Apoc 14:3 - Chuj San Sebastian Bible

³ 'Ay eb' tzb'itnan jun 'ac' b'it 'a yojltac sdespacho Dios, yet' 'a yojltac eb' querubín schan̈wn̈il, yet' pax 'a yojltac eb' 24 'ichmtac winac. May junc mach tztac' sc'ay jun b'it chi yu'uj. Cojxn eb' 144 mil colchjnac 'el 'a scal eb' 'anma 'a yolyib'n̈q'uinal, cojxn eb' tztac' sb'itnani.

Chuj San Mateo Bible

³ Ay eb' sb'itan jun ac' b'it d'a yichan̈ b'aj c'ojanem Dios yed' d'a yichan̈ eb' chan̈van̈ querubín yed' pax d'a yichan̈ eb' 24 ichamtac vinac. Malaj junoc mach syal sc'ayb'an jun b'it chi'. An̈ej eb' 144 mil colchajnaquel d'a scal eb' anima d'a yolyib'an̈q'uinal, an̈ej eb' syal sb'itani.

Apoc 14:3 Referans Kwoze

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Apoc 14:1

Xlajw cha, xwilni, a jun tzcuch Calnelu, lin̈n 'ec' 'a sjolm lum tzaln Sión. 'Ay pax 144 mil eb' 'ayc' yet'oc. Ax 'a snan̈l sat junjn eb', ata tz'ib'b'il 'och sb'i jun tzcuch Calnelu cha, tz'ib'b'il pax 'och sb'i Smam.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 2:17

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' swa eb' jun maná c'ub'b'il 'eli. 'Oj wac' pax junjn q'uen caw sac 'a eb'. Ax 'a junjn q'uen cha, tz'ib'b'il 'och jun 'ac' b'i may mach 'ojtnac. Cojn eb' 'oj chanc yico', a eb' 'oj 'ojcanc 'el jun cha, xchi.

Is 42:10

Ex 'anma cajn 'a snajtil 'el sti lum lu'um, ex tzex 'ec' 'a yib'n̈ a mar, yet' no noc' cajn ta', yet' pax ex cajn ex 'a jun tzo'n̈ chon̈b' 'ay 'a sti a mar cha, b'itnejec junc 'ac' b'it yic tzeyaln e wach' paxti 'a Jehová.

Salmos 149:1

¡Alx cab' wach' paxti 'a Jehová! Qui b'itquec 'ac' b'it 'a Jehová; an̈ec yic xo caji, qui b'itquec sb'i 'a 'aj yamn cajec.

Salmos 98:1

B'itn coyc 'a Jehová yet' junc 'ac' b'it, yujto caw satjub'tac yilx tas tzb'o'o. 'Ix yac' ganar owal, yujto caw 'ay spoder.

Salmos 40:3

'Ix ya'n in b'itnoc jun 'ac' b'it, jun b'it yic alj wach' paxti 'a Dios. Til wal eb' 'oj sat sc'ojl yiln jun tic. 'Oj laj xiw chan̈ eb', ax laj ya'noc 'och eb' Jehová yipc sc'ojol.

Salmos 144:9

Ach in Diosal, 'oj in b'itnoc jun 'ac' b'it 'ayach; 'oj in b'itn yet' in salterio.

Salmos 96:1

Qui masnil an̈ cajn on̈ 'a sat lum lum tic, b'itn coyc 'a Jehová yet' junc 'ac' b'it.

Salmos 33:3

B'itnejec yet' 'ac' b'it, wach' tzeyutj eya'n 'och sjajl b'it yet' e yamc'ab' yic b'it cha,

1 Co 2:14

A eb' man̈ 'ayc 'och Yespíritu Dios 'a 'a, matz ya'ch eb' sc'ojl 'a jun tzo'n̈ cuynb'il yic Espíritu, yujto may yel'ch 'a sat eb'. Matz tac' scomn nachj 'el jun tzo'n̈ tic yuj eb', yujto cojxn Yespíritu Dios tz'a'n nachjc 'eli.

Salmos 25:14

A eb' a wach'c'ojl a b'a yet'oc, atn eb' 'ay xiwc'ojlal 'ayach, tzac' pax 'el'choc a trato 'a eb'.

1 Co 1:18

A yab'xil schaml Cristo 'a spenc culus, may yel'ch 'a sat eb' 'anma wan satq'ui. Palta an̈ wan qui colchj yu'uj, spoder Dios yaj yab'xil tic 'ayn̈ec,

Apoc 7:4

Ax xwab'n sb'isl eb' xlaj 'och seyo 'a 'a, 'ay 144 mil sb'isl eb'. A eb' cha, wit israelal eb'. 'Ay eb' 'a junjn macn̈ 'in̈tal.