Apoc 1:18 - Chuj San Sebastian Bible

¹⁸ Pitzn in. Wach'xam in chami, palta pitzn in 'a jun 'ejmn̈ej ticnec. An tic, yajl waj 'a yib'n̈ chamel, yajl pax waj 'a jun lugar 'aj 'ay spixn eb' chamnac.

Chuj San Mateo Bible

¹⁸ Pitzan in, milb'il in chamoc palta pitzvinaquinxi d'a juneln̈ej. A d'ayin ay sllaveal yic chamel yed' jun lugar b'aj ay eb' chamnac.

Apoc 1:18 Referans Kwoze

Ro 6:9

Yujto cojquec, ye'xn̈ej pitzwnac can pax Cristo 'a scal eb' chamnac. Man̈x 'a b'a'n̈ 'oj cham jun 'ejmoc xo, yujto man̈x 'ayc 'och 'a yol sc'ab' chamel, caw man̈x 'a yel'ch spoder jun chaml chi 'a 'a.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

Salmos 68:20

A qui Diosalec, atn qui Colmalec paxi. A Jehová Cajlilec tic, tztac' on̈ scolnec 'el 'a yol sc'ab' chamel.

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic:

Is 22:22

A 'a yol sc'ab', ata 'oj wa'ch syaveal yatut eb' rey yin̈tl can David; may junc mach 'oj stac' smacn puerta to a 'oj jacnoc, may pax junc mach 'oj stac' sjacn puerta to a 'oj macnoc.

A Ch'an̈ Carta D'a Eb' Hebreo 12:2

Ca'c 'at qui nab'en 'a Jesús, yujto a tz'a'n ca'c 'och qui c'ojl 'a 'a. Yu'uj, caw tz'acn tzcutjec ca'n 'och 'a qui c'ojol. 'Ix yab' syal 'a te culus. Ma'ix sna jab'oc toto q'uixweltac x'aj schami, yujto yojtac, a yic tzlajw yab'n syal cha, caw tzaljc'ojlal yico'. Ax ticnec, wocn 'ejm 'a sdespacho Dios 'a swach' c'ab'.

Mt 16:19

A 'aych 'oj wac' syaveal yic tz'och eb' 'anma 'a yol sc'ab' Dios 'aj satcha'an̈. Tzann̈j tas 'oj ala', to 'ay yowlal 'a yolyib'n̈q'uinl tic, 'ay pax yowlal 'a sat Dios. An̈jtona', tzann̈j tas 'oj ala', to may yowlal 'a yolyib'n̈q'uinl tic, may pax yowlal 'a sat Dios, xchi 'a 'a.

Apoc 20:14

Ax jun chaml cha, yet' jun yet'l spixn eb' chamnac, 'ix julx can 'at 'a scal jun niwquil c'ac' tzn̈ilchji, jun 'icha pama'. A jun c'ac' cha, atn jun schab'l chamel.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

Gl 2:20

A ticnec, 'icha to 'ac'b'iln̈ec q'ue 'a spenc culs yet' Cristo 'a sat Dios. Yuj cha, man̈xtoc pitzn on̈c ticnec. Atn Cristo pitzn yaj 'ayn̈ec. Axn̈ej sb'eyb'al tzqui b'eylb'ejc ticnec, yujto tzca'c 'och qui c'ojl 'a Yunnal Dios. Caw sch'oxjnac schamc'ojlal 'ayn̈ec, yujto ya'jnac cham sb'a cujec.

Apoc 4:9

'Ixta xyutj chan̈wn̈ querubín chi yalni, chajtlto niwn swach'il, caw niwn yel'ch jun wocn 'ejm 'a sdespacho cha. Tzya'n eb' yuj diosal 'a 'a, atn jun 'ayc' 'a jun 'ejmn̈ej. A yic tzyaln eb' junjn 'ejm 'ixta',

A Ch'an̈ Carta D'a Eb' Hebreo 7:16

Man̈ yujoc ley yic Moisés, x'ajx yopiso ya'n 'och qui tic 'a Dios. Palta x'och yopiso, yujto may b'a'n̈ 'oj lajwc 'ec' sq'uinal.

2 Co 13:4

Yel toni, a yic yajx q'ue 'a spenc culus, 'icha to may spoder, palta yuj spoder Dios pitzn ticnec. An̈jtona an̈ tic on̈, 'icha to may qui poder yet' junx on̈; palta yuj spoder Dios, pitzn on̈ yet' on̈, sec wach' an̈ja ex ca'n servil on̈.

Job 19:25

Wojtac to a jun mach tzin colni, pitzan, ax 'a slajb' c'ual, 'oj jawc in wul yi' chan̈ 'a sat lum tic.

