Kwoze

Apoc 4:5

A 'a jun despacho cha, caw tz'elt raya 'a 'a. Caw tzc'an̈ 'icha sc'an̈ c'u. Ax 'a yojltac, ata 'ay uque niwc cantil 'aych sc'aq'uil, atn Yespíritu Dios yucwn̈il.

Dn 12:1

A 'a yic jun tiempoal cha, 'oj 'och wan jun ángel Miguel, atn jun sat yajal, stan̈mal pax eb' et israelal. A yic jun tiempoal cha, caw wal niwquil jun yailal cha. Mant 'a jun 'ejmoc ujnac jun chi 'ixta', 'a yictax yel yich spitzw jun tzo'n̈ nacion̈. A 'a yic jun tiempoal cha, 'oj colchjoc can 'el smasnil eb' et chon̈ab', atn eb' tz'ib'b'il sb'i 'a ch'an̈ libro.

Apoc 11:19

Xlajw cha, 'ix jacw yatut Dios 'a satcha'an̈, caw checl 'elt scaxail strato Dios 'a 'a. Yajn̈j wal cha, til wal xc'an̈ c'u, 'ix laj 'ec' raya. 'Ay jun tzo'n̈ xo tas xlaj c'an̈i. 'Ix 'ec' pax jun niwquil quixcab'. 'Ix jaw pax jun tzon̈ niwc sacb'at.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Apoc 8:5

Xlajw cha, xyi'n cot jun ángel chi jun tzo'n̈ stzac'ac' 'ay q'ue 'a yib'n̈ jun yet'l xajmb'al. 'Ix ya'n 'ejm 'a yojl jun stz'ab'c'ac' cha, caw xb'ut'j yu'uj. Xlajw cha, 'ix sjuln 'ejm 'a yolyib'n̈q'uinal. Xlajwn̈ej cha, 'ix syamn 'och sc'an̈ c'u, yet' jun tzo'n̈ xo tas xlaj c'an̈i. Xlaj 'ec' pax raya. 'Ix 'ec' pax jun quixcab'.

Apoc 6:12

A jun tzcuch Calnelu cha, 'ix wiln sn̈i'chtan pax jun swacl seyo. 'Ix 'ec' jun quixcab' caw ow. A c'u, caw q'uic' x'aj 'icha lopil. Ax 'uj, caw chac x'aj 'icha chic'.

Mt 24:21

Yujto a jun niwn yailal 'oj jawc 'a jun tiempoal cha, mant 'a 'aj tzyac' 'ixta', yictax sb'on Dios yolyib'n̈q'uinl tic. Cojxn pax jun cha, man̈x 'a tas 'oj yac' 'ixta'.