Apoc 12:2 - Chuj San Sebastian Bible

² 'Ayx tz'i'n 'ix, 'ayx cot spenail yune 'ix. Caw tz'el yaw, yujto tznib'j 'ix scol sb'a.

Chuj San Mateo Bible

² Yab'ix ix, ayxocot syail yune' ix. Ix el val yav ix, yujto sgana ix scolchaji.

Apoc 12:2 Referans Kwoze

Apoc 12:4

Ax yet' sn̈e, 'ix sloc cot jun tzo'n̈ c'anal 'a satcha'an̈. Jab'xoj man̈ spacloc x'aj syamchj jun tzo'n̈ c'anal chi yu'uj, sjuln 'ejm 'a yolyib'n̈q'uinal. Xlajw cha, xc'och 'a yojltac jun 'ix 'ayx tz'i'n cha, yujto tznib'j schi jun 'unn wan yalj cha.

Gl 4:19

Ax xo, 'icha to caw wunnal ex. Caw niwn tzwab' syal eyu'uj, 'icha junc 'ix caw tzyab' syail, yic tz'alj yune'. An̈ja 'ixta 'oj wab' syal eyu'uj, masnto 'oj wach' lajnb'oc e nab'en yet' Cristo.

Jn 16:21

Q'uinloc 'ay junc 'ix ticnec, wan yalj yune'. Tzcus toni, yujto 'aych 'a syailal. Palta ax yic tox 'ix 'alj yune cha, man̈xtzac sna cot syailal cha, caw tzalj paxi, yujto x'alj jun 'unn chi 'a yolyib'n̈q'uinl tic.

Gl 4:27

A 'a Ch'an̈ U'un̈, ata tzyal Dios 'ixtc yuj chon̈b' Jerusalén: Ach 'ix, wach'xam toxn may one', palta tzaljan̈. Man̈ ojcoc xon syal tz'aj yalj 'unin, palta q'ue cab' 'aw a tzalji. Yujto a junc 'ix 'ix 'actb'il can yuj yichmil, yel xo niwn yune 'oj 'aljoc 'a yib'n̈ 'ix tz'i'n yichmil 'ix cha, xchi 'a Ch'an̈.

Miqueas 5:3

Ax ticnec, 'oj yactc can Jehová schon̈ab', masnto 'oj 'aljoc yune jun 'ix 'ix wan stan̈wni yalj cha. Atta 'oj meltzjoc cot eb' israel 'ijxnac 'at 'icha presoal 'a chuc chon̈b'al, sec junxn̈ej 'oj 'aj eb' yet' eb' yit chon̈ab'.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Is 54:1

A Dios 'ix yal 'ixtc yuj chon̈b' Jerusalén: A jun chon̈b' tic lajn 'icha junc 'ix 'ix may xon 'aj tz'unewi, 'actb'il can yuj yichmil, palta ax ticnec, smoj wal yel yaw yuj tzaljc'ojlal, smoj sb'itni, yujto yel xo wal niwn yune 'oj yune'oc 'a yib'n̈ 'ix 'ix 'ayc' yichmil yet'oc.

Is 26:17

'Icha wal junc 'ix 'ix wan sc'och stiempoal yalj yune', wan stac sc'ojl 'ix yab'n syail, 'ixta 'on̈ 'aj 'a ojltac on̈.

Is 66:6

'Ay jun 'aw checl yoch 'a yol chon̈ab', a jun 'aw cha, ata 'ay 'a yol yatut Dios. A Jehová a wan ya'n 'och syailal eb' 'ajc'ojl yajch 'a 'a, wan ya'n spac yic junjn mach, 'icha tas smoj schani.

Miqueas 4:9

A ticnec ex 'aj Jerusalén, ¿tas yuj tz'el eyaw 'icha 'ix 'ix tzyab' syal yalj yune'? ¿tom yujto may e reyal? ¿mto yujto may eb' 'a'm nab'en 'a e cal?

Mt 24:8

A jun tzo'n̈ yailal cha, ton̈j tzb'ab'lj cani, 'ayt wal jun tzo'n̈ xo yel xo tu 'oj jawoc.