Apoc 9:1

Xlajw cha, xyutz'n jun yol ángel strompeta. Ax xwilni, a jun c'anal 'a satcha'an̈, 'ix 'ejm 'a yolyib'n̈q'uinal. A 'a jun c'anal cha, ata 'ix 'ajx syaweal jun xab' olan.

Jn 14:19

Jab'xoj wal tiempo, 'ixta to b'i'an, man̈x b'a'n̈ 'oj in yil eb' 'anma'. Ax xo tic, 'oj in eyila'. Yujto pitzn in 'a jun 'ejmn̈ej, yuj cha, pitzn ex pax 'a jun 'ejmn̈ej jun xo.

A Scarta San Pablo D'a Eb' Aj Colosas 3:3

yujto chamnc on̈c xo yet' Cristo 'a sat Dios. Ax qui q'uinlec, molb'il yet' 'a 'aj junn̈j yaj yet' Dios.

Salmos 18:46

Mamin Jehová pitzn achn̈ej. Alx cab' wach' paxti 'aych ach in Colmal; 'ijx cab' chan̈ a b'i ach in Diosal, to in Colmal aji.

Apoc 5:14

Ax eb' querubín schan̈wn̈il, 'ix yaln eb' 'ixtic: —B'o cab' 'ixta', xchi eb'. Ax eb' 24 'ichm winc cha, 'ix 'em cumn eb', 'ix yaln sb'a eb' ['a jun 'ayc' 'a jun 'ejmn̈ej.]

A Ch'an̈ B'ab'el Libro Samuel 2:6

Mamin Jehová 'aj q'uinl ach, ach tzej 'ec' qui q'uinl on̈, tza'n paxi. Tztac' tzon̈ 'a'cn 'ejm 'a yol sjul-l eb' chamnc 'anma', tzon̈ a coln pax q'ueta.

Job 38:17

¿Tox am 'ix ela 'aj 'ay spuertail yet'l chamel?

Mt 11:23

An̈jtona', 'ixta 'ex 'aj Capernaum. Tzcob' e na', to smoj 'oj e c'och 'a satcha'an̈. Palta ton̈j 'oj eyemcn 'a scal eb' chamnac. Octom a 'a Sodoma b'ob'il jun tzo'n̈ milagro 'icha xb'o 'a e cal. To 'ixta', snajnac sb'a eb', ax jun schon̈b' eb' cha, an̈ja 'ayc' ticnec.

Lc 24:5

Yuj cha, xcaw 'och xiwlal 'a spixn eb'. 'Ix 'em q'uelnjoc eb' 'a sat lu'um. Ax eb' ángel chi xaln 'a eb' 'ixtic: —¿Tas yuj a 'a yol yet'l eb' chamnc tic tze say jun pitzan?

Jn 11:25

—An tic, 'a'm in pitzwc pax chamnac, 'aj q'uinl in paxi. Tzann̈j eb' tzin 'a'n 'och 'a sc'ojol, wach'xam 'oj cham eb', palta 'oj pitzwc pax eb'.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

Apoc 6:8

Ax xwilni, 'ayc' junx chej caw c'an. A jun 'ay q'ue 'a yib'an̈, atn Chamel. Ax jun lugar 'aj 'ay spixn eb' chamnac, 'icha to a tza'n 'och yu'uj. A jun cha, 'ix 'ajx spoder 'a yib'n̈ eb' 'anma 'a yolyib'n̈q'uinal. Chan̈c'aj 'oj 'el eb'. Palta 'ay junc'aj eb' 'oj milxc chamoc. 'Oj cham eb' yuj owal, mto yuj wejel, mto yuj yab'il, mto yuj jun tzo'n̈ no chiwjum noc' 'ay smay.

Apoc 10:6

Ax yic xpaxtini, 'ix slocn sb'i Dios pitzn 'a jun 'ejmn̈ej, atn jun b'ojnac satcha'an̈, sat lu'um, a mar, yet' jantcn̈ej tas 'ay 'a jun tzo'n̈ cha. 'Ix yaln jun ángel chi 'ixtic:

Apoc 15:7

'Ay jun 'a eb' querubín schan̈wn̈il, a 'ix 'a'n junjn vaso nab'a oro 'a junjn eb' ángel cha. A junjn svaso eb' cha, b'ut'n yet' yowl sc'ojl Dios. Atn Dios 'ayc' 'a jun 'ejmn̈ej.

Apoc 20:13

Ax a mar, c'uxn xyac' pitzwc eb' chamnc 'ay 'a 'a. 'Ixta pax jun chamel, yet' jun yet'l spixn eb' chamnac, c'uxn xyac' pitzwc pax jantcn̈ej eb' 'ay 'a 'a. Yuj cha, 'ix b'eyc'ojlax eb' smasnil. A tzyala, tastc sb'ojnac junjn eb'.