Apoc 13:5 - Chuj San Sebastian Bible

⁵ 'Ix 'ajx pax spermiso jun noc' sb'i cha, yic tzyaln jun tzo'n̈ maysch'olnil yet' b'uchwal paxti 'a Dios. 42 'ujl 'ix 'ajx spermiso ya'n yajlil.

Chuj San Mateo Bible

⁵ Ix chajipax lolon jun Noc' sb'i chi', yic syic'anchaan̈ sb'a, sb'uchvaj pax d'a Dios. 42 ujal ix chaji yac' yajalil.

Apoc 13:5 Referans Kwoze

Dn 7:25

Caw 'oj b'uchwjoc 'a jun Dios to cojxn niwn yel'chi. 'Oj 'ixtxoc eb' schon̈b' Dios chi yu'uj. 'Oj ya'lc cob' sjeln jun tzo'n̈ ley, yet' jun tzo'n̈ tiempo yic 'emmquilal alb'il can yuj Dios. 'Oj 'ochcn eb' schon̈b' Dios chi 'a yaln̈ schecnb'il 'a nan̈l schan̈l ab'il.

Dn 7:8

Ya' sb'a wanto wiln jun tzo'n̈ sch'ac cha, ax xwilni xpac' q'uel junx yune sch'ac 'a scal jun tzo'n̈ xo cha. A yic xq'ueli, 'ix 'ec' stenn̈c 'el 'oxe sb'ab'l ch'ac cha. Sch'ocxoj jun chi xcan 'a yet'l 'oxe cha. A jun sch'ac cha, 'ay yol sat, 'ay sti 'icha 'anma', caw tzb'an̈ sb'a yet' tas tzyala.

Apoc 12:6

Ax jun 'ix cha, x'at 'elc 'a cusltac lu'um. Ata 'ay jun yet'l b'ob'ilx yuj Dios, 1,260 c'u 'ix 'ajx wa ta'.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Dn 7:11

An tic, caw q'ueln in 'ochn̈ej 'a jun noc' chi yuj jun tzo'n̈ paxti yic b'an̈jb'al tzyal jun syune ch'ac cha. Ya' sb'a wanto wiln cha, 'ix ma'x cham jun noc' cha, caw choc' x'aji. Wal 'a yajn̈ej xjulx 'at 'a scal c'ac', 'ix tz'a'i.

Apoc 12:14

Palta x'ajx 'och sc'axl 'ix caw niwac, lajn 'icha sc'axl no salt'iw. Yuj cha, x'at jen̈n̈oc 'ix 'a jun yet'l 'a cusltac lu'um, sec matz yamchj yuj jun chan cha. Ata x'ajx wa 'ix nan̈l schan̈l ab'il.

2 Ts 2:4

A jun cha, 'oj yac' owl yet' Dios. 'Oj chichnoc pax 'och 'a jantcn̈ej tas tzalx 'och diosal, yet' 'a jantcn̈ej tas 'aj tzyal sb'a eb' 'anma'. 'Oj 'em wocn 'a yol yatut Dios, ax yaln 'och sb'a Diosal.

Dn 7:20

An̈jtona xin c'anb'n paxi, tas wal tzyal 'el'ch lajn̈e sch'ac no cha, yet' pax junx sch'ac tot xpac' q'uet cha. 'Ix stenn 'el 'oxe ch'ac chi 'a yet'l 'aj xq'ueli. Yel xo 'ec'b'al yel'ch 'a yib'n̈ jun tzo'n̈ xo yitb'eym cha. A jun sch'ac tot xpac' cha, 'ay yol sat, 'ay pax sti', caw tzb'an̈ sb'a yet' tas tzyala.

Apoc 13:7

An̈jtona', 'ix 'ajx pax spermiso ya'n owl yet' eb' yic xo Dios, masnto xyac' ganar scan eb' 'a yaln̈ yu'uj. 'Ix 'ajx yopiso ya'n yajlil 'a yib'n̈ smasnil 'anma 'a junjn chon̈ab', 'a junjn nacion̈. Toxn̈ej chucch 'in̈tal eb', toxn̈ej chucchc til tzyal eb', c'uxn 'ix 'ajx mandar eb' yu'uj.

Apoc 11:7

Palta ax 'a yic 'oj lajwc yaln 'el eb' spaxti Dios, 'ay jun noc' sb'i caw ow, q'uenc wul 'a yol jun xab' olan. 'Oj 'at jucn̈joc yac' owl yet' eb'. Ax ya'n ganar smiln cham eb'.

Salmos 12:3

Mamin Jehová satcn 'el jun tzo'n̈ 'anma cha, atn eb' chab'sat yaji, yet' pax eb' niwc winc tzlaj yutc sb'a.

Dn 8:14

'Ix ta'w junx ángel chi 'a 'ixtic: A jun tic, 'ayc'n̈ej masnto 'oj tz'acwc 'ec' 2,300 yemc'ual yet' yic sq'uin̈b'il 'aj man̈x 'oj 'ajxoc xajmb'al. Atta 'oj lajwc 'ec' jun tzo'n̈ tic. 'Ixta to b'i'an, ax yijx 'el tas man̈ wach'c 'aych 'a yojl scajnub' Jehová, xchi junx ángel cha.

Dn 12:12

A wal eb' 'oj techjoc yec' 1,335 c'ul yu'uj, caw wach' yic eb'.

2 Ts 2:3

Caw man̈ e cha 'ixtxoc paxti e b'a. Yujto a 'a yic mantzac jaw Cajlilec, 'ay jun tiempoal, til wal mach 'oj sutmj pax 'och 'ajc'ojlal 'a Dios. Atta 'oj checljoc 'el jun win syajlil maysch'olnil. A win cha, yowlal 'oj 'ajxc can 'at 'a yailal.

2 Ts 2:8

At wal ta 'oj checljoc can 'el jun win syajlil maysch'olnil cha. Palta a Cajlilec, 'oj yutz'c cham yet' yic'. A yic 'oj jawc Cajlilec 'a scal stzictznial, ax satcn 'ejm win yu'uj.

Ez 35:13

Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.