Apoc 10:2 - Chuj San Sebastian Bible

² 'Ayc' jun ch'an̈ yune un̈ 'a yol sc'ab', jacn ch'an̈. A yoc 'a swach', stec' 'ejm 'a yib'n̈ a mar. Ax yoc 'a surito, stec' 'ejm 'a sat lu'um.

Chuj San Mateo Bible

² Ay jun ch'an̈ yune' uum d'a yol sc'ab', jacan ch'an̈. Axo jun yoc d'a svach' ix yaq'uem tec'tec' d'a sat a' mar. Axo sq'uexan̈ ix yaq'uem tec'tec' d'a sat luum.

Apoc 10:2 Referans Kwoze

Apoc 10:5

Ax jun ángel te'n 'ejm yoc 'a yib'n̈ a mar yet' 'a sat lum cha, 'ix ya'n q'ue swach' c'ab' 'a satcha'an̈.

Apoc 6:3

Ax jun tzcuch Calnelu, a yic 'ix sn̈i'chtan jun schab'l seyo, 'ix wab'n yaln junx schab'l querubín chi 'ixtic: Cotan̈, xchi.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Salmos 65:5

Ach qui Diosal on̈, qui Colmal aji, ach tzon̈ a ta'wej, tzon̈ a b'onyaj yet' tas satjub'tac yilxi. Smasnil eb' 'anma cajn 'a sat lum lum tic, yet' eb' cajn 'a sc'axpil 'ec' a mar, 'oj ach ya'ch eb' yipc sc'ojol.

Salmos 2:8

C'an 'ayin, ax wa'n jun tzo'n̈ niwc nacion̈ 'ayach, ax eca'an smasnil yolyib'n̈q'uinal, masnto 'aj tzlajw c'ochi.

Apoc 6:1

'Ix wilni, a jun tzcuch Calnelu, a 'ix n̈i'chtan jun b'ab'l seyo cha. Xlajwn̈ej cha, xwab'ni, a 'a chan̈wn̈ querubín cha, ata 'ay jun 'ix aln 'ixtic: Cotan̈, xchi. A yol sjaj, lajn 'icha sc'an̈ c'u.

Is 59:19

Smasnil 'anma 'a yolyib'n̈q'uinl tic, caw wal 'oj xiw eb' yiln sjaw Jehová yet' spoder. Niwn pax yel'ch 'a sat eb', atn eb' cajn 'a stojlal 'aj tzq'uel c'u yet' 'a stojlal 'aj tz'em c'u. Yujto 'icha wal sjaw a 'elmal a 'aych yic'al, caw 'ay smay, 'ixta wal 'oj jawoc.