Apoc 11:17 - Chuj San Sebastian Bible

¹⁷ 'Ix yaln eb' 'ixtic: Ach tic Dios ach, smasnil tas tztac' o'oj. 'Aych 'ec' ticnec, 'aych 'ec'n̈ej yictax pecti'. Tzcac' yuj diosal 'aych ach Cajlil on̈. Yujto xa ch'oxo, to caw niwn a poder, yic xa chan 'el yich a'n Yajlil.

Chuj San Mateo Bible

¹⁷ Ix yalan eb' icha tic: Ach Dios Cajalil, masanil tas syal uuj. Ay ach ec' ticnaic, ay achtaxon eq'ui. Scac' yuj diosal d'ayach ach Cajalil, yujto ix a ch'oxo' to te nivan a poder ayic ix a chaanel yich ac'an mandar d'a yolyib'an̈q'uinal.

Apoc 11:17 Referans Kwoze

Apoc 1:8

Yaljnac Cajlilec 'ixtic: An tic b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in, xchi Cajlilec, atn pax jun tztac' yuj smasnil. A 'ayc' ticnec, 'ayc'n̈ej tax 'a yic pecti', atn jun 'oj jawoc.

Apoc 16:5

Ax xwab'ni, a jun ángel 'aych syajlilc a a cha, xyaln 'ixtic: —Mamin, ach Dios, cojxn ach wach' ach. 'Aych 'ec' ticnec, 'aych 'ec'n̈ej yictax pecti'. Caw tojl xotj a b'eyc'ojlan eb' yet' jun xa b'o tic.

Apoc 19:6

Ax xwab'n paxi 'ay jun 'icha sjaj nan̈loc 'anma'. Caw tzn̈il-li sjaj eb', 'icha sc'an̈ sb'ey jun tzo'n̈ a niwc a'. 'Icha sc'an̈ jun tzo'n̈ c'u caw wal ow sc'an̈i, 'ixta sjaj eb', 'ix yaln eb' 'ixtic: ¡Calc wach' paxti 'a Dios! Yujto a Cajlil qui Diosalec, tztac' yuj smasnil, 'ix swach' yamj 'och ya'n Yajlil.

Apoc 1:4

An Juan in tic, an tzin tz'ib'j 'at 'ayx ex creyente 'a uque iglesia 'a yol yic Asia. Ya' cab' Dios swach'c'ojlal yet' sjunc'ojlal 'ayex. A Dios 'ayc' ticnec, 'ayc'n̈ej tax 'a yic pecti', atn jun 'oj jawoc. Ax 'a yojltac sdespacho, ata 'ayc' ucwn̈ Espíritu, ya' cab' eb' swach'c'ojlal 'ayex.

Apoc 19:11

Ax xwilni, jacn satcha'an̈. Ata 'ayc' jun chej caw sac. Ax jun 'ay q'ue 'a yib'an̈, Yiclum sb'i, Yel pax sb'i. Yujto caw tojl tzyutj sb'eyc'ojlwi, xya'n pax owal.

Apoc 16:7

Ax xwab'ni, 'ay jun 'ayc' 'a yet'l xajmb'al, xyaln pax 'ixtic: —Yel Mamin, Dios ach, smasnil tas tztac' o'oj. Caw yel tojl xotj a b'eyc'ojlan eb' 'anma', xchi.

Salmos 21:13

Mamin Jehová tztac' oj smasnil, 'oj ach qui b'itnoc on̈, yujto caw niwn a poder, tzcaln pax wach' paxti 'ayach.

Apoc 16:14

A 'oxwn̈ eb' demonio cha, checb' yaj eb' yic tzch'oxn eb' jun tzo'n̈ milagro. X'at eb' yac' syam sb'a jantcn̈ej eb' niwc yajl 'a smasnil yolyib'n̈q'uinal, yic tzya'n eb' owl 'a yic jun c'u niwn yel'ch yic Dios, atn Dios tztac' yuj smasnil.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.

Apoc 11:15

'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.

1 Ti 1:12

A Cajlil Jesucristo, caw 'aych wet' 'a wopiso tic. Caw tzwac' yuj diosal 'a 'a, yujto xyala chajtlto yiclum in 'a sat. Yuj cha, xya'n wopiso wa'n servil.

Lc 10:21

A 'a yic jun rato cha, caw tzalj Jesús yuj Yespíritu Dios. 'Ix yaln 'ixtic: Mamin, yajl ach 'a satcha'an̈, yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, yet' 'a eb' caw 'ay snab'en 'a sat eb' yit 'anma'il. Ax eb' 'icha 'unin, a eb' 'ix ac' 'ojcanc 'eli. 'Ixta x'aj Mamin, yujto 'ixta tza nib'ej, xchi 'a Dios.

Mt 11:25

Ax 'a jun tiempoal cha, 'ix leslwi Jesús 'ix yaln 'ixtic: —Mamin, Yajl ach 'a satcha'an̈ yet' 'a yolyib'n̈q'uinl tic. Tzwal wach' paxti 'ayach, yujto xa c'ub'j 'el jun tzo'n̈ tic 'a eb' jelan, eb' caw 'ay snab'en 'a sat eb' yit 'anma'il, ax 'a eb' 'icha 'unin, a eb' xac' 'ojcanc 'eli.

Salmos 57:11

Ach in Diosal, 'ijx cab' chan̈ a b'i 'a yib'n̈ satcha'an̈, ch'oxx cab' a tzictznil 'a smasnil yolyib'n̈q'uinl tic.

Gn 17:1

A Abram 99 ab'il sq'uinal, yic sch'oxn sb'a Jehová 'a 'a, xyaln 'a 'ixtic: —An ton Dios in, tztac' wuj smasnil, wach' tzotj a b'a 'a in sat.

2 Co 9:15

Calc yuj diosal 'a Dios, yujto a jun siyjnac cot 'ayn̈ec, man̈x 'a yalnb'il jantc swach'il.

Dn 6:10

A yic xyab'n Daniel chajtlto tox 'ix alx 'el jun ley cha, 'ix 'at 'a yatut, 'ix q'ue 'a jun scuarto 'aj tzwayi, ata x'em cumn sleslwi 'a Dios. 'Ox 'ejm xleslwi 'a jun c'u cha, 'icha tzyac' xon 'a junjn 'ejem. A jun scuarto cha, jacn swentnual, ata 'ay 'a stojlal Jerusalén.

Is 52:10

A Jehová, tox 'ix sch'ox spoder yil smasnil nacion̈. 'Oj yojcoc 'el smasnil 'anma 'a yolyib'n̈q'uinl tic, chajtlto a Dios on̈ colnec 'eli.

2 Co 2:14

Palta calc yuj diosal 'a Dios, yujto smasnil tiempo on̈ yac' 'och tza'n yuj Cristo Jesús, yic tzcheclj 'eli to a 'ix a'n ganar. Cujec tzpucb't yab'xil 'a junjn lugar, 'icha tzpucb't sjab' junc incienso.

Jn 11:41

'Ixta to b'i'an, 'ix yi'n 'el eb' q'uen smac chi 'aj 'aycn 'och winac. Ax Jesús, 'ix q'ue q'ueln 'a satcha'an̈, 'ix yaln 'ixtic: —Mamin, yuj wal dios 'ayach, 'ix ab' tas 'ix wala.

Dn 2:23

Ach qui Diosal on̈, sDiosal ach pax eb' qui mam quichm on̈, caw tzwac' yuj diosal 'ayach. Tzwaln pax wach' paxti 'ayach, yujto 'ix ac' in jelnal, yet' pax wip. A ticnec 'ix ac' wojcoc 'el tas 'ix qui c'an 'aych on̈; xac' wojcoc 'el tas yaj swaych win rey, xchi Daniel 'a Dios.

Apoc 18:8

Yuj wal cha, junn̈j c'u, 'oj jawc smasnil yailal 'a yib'an̈. Caw 'oj cusoc. 'Oj 'och swejel. 'Oj n̈usxoc tz'a 'a scal c'ac', ax schami. 'Ixta 'oj 'aj 'ix, yujto caw niwn spoder Dios Cajlil, atn wal 'oj b'eyc'ojlanc 'ix, xchi jun 'aw cha.