Apoc 15:6 - Chuj San Sebastian Bible

⁶ Ata x'elt ucwn̈ ángel. Yet' eb' uque yailal, junjn yet' junjn eb'. 'Aych junjn sac pichl yuj junjn eb', caw tzictzni yilxi. 'Aych junjn cincha nab'a oro 'a sn̈i sc'ojl junjn eb'.

Chuj San Mateo Bible

⁶ Ata' ix elta ucvan̈ eb' ángel ol ic'ancot uque' yaelal, junjun yic junjun eb'. Ayoch junjun sacsac pichul yuj eb' te tziquiqui. Ay junjun tzec'ul nab'a oro ayoch d'a sn̈i' sc'ool junjun eb'.

Apoc 15:6 Referans Kwoze

Apoc 1:13

Ax 'a snan̈l jun tzo'n̈ yet'l cantil cha, ata 'ay jun lajn yilx yet' 'anma'. 'Aych jun jucn pichl yu'uj, tz'emch 'a yoctac. Ax 'a sn̈i sc'ojol, ata 'aych jun cincha niwquil sat, caw nab'a oro.

Apoc 15:1

Xlajw cha, xwiln junx senya 'a satcha'an̈, caw niwn yel'chi. Xcaw sat in c'ojl wilni. 'Ay ucwn̈ ángel yet' eb' uque slajb' yailal. Yuj uque yailal cha, 'oj tz'acwc 'el'ch smasnil yowl sc'ojl Dios.

Apoc 14:15

Ax 'a yol yatut Dios x'elt junx ángel. Caw 'ip yaln 'at 'ixtc 'a jun wocn q'ue 'a yib'n̈ jun 'asn cha: —Polch a jos cha, tox xjaw stiempoal. Yujto 'icha 'ixm trigo caw taquin̈, 'ixta eb' 'anma 'a yolyib'n̈q'uinal, xchi.

Lc 24:4

Caw 'ix sat sc'ojl eb' yilni. Ax 'ix yiln eb', 'ayc' chawn̈ ángel 'icha winc yilxi. Lin̈n 'ec' 'a stz'ey eb', caw tzictzni spichl eb' ángel cha.

Dn 10:5

Ax xwiln 'ati, 'ay jun winc 'aych jun spichl nab'a lino yu'uj, ax sinchail snan̈al b'ob'il 'a q'uen oro caw wach'.

Apoc 14:17

Xlajw cha, 'ay junx ángel x'elt 'a yol yatut Dios 'ay 'a satcha'an̈. Yamb'il pax junx jos yu'uj, caw jay ye.

Apoc 19:8

yujto 'ay jun sac pichl caw wach' 'ix 'ajx ya'chi. Caw sac, caw tzictzni, xchi eb'. A spichl caw sac cha, tzyal 'el'chi, atn swach'l eb' yic xo Dios